¹ Letem brata ya igo hed blong soemaot lav. ² Yufala ino fogetem blong welkamem mo soem gudfala fasin long ol man we yufala ino save long olgeta. Tru long samting ya, samfala oli no save se oli bin welkamem ol enjel. ³ Tingbaot ol prisina spos we yu yu stap wetem olgeta long prisin haos. Mo tingbaot olgeta we oli stap mekem nogud long ol prisina mo tingbaot spos yu yu wan long olgeta tu. ⁴ Letem maret laef blong yufala istap long stret fasin oltaem, mo yufla i mas kipim maret bed blong yufla i klin oltaem, from God bae i jajem mared laef we ino klin mo ol man mo woman we oli stap salem body blong olgeta. ⁵ Yufla ino mas harem gud long wantem blong mani. Yufla i mas glad long samting we yufla igat, from hemia hemi wanem we God i talem, "Bae mi neva lego yu, o fogetem yu." Yumi mas glad blong kat strong tingting blong talem se, ⁶ "Jisas hemi helpa blong mi; bae mi mi no mas fraet. Wanem nao bae man i mekem long mi?" ⁷ Lukaot long ol lida blong yufla, olgeta we oli talemaot tok blong God long yufla, mo lukaot long ol fasin blong olgeta. Yufla i mas kat semak feit olsem ol lida blong yufla i gat. ⁸ Jisas Kraes hemi semak iestete, tete, mo foreva. ⁹ Yufla ino mas folem ol rapis tijin. From hemi gud blong yufla i mas mekem hat blong yufla i strong oltaem long glad hat blong God, be ino wetem ol kakae we bae no save helpem olgeta we oli wokbaot from olgeta. ¹⁰ Mifla i kat ples bonem ol animol we hemi blong mekem sakrifaes igo long God we hemi blong olgeta we oli stap sef insaed long haso blong prea Tabenakel we oli nogat raet blong kakae insaed. ¹¹ Mo ol blad blong animol we bae oli kilim from ol fasin nogud blong yumi hae pris nao bae i karem iko insaed long holi ples mo lo sem taem ia tu we bae oli bonem bodi blong ol animol ia aotsaed long ples we ol man oli liv long hem. ¹² Mo Jisas hemi stap harem nogud aotsaed long ket blong bigfala taon ya,blong mekem ol pipol oli fri long fasin nogud long blad blong hem nomo. ¹³ Yumi mas kamaot long ples we yumi stap long hem mo yumi go luk hem aotsaed ,mo yumi allawem ol man oli mekem sem long yumi olsem we oli mekem long hem. ¹⁴ Mo bakegen yumi nogat wan strong taon yet long ples ya.Be,yumi mas lukaotem hemia we bae i kam yet. ¹⁵ Tru long hem,yumi mas mekem ol sakrifaes blong presem God oltaem,praes ya we i olsem ol frut blong lips we yumi stap talem tankyu long nem blong hem. ¹⁶ Yumi no mas foketem blong mekem ol gudfala fasin mo shea,from hemi wan gudfala sakrifaes we God iglad long hem. ¹⁷ Yufala imas folem mo mekem wanem we ol lida blong yufala italem ,from olgeta ya nao oli stap lukaot long kristin laef blong yufala,Yufala i mas obei long ol lida blong yufala from bae oli mekem ol samting wetem glad hat be ino wetem harem nogud long yufala nating. ¹⁸ Prea from mifala,mifala i harem se mifala ino mekem wan samting nating blong mekem mifala i harem nogud mo mifala i wantem stap stret long evri samting. ¹⁹ Mi mi stap talem long yufala plante taem blong mekem ol samting ya,from se ino long taem bae mi kam bak. ²⁰ Nao God we hemi God blong pis ,we hem i tekem ded ikam bak long laef bakegen long ded ya hem nao hemi namba wan man blong lukaot long ol sipsip,we hemi Jisas blong yumi,wetem blad ya we istap mo ino save finis samtaem. ²¹ Yumi mas mekem evri samting long wan gudfala fasin olsem we hemi wantem ,nao bae yumi leftemap nem blong hem tru long Jisas kraes ,we hem nomo we yumi save presem hem gogo ino save finis amen. ²² Nao mi mi talem long yufala ol brata blong mi ,blong yufala imas stap wetem mi long toktok ya we mi mi raetem ikam long yufala. ²³ Yufala imas save se brata blong yumi Timoti hemi bin go fri ,bae mi kam wetem Timoti blong luk yufala ino long taem . ²⁴ Talem halo long ol evri lida blong yufala mo ol kristin man long ples blong yufala.Olgeta long Itali oli talem halo long yufala. ²⁵ Lav blong God istap wetem yufala evriwan.