¹ Ayaema pindana-enamanda aindiwapa, Isu-va nasita-ema Galilisa distriki-vindi, ageva kamba aumavu-taema Judiaisa distrikivindi wama uma nasikenava nana-viema ige Judami age aeguma aivulikena-ga napitae-gana. ² Pikanata-pa tave yagaema ige Juda-mi mono-nadana pikena, napikena ige Israli nasi nasi putae-kaga ayaema esi namapindi paitaka-ya. ³ Ayaema Isu-nda anata-valami omita-ema agepa, "Makumapa kaitegina pigo waoma Judiai, ayaema kage disaipeli-miva agakive-ma ayaema aogiena kage pikive-mbe-ndanava. ⁴ Kamba kayagala-mava kakama-va puga-gavi-ema, piyamba age ayaema waya wawa-mika nagaiyo-ma napinda-navo ageva, ageva penoma pagu waela. Piya-mba kae ayaema pinda-naena pikevembepa, kanala kageva iyake-nema kageka mavisa ayaema waya wawa." ⁵ Pigo ige Isu anata-valamita-va, igeva kamba-lo agetapa imatiti-putaema. ⁶ Piyamba-to Isu-va oimita-ema igepa, "Nage-nda kanande-pa kamba avolandi-ema, pigo tige kanapa ayaema kanata jokie pumami-ema. ⁷ Ma-mavisa ayaema waya wawa-miva kamba kanala tupuena-va pulitaki-vema tigepa, pigo igeva nage tupuena-va pema, nana-viyema nageva uma avolaokag-aema igenda kamba lataga-enaga. ⁸ Tigeva ugo wakive-ma tave yagava mono-ndanaliva. Nageva kamba kanala wakuwe-ma pitave yaga monondana-liva, nana-viyema nagenda kanandepa kamba avolandi-ema." ⁹ Aindiwapa Isu ayaema pikama-na ugaitegi-nava igeta, ageva tomita-ema Galili. ¹⁰ Pigo aindi-wapa ayaema Isu anatavalava ago uma asima-mitaema, Isu-venape ago uma asitaema, pigo ageva kakama pigo wata-ema. ¹¹ Tave yaga mononda-na pikenava, ayaema kina Judami aguyosa-kategini ageka pigo igeva utaema, "Pi-yagalava haeta mindiema?" ¹² Ayaema waya waw-mi ivakapi okaena kama-na witaema Isu-ka. Kaisamiva utaema, "Ageva aogi yagala-ema." Ige kaisa-miva utaema, "Kamba-ema, ageva ige waya wawa kambali oigasa-ema." ¹³ Pigo, ka yagala-mava kamana-taka waelapa kamba utaema Isu-kava, nana-viyema igeva kaluvuta-ema ige Juda kinaka-ga. ¹⁴ Pikanata tave yaga mononda-na pikena avaka-sawata-ginava, Isu-va tempeli-vindi wama asuvaima pigo agovita-ema ayaema waya wawa posenda puma. ¹⁵ Ayaema Juda kinambi okaena kamana umagini pigo utaema, "Hayamba-kaga piyagala-mava okaena-enava agandiema? Ageva awaena kaekena-enaliva kambo wandiema." ¹⁶ Isu-va awaema-gina ige kamana-pa piyamba utaema, "Ayaema kamana nageva ulimuwe-ma tigepa, ageva kamba nagenda-viema, pigo ageva kevaya nage nagalu-vatagi pigo nage kanatao yagala-manda-ema." ¹⁷ Piyamba ka-yagala-ma avuwa-kinava, Anutu auma aegalake-naga, kanala ageva pikama-naoma-nda agowapa aganoma, Ageva Anututisa kanayo, o, nage piayaema kamana yopa nagende napiena-vindi[savaya-ya. ¹⁸ Hae yagala-mavaya agewa-kaga ugaga-vipa, agewa age asagugaga-viema, pigo hae yagala-mavaya age aisesa-kivipa kevaya age aisaga-ta, piyagala-va ageva alakata yagala-ema pigo kambali-enawapa agendava kawindi-ema. ¹⁹ Piyamba-paya Mosese-va ramba wali kamanapa timita-vayaema? Piyamba, kamba tigepisa kawina-gava aegala-nema ayaema pi-wali kama-napa? Nana-lakaga pigo tigeva naeguma navuli-kena-vema nagepa?" ²⁰ Pigo ayaema waya wawa-mi age kamana-pa awaevu-taema piyamba, "Kageva kamba aog, awamu-sa minda-knema kagepindi-va. Hae yagala-ma kagepa kaeguma kaivuli-kenavi-yema?" ²¹ Isu-va awaema-gina oimita-ema igepa, "Nageva ka-eliya putau-wema, pigo tige ayaema-va okaena kamana utaema. ²² Pigo Mosese-va timita-ema tigepa ayaema masi yagalal-mbinda iu kasake-naena (Pinda-naena-va kamba Mosese-tisava kanata-ema, pigo ageva ige atalimba-ginda-ema), pigo Savati yaga tigeva ayaema masi yagalali-mbindava iupa kasaga-gave ma. ²³ Piyamba ka-yagala-ma Savati yaga au kasakivipa, pigo pindana-namava kamba Mosese-nda wali kama-napa akayoyema, nana-viyema tigeva tindava punata-ema nagepa pikanata nage inu kina kanala-sai-taogilipa Savati yaga? ²⁴ Tigeva wasana agakena-enalasava ha syi-kiyoma, pigo tigeva alaketa-ena pikivi kina ayikiyo-ma." ²⁵ Kaisa Jerusa-lemuisa wawa-miva utaema, "Piyamba-paya ageva piyagala-ema, ige aguyo-saepa age aeguma aivulike-na, a? ²⁶ Agaoma, ageva kamana paguta waela egini pigo ige wasa=namiva kamba ka-kamana-pa eyema agekava. Piyamba-paya ige tave kinambi-va agaema piyagalaema, ageva mesai-yavaya-ema? ²⁷ Tageva agandu-nema age kanatai mava ageva, pigo pikanata Mesai-ya kanataipa, kamba wasana-mava agatae-ma nae aukaisavaya kanaema-va." ²⁸ Isu-va andale-lasa pigo ayaema waya wawa posenda puma pigo utaema, "Taganema, tigeva magone-pa aganda-ema nagenda-va. Piyamba-to nageva ramba nauma-lapa kanatau-wema nageva. Wasana-ma kevaya nagepa naisa gata-ema, agenda-enava tagane-ma pigo tigeva kamba aganda-ema agepa. ²⁹ Pigo nageva agandu-wema agepa, nana-viyema, nageua agetisa kana-tauwema, pigo age naisaga-tagi nagepa pigo nageva kanatau-wema." ³⁰ Pikama-natakaga ige wasana-miva agepa ayakuli-kenaga napita-epa, pigo kamba kayagala-mava ayapa atata-ema age autapa nana-viyema, agenda kanapa kamba punda-ginaema. ³¹ Ageta imatiti-putae okaena waya wawa-miva, pigo utaema igeva, "Piyamba pikanata mesai-ya kanaki-vipa, ageva okaena milikeli puma-gina ma-yaga-lava agaikie-ma?" ³² Ige Farisima avitaema ayaema waya wawa-mi pikamana utae Isu-ka, pigo ige anoyambu palisige kapi ige Farisige-mi isagato-ema tempeli-vindisa ige ofisa, wama-gih ayakuma aesepai-yoma agepa. ³³ Pigo Isu-va utaema piyamba, " amana kana-ta-ando tigege-va mika-wema kapi nageva, pigo nageva waku-woka ageva, kevaya nage naisa-gatagi kanatao. ³⁴ Tigeva naguyo-sakivepa nagepa pigo tigeva kamba kanala nagepa naga-kivema, pigo hae-aukai nage wakuvopa age, tigeva kamba kanala kana-kivema." ³⁵ Ayaema Juda-miva igewi ivakapi utaema piyamba, "Piyagala-va haeta wakita pigo tageva kamba kanala agaku-nema agepa? Piyamba-paya ageva ige Giriki-ge kapi wama uminma pigo posenda-paya pikena-vi-yema ige pitai? ³⁶ Pikamana-omandava nanaema agowapa, 'Tigeva nagepa naguyo-sakivepa pigo tigeva kamba kanala naga-kivema nagepa? Nage waku-vo malapa ageva, tigeva kamba kanala kanaki-vema'?" ³⁷ Pigo aiagogo pigo tave yaga monondanamandava, Isu-va asima-gina pigo andale-lasa pigo utaema, "Piyamba ka yagala-ma wani nakena-ga amema asakina-va, ataigina agepa nageti kanama-gina pigo ageva wanipa nanoma. ³⁸ Hae yagalama nageti amatiti-pikivipa, piyamba Anutu kamana-oma isamba, 'Auma amikena wanipa ilosama kana kie-ma age andavi-sa.' ³⁹ Isu-va utaema pi-ayaema kamanapa Hawa-musa-kaga, Kegivaya Anutu-ta imatiti-pikivepa ulikive-kaga. Hawamusapa kamba kanandi-ema, nana-viyema Isu-va kamba tave agiva ulinda-ginae-ma. ⁴⁰ Pikanata ige avite-giniva ayaema pikamana Isu utai, kaisa waya wawamiva igeva utaema, "Tagamba piageva amonda yagala-ema." ⁴¹ Tokaisa kinambi-lova utaema, "Piyagala-va ageva Mesai-yaema." Pigo kaisamilova toge utaema piyamba, "Hayamba ageva Galili-sava kanaki-ema? ⁴² Piyamba Anutu kamana-omava kamba uma avdaema waelapa piyamba Mesai-yava avolaki-ema Deviti atawimba-gi-tuwavi-sava, Betlihemu-isa kumatapa, Deviti taunivi?" ⁴³ Piyamba-kana pigo ayaema waya wawa-va avolama-gini ige napiena-wi pigo apakovutaema igewi ivakapa Isu putaindana-lakaga. ⁴⁴ Kaisa-wimbiva igenda Isu hayakuma aese-pakena-ga napitaema, pigo kamba kayagala-ma ayapa atataema age avovolapu. ⁴⁵ Ivava ige ofisa kanata-ema ige anoyambu pristige pigo ige Farisi-geli, pigo igeva ivigataema igepa, "Nanala-kaga pigo tigeva kamba avavu-lite kanaema agepa?" ⁴⁶ Pigo ofisa-mi igeva awaevu-taema kamana-pa igenda piyamba, "Kamba ka-winava kamana-pa ugaga-viema piyagala-ma isambapa." ⁴⁷ Pigo ige Falisimi-va awaevu-taema ige Kamana-pa piyamba, "Iva tigelova walewa-ema agenda kambali-enawata-ka? ⁴⁸ Kamba ka ige anoyambu kinambi-ge pigo ige Farisi-migeva imatiti-putaema ageta-tolova? ⁴⁹ Pigo ayaema pikina waya wawa kegiva-ya kamba walikama-na agandepa, igeva minda ema asole-enayaga." ⁵⁰ Nikodimasi-ema (Ka igepisa kevaya kana-ma agata-ema paisa kanata Isu-pa) ageva oimita-ema igepa, ⁵¹ "Kanala-mema, pigo tagenda wali kamana-omava iyema piyamba, tageva omukene-ma kayagala-gava, tageva agama-mun-ema age nana eliya pipa?" ⁵² Pigo igeva awaevu-taema age kamana-pa piyamba, "Kageva Galili-sagayoma, a? Aogima Anutu kamana isuyoma, pigo kageva agakive-nema piyamba ka-amonda yagala Galili-sa kana-ndiema-va." ⁵³ Pigo pikana-tapa ayaema kina waga kanavuta-ema nawiti igeva.