1
Samting we yufala i mas mekem fastaem, mi askem strong long yufala evriwan ol biliva, blong yufala i askem samting we yufala i nidim, talem ol prea nid blong yufala mo talem tankiu long God,
2
mo yufala i mas tingbaot ol king mo ol lida blong yufala long ol prea blong yufala, bambae yufala i gat pis mo yufala i liv long wan laef we i onarem God.
3
From evri samting we yumi askem i go long God we hemi sevia blong yumi, bambae hemi mekem.
4
Long fasin ia, God i wantem yumi evriwan blong yumi save trutok blong hem, mo hem bambae i sevem yumi evriwan.
5
From i gat wan God nomo, mo i gat wan man nomo we i save joenem wan man wetem God, man ia hemi Jisas Kraes.
6
Hemi letem hem i ded blong pemaot sin blong yumi blong yumi kam ol fri man, blong pruvum long raet taem se God i wantem sevem ol man blong hem. Long taem we God nomo i jusumaot.
7
Mo from samting ia God i jusum mi olsem wan aposol blong mi talemaot gud nius ia-mi mi talem tru, mi no stap talem kiaman toktok-mo mi wan tija we mi stap talemaot gud nius long olgeta we oli no laen blong Israel long fasin blong bilif we i tru.
8
From samting ia, mi wantem evriwan long evriples blong oli prea mo leftemap han blong olgeta we bae oli no kros mo raorao.
9
Mo long sem fasin ia, ol woman oli mas werem ol klos we i stret nomo, i no blong pulum ae blong ol man, mo oli no mas tanem hea blong olgeta long ol stael we i flas tumas mo putum gol mo pel long hem, mo oli no mas werem ol clos we praes blong olgeta i sas tumas blong ol man oli laekem olgeta.
10
Be olgeta oli mas mekem ol gudfala wok, from hemia hemi stret fasin blong ol woman we oli stap talem se oli wosipim God.
11
Wan woman i mas stap kwaet taem hemi stap lan mo hemi mas putum hem i stap taon long wan man.
12
Mi mi no givim raet long wan woman blong i tij mo i bos long wan man, be bae stap kwaet nomo.
13
From God i mekem Adam fastaem, mo bihaen God i mekem Iv.
14
Be setan hemi no kiaman long Adam, be hemi kiaman long Iv nao hemi brekem loa blong God.
15
Be God bae sevem ol woman long ol sin blong olgeta tru long wok blong olgeta blong karem ol pikinini, spos oli gohed blong gat strong feit, mo oli gohed blong gat stret tingting.