¹ Leta we Pol i raetem i go long Silvanis mo Timoti go long olgeta Kristin man long jej blong Tesalonaeka long God Papa mo Masta Jisas Kraes. ² Bambae gladhat mo pis blong Papa God mo Masta Jisas Kraes i stap wetem yufala. ³ Oltaem yumi mas talem tankiu long God from yufala ol brata. From we feit blong yufala i stap kam moa bigwan, from lav we yufala i gat from wanwan long yufala i stap gro. ⁴ Mo mifala i stap tokbaot yufala long jej blong God, Mifala i stap tokbaot yufala from longfala tingting, feit blong yufala tru long ol had taem ia mo long taem blong harem nogud we yufala i stap fesem. ⁵ From hemia hemi saen blong raet jajmen blong God, yufala i mas tingbaot kingdom blong God from wanem we yufala i stap harem nogud from. ⁶ I stret nomo blong God i kivim bak had taem long olgeta we oli stap mekem yufala i harem nogud, ⁷ hem i soemaot long yumi olgeta we oli mekem yumi harem nogud. Hem bae i mekem semak long olgeta long taem we hemi kamtru wetem ol enjel blong hem we oli kat paoa ⁸ Insaed long faea we i laet, blong hemi kivim panis long olgeta we oli no save God mo olgeta we oli no wantem lesin long ol gud nius blong Masta Jisas Kraes. ⁹ Bae olgeta oli harem nogud long panismen we i no save finis samtaem tru long presens mo long paoa blong God. ¹⁰ Hem bae i mekem olsem long taem i kam long dei blong jajem evriwan we bae oli biliv long hem bae oli luk glori blong hem bae oli sapraes long hem, from testimoni blong mifala we mifala i talem long yufala hemi blong biliv. ¹¹ God i tingbaot yufala long gudfala wok we yufala i stap mekem. Mifala i prei tu se bae hem i fulfilim evri wantem blong gud blong evri wok blong feit wetem paoa. From samting ia mifala i prei se bae nem blong Jisas Kraes i go hae long yufala. ¹² Mifala i prei tu se bae yufala i harem gud long hem from klat hat blong God mo Jisas Kraes. From samting ia mifala i prei se nem blong Masta Jisas Kraes bae go hae from yufala. Mifala i prei se bae ol man oli leftimap tingting blong yufala from hem, from klat hat blong God mo Masta Jisas Kraes.