¹ Nao poen we mifala stap talem hemi olsem: Yumi gat wan hae pris we i sitaon long raet han saet long tron blong Hae God long heven. ² Hem i olsem wan wokman insaed long Holy ples ia, olsem tru tabenakel ia we, i no man i mekem, be Masta blong yumi i mekem. ³ Wok blong evri hae pris we oli makem aot hemi blong ofarem ol presen mo ol sakrifais. Nao from samting ya yumi mas oltaem kivim samting blong oli ofarem. ⁴ Nao spos Masta Jisas Kraes i bin stap nomo long wol, bae hemi no wan pris, from i gat olgeta man finis we oli mekem wok ia blong ofarem ol presen we i stret folem loa. Wok we oli mekem hemi olsem sadow blong olgeta samting we i stap hapen long heven. ⁵ I semak olsem we God i bin letem Moses i save bifo hemi bildim haos blong prea( Tabenakel): God i talem long moses se, " mekem sua se evri samting yu mekem i mas folem stret mark we yu bin luk antap long hil." ⁶ Be naoia wok we Jisas Kraes i karem hemi gud more bitim wok we ol hae pris oli bin stap mekem bifo, hem i olsem midel man blong niufala kavenan ia we God i mekem wetem olgeta man blong wol olsem we Hemi bin promesem, we i gud olgeta. ⁷ Nao God i mekem namba tu kavenan ia from nomo se fesfala kavenan hemi no bin wok gud. ⁸ From long taem we God i faenemaot rapis fasin blong ol man long wol, Hemi talem se, " olgeta dei we istap kam - Masta i talemaot se - taem Mi mekem wan niufala akrimen wetem ol man blong Israel mo ol man Juda. ⁹ Bae i no olsem akrimen we Mi bin mekem wetem ol pupu blong pupu blong olgeta taem Mi bin lidimaot olgeta long Egip. Masta Jisas Kraes i talem se; - Oli no bin folem gud akrimen ia mo Mi no more lukluk long olgeta. ¹⁰ Masta Jisas Kraes i talem se, hemia hemi akrimen ia we bae Mi mekem wetem ol man Israel. Bae Mi putum loa insaed long hed blong olgeta, mo bae mi raetemaot tu long hat blong olgeta. Bae Mi Mi God blong olgeta, mo olgeta bae oli ol man blong mi. ¹¹ Bae oli no tijim ol manples mo ol nara brata blong olgeta se, 'yufala mas save Masta Jisas Kraes,' From bae evriwan we oli no save bae oli save Mi, stat long olgeta we oli no impoten tumas go kasem olgeta we oli impoten we impoten tumas. ¹² Bae Mi gat sore long olgeta mo forgivim olgeta from ol rapis fasin blong olgeta, mo ol sin blong olgeta bae Mi nomo tingbaot bakeken." ¹³ From se hemi singaotem akrimen ia se "niu," hemi stap talemaot se fesfala akrimen bae i no moa save wok, from samting ia, bae fesfala akrimen ia bae oli nomo save usum mo bae hemi no mo save stap.