¹ God hemi jusumaot olgeta hae pris, we oli stap mekem wok long bihaf blong ol man, blong oli stapkarem presen mo mekem sakrefaes from ol sin blong man i go long God. ² Hem nomo i save stretem olgeta man we oli no bilif long God, mo olgeta we oli foldaon long sin, from we hemi save toktok gud wetem olgeta. ³ Hem nomo i save mekem ol sakrefaes i go long God from ol sin blong hem, olsem we hemi stap mekem blong ol nara man. ⁴ Aron i bin mekem olsem from we God i singaotem hem blong mekem.Be i nogat man i save mekem long hem wan olsem. ⁵ Long sem fasin ya,Kraes ino leftemap hem wan,se hemi hae pris .Be igat wan we istap talem se, ''Yu yu pikinini blong mi;mo tedei mi mi papa blong yu.'' ⁶ Mo long wan narafala ples bakegen,tok ya i talem se, ''Afta long ol fasin blong king Melkisedek ya bifo,yu yu hae pris we bambae yu stap foreva.'' ⁷ Long ol deis we Kraes i stap laef yet,Hemi stap prea mo i stap askem long God we hemi stap krae bigwan ,nao God i karem hem,from ol gudfala fasin blong hem. ⁸ Hemi hambolem ol harem nogud we hemi stap fesem,no matta we hemi pikinini blong blong God. ⁹ Evri man we oli obei long Hem,bae oli save kasem laef we ino save finis,from we hemi kam stret man finis. ¹⁰ God nomo hemi jusumaot hem blong ikam hae pris ya olsem Melkisedek ya bifo. ¹¹ Fulap samting we mifala i wantem tokbaot Jisas long yufala from,be taem we yufala i slo blong harem save samting,hemi had blong mifala i explenem. ¹² Long taem naia yufala i sut kam olsem ol tija finis long tok blong God.Be yet yufala i wantem man i tijim yufala long ol stamba tingting long tok blong God.Yufala i no laekem ol strong kakai be yufala i laekem melek yet. ¹³ Olgeta man we oli stap drink melek,i olsem we oli pikinini yet,from oli no save kasem ol mesej blong stret fasin blong God. ¹⁴ Be olgeta we oli stap kakai strong kakai,hemia olgeta we oli strong mo oli save luk save gudfala fasin mo ol fasin nogud.