¹ Ni sa oti na vikwa raki kwe sa deidei o Vaula mai Aeeni me laka sara iKononica. ² A nu qai lei sota qa lia Jiu e yaca o Akuila, na ko i ponito a qei laka boto mai Itali qo lea yalewa o Vinisila baletia na lea lewa o Kilotiu me vagwalala taucoko mai na Jiu i Roma. A qei lako o Vaula i vuara. ³ Do ri matai (dau tara were) vata, qa sa no qaru qa sa cakacaka qaru ni ru matai kece ni were vakacevaceva. ⁴ A sa dau vunau ina were lotu ina visiga ni vakaceaegu, qa sagatra me newa tinu na koi Jiutia qa kora na koi Kinisi. ⁵ Niru sa laka civo mai o Sailasa qo Timoci i Masitonia sa qei vakauqeti Vaula me vecei kora na koi Juitia ni sa tia Karisito o Jisu. ⁶ Na gauna e re suilakinia kwa na Jiu sa qai kunetakinia lea i sulu qa kwaya vuara "Ina baleti kom ga maga laka vatimem dra ina vatimem ulu; qi savasava mai ka Tekivu ni kua qi sa laka vuara na matanitu teni." ⁷ A sa qei deidei mai so ka, qa laka sara i va lia na tamata dau qwaravia na Momo Levu e yaca o Taito Juisitu. A vokeke no lea were i were nilotu. ⁸ A sa vabautia na Momo Levu o Kinisipo nan liuliu ni werenilotu, qo koru kece lea vuniwere qa re so leqo na koi Koronica ko re rogo boto qa ne sa vavitaiso sara. ⁹ Sa qai tata mai na Momo Levu iva Vaula i na bogi e na lea tola, "kua ni mataku, qo tata kua ni galu. ¹⁰ Do qi sa no qai iko, ina lalalia ina vakagati iko, do qi sa qulumina tu i bi na tamata i na kono tunaga." ¹¹ Sa qai no tu o Vaula me yuabaki lia ga vula ono, qa sa qei vakawlici kora tu na tata ni Kalou. ¹² I na gauna sa liutakinia na vanua o Akaia o Kalio sa re sa lliavata na Jiu me re sa qulumi Vaula vakaikai qa re me i koya i na mata ni vilewai. ¹³ A re sa qai kwaya "Na momo kwe isa vavunia no me re sa kalou no kwa na tamata qa sa tam nokovia na lawa. ¹⁴ A sa ke mata caberia du mai o Vaula na tata, sa tata cake mai o Kalio qa verera na Jiu "O vatikem na Jiu maga i lia na ka me baletra i lia na cala qa llia cala vakalawa, i na rewa i va au megu vosoti kem. ¹⁵ Maga i vibataki na leda vakavuwlii qa na yaca leqa i so qa na vatilem vanua, ba lewa g a ni gr tam mata lewa i lia kwa wetai kwe." ¹⁶ Sa qei vikaratira dei ina mata ni vivewai. ¹⁷ A re saqei vesulaki ni sosceni na liuliu ni were ni lotu qare vuculakinia ina matamata ni were ni vilewai Qa sa tam legai kora o Kalio. ¹⁸ Ni oti leqa a vica na siga lea nodoki no Vaula a sa dei ni koru tu na vitacini qa sa vodo sara i Siria, qo koru o Vinisila qo Akuila. Si bere ni deidoi i Kenikina sa qei kotia e ulu baletia na vivalayalati a nu sa tara tul. ¹⁹ Ni ru sa laka i Efeso, sa lei dei ni vinisila tu qo Akuila o Vaula, qa sa laka o koya i were ni lotu me lai vivaka vuli vua ra na Jiu. ²⁰ A nu lewaya va Vaula me no vica leqa re, a sa dua. ²¹ A sa laka ga qa kways "Qi na lesu leqa moni i va iko maga i lea tuvatuva na Momo Levu." Qa sa vodo sara me laka i Efoso. ²² Ni sa yaco i Sisaria o Vaula, a laka cake me lai vakacola ni kora na sogosoga llotu i Jerusalemi qa sa qei laka civo i Antioki. ²³ Ni oti no a vica na gauna lea nodoki no mai so kuea sa qei deide i qa laka tavia na na Vaula o kalatia qo Virijioi, qa sa vakaitai ni kora kecega e re sa lotu. ²⁴ A sa qei lia na Jiu e yaca o Avolosa, a sucu mai i Alekisadriaq a sa laka mai feso. A sa qei dau tata vakavuku qa kilatia vina sara na tata ni Kalou. ²⁵ Sa dau vivakavuli nai vakavuli lea na Momo Levu. Sa alay yalodui taki nia lea i vakavuli na leda i vatcacola o Jisu, qa kilatia vali boto na lea vivavitaisotaki o Joni. ²⁶ Sa qei tekivu dau tata vakaikai ina were ni lotu. A nu qei covi koya o Vinisila qo Akuila ni ru sa rogoi koya vali, qa ru vamacalatalei nia vina leqa vua na tata ni kalou. ²⁷ Na gauna a sa mata laka kwa i Akaia a ru sa qei tokoni koya na vitacini qa ru vola vuaru na na tisaiveli i Akaia meru vukei koya qa maroroi koya. Na gaunq sa yaco yati kwa, sa lei vukei ko ra sara vakalevu na vabautia na loloma. ²⁸ Sa qei kaikai ga mai na loa vunauci kora na Jiu ina vivanua ina viba dau kaikai sara, dau kwaya oti tu na tata cola ni o Jisu na kanisito.