¹ Nao folem ol taem mo sisen, ol kristin brata, ino nid blong mifla i raet ikam long yufala. ² From we yufala wanwan i save gud dei blong masta blong yumi bambae i kam olsem stil man long naet. ³ Mo i talem se, " Pis mo sefty," nao bae oli trabol, i olsem harem nogud blong woman we i stap redi blong bonem pikinini. We bae hemi no save ronwe long hem. ⁴ Be long yufala ol brata we ino stap long tudak, blong bambae delaet i stap long ova long yufala olsem wan stil man. ⁵ From we yufala i no ol pikinini blong tudak lo naet. Be yumi ol pikinini blong dei o delaet. ⁶ Mo bakeken, yufala ino mas slip olsem ol narafala man i stap mekem. Be i gud yufala i mas wekap mo yufala i mas redi. ⁷ Mo naet emi naet blong slip, mo we man we blong drink i save drong long naet. ⁸ Mo yumi blong delaet, yumi mas redi mo putum feit mo lav blong yumi olsem klos blong faet, mo blong yumi gat wan lukluk long laef we i stap kam olsem hat blong faet. ⁹ From we God ino singaot yumi blong kasem panisman, be hemi singaot yumi blong kasem laef we i no save finis tru long Masta Jisas Kraes. ¹⁰ We i ded from yumi blong mekem se, weta yumi laef o we i ded long kraes, bae yumi save laef tugeta wetem hem. ¹¹ Wetem semak fasin ia yufala i mas givhan long narafala man blong leftemap tingting blong olgeta, olsem we yufla i stap mekem finis. ¹² Ol brata, mifala i stap askem yufla blong mas talem tankyu long ol lida blong yufla. From we oli stap tijim yufla long ol fasin blong God, ¹³ mo blong ting hevi long ol wok blong olgeta. Long fasin ia bae pis i stap gud oltaem wetem yufla. ¹⁴ Mifala talem strong long yufala, ol brata: Yufala i talem save long ol les man, leftemap tingting blong olgeta we oli tingting daon oltaem, helpem olgeta we oli no strong mo kat longfala tingting long olgeta evriwan ia. ¹⁵ Mo spos wan man i mekem nogud long yufala, mo yufala ino mas kim bak, be yufala i mas mekem gud oltaem wetem narafala man. ¹⁶ Yufala i mas glad olwe. ¹⁷ Oltaem yufala i mas prei. ¹⁸ Mo talem tank you lomg everi samting, yufala i kat.. From hemi ol fasin blong God we hemi kivim blong yu tru long Jisas Kraes. ¹⁹ No mas stopem wokblong Holi Spirit long yu. ²⁰ No mas kros long eni samting we Holi Spirit i talemaot long wan man. ²¹ Mekem sua se evri mesej we i luk olsem se ikam long God i truli kam long Hem. Holem tied wanem we i gud. ²² Stap long wei long evri nara kind fasin nogud. ²³ From we God bae i putum pis we i wantem blong i mekem yumi complit. Blong bambae i nogat wan rabis poen i stap long laef blong yumi, kasem taem we Jisas Kraes Masta blong yumi i kam bak. ²⁴ God hemi singaotem yumi blong kam man blong hem, mo blong bambae hemi feitful blong mekem wanem we hemi talem. ²⁵ Ol brata, yufala i mas prei from mifala tu. ²⁶ Welkamem ol biliva wetem wan holi kis. ²⁷ Mi stap komantem yu blong ridim leta ia iko long olgeta brata. ²⁸ Glad had blong Masta Jisas Kraes bae i stap wetem yu.