¹ Sa yaco wetaimuni mai Ikoniumu nio vaula qani Vanavasa aru sa ucu muni ina ledra were ni lotu na jiu qa ru tata ina calevu me re sa vabautia ka na jiu qa ni kora na matanitu teni. ² Ia o kora na jiu ere vakatitiqa, ere sa vauqetia no medra loma era sa matanitu teni, me re lomaca vo kora na verwekani. ³ A ru sa no vabalavu, qa ru sa tata vadodonu no ina vuku ni quaqiva ni kalou, o koya sa vaedrenia ni sa au na tata ni lea loloma qa solia me tara rewa ina medru lima o vaula qani vanavasa iso na vakatakilakila. ⁴ Ia o kora na tamata ina koroturaga ere sa tawase; so nai wase ere to vo kora na jiu, qa lia leqwa nai wase ere to vo kora na avositolo. ⁵ O kora na matanitu teni qani kora na jiu qani kora ledra liuliu mere vakacacani kora qare vakaviriki kora na vatu. ⁶ Ia ni ru sa kilatia na kwa so kwe, a ru sa qei tuba ina koro o Lisitira qani Tapi i Likeonia qa na vivanua cacawiriwiri. ⁷ Qa ra sa vunautaki nia mai soka nai Tukutuku vina. ⁸ A sa no vali mai Lisitira a lia na tamata, sa malumalumu e la, o koya a lokiloki ni sa sucu mai vo lea nene, a sa tam taubale rewa. ⁹ Sa rogoci vaula o koya ni sa tata no la ni sa vakadani koya matua no qa dania ni sa tau vua na vabautia me vabuiai ka. ¹⁰ . Sa tata ina domo levu, "dure vadodonu." A sa uia o koya qa yato rauni. ¹¹ Ia ni re sa tolavia na lawalawa na kwa sa Tara o Vaula, ere sa qei gisa iyata, qa kwaya ina tata va-Likeonia, "Ere sa vakarairaitaki mai na kalou ni mai yaco me tia tamata qasa laka civo mai vo keta. ¹² Ere sa vakayaca ni Vanavasa "Seusi," qa ni vaula "Eremasi," baletia o koya a teimata taki nia na kea vakodewa taki nai tukutuku. ¹³ O koya muni na bete i sewsi, qa no ina mata ni koro na lea werenisoro, sa kau mai na bulumakau qana salusalu ina matamata; ere sa vinatia qa ni kora na lewe vuga me re vacaboi soro. ¹⁴ Ia o koru na avasitolo, vanavasa qani vaula, ni ru sa rogo, a ru sa dresukia ledru sulu qaru sa wavu yati, qaru sa tagi. ¹⁵ "Tamata, na yara na vu ni lem tara na kwa kwe? Te tia tamata vata kece no. I ba sa vitakwa taki no yati nai tukutuku vina o iko mo visau mo vuki vua na kabu, o koya tava na lomalagi, vuravura, ruwai, qana kwa kece sa tau tu vuara. ¹⁶ Ina viyabaki te sa yalobo tia, o koya sa vauatara na vivanua coko mera tokoicia na ledra dui calevu. ¹⁷ Ia qa sa tam va dei nia na lea vakadudu, so kue asa tara vina qa solia vo iko na uca mai lomalagi qana yabaki i levu ka na vuata, a sa vawabuite nia meda loma ina kakana qana marau. ¹⁸ Ina vuku ni tata kwe, vaula qani vanavasa sa dredre sara me vakasukatira na lewe vuqa. ¹⁹ Ia eso na jiu mai Anitioki qani Ikoniona ara vauqet, kora na tamata. Ia ni re sa vakaviriki vaula ina vatu qara sa yarataki ni koya dei ina lobo ni koro ini re sa numia ni sa mate. ²⁰ Ko ya kwe ere sa dure rauini tu na Tisaipeli, sa dure cake qasa laka ina koro. Ia na siga taravia, a ru sa laka sara yati qani Vanavasa i Tapi. ²¹ Ni oti na ledru vunautaki nia oti nai tukutuku vina ina koro qa tara i levu na tisai peli, aru sa lesu leqwa i Lisitira, Ikoniona qa ni Anitioki. ²² Ere maroroya na kaikai ni yalo ni tisaipeli qa re vivakayaloqwaqwataki ni kora me ra tomania ina vabautia, me re tukunia, "me te ucu na matanitu ni kalou ni laka curumi na vivakatovolei. ²³ Ia ni ru sa lesia iso me ledra tuqwaqwa nai soqosoqo lewe ni lotu kece, ni ru sa masu muni qa lolo, aru, sa tautaunaki kora vua na Turaga, o koya ere vabautia. ²⁴ Ia ni ru sa lakasivi ti Pisitia qa laka mai Pamipilia. ²⁵ Ia ni ru sa vunautaki nia na tata mai Perika, aru sa laka civo i Atalia. ²⁶ Isoka arusa soko i Anitioki, na kea vakadewataki na loloma ni kalou sa mai vakacava nia. ²⁷ Ia ni ru sa yaco i Anitioki qa ru sa vasoqoni kora vata sara nai soqosoqo lotu, are kwaya vo kora na vikwakece sa tara na kalou qa nira, qa na lea sa dolovia na mataniwere ni vabautia vo kora na koi matanitu teni. ²⁸ Aru sa no tu ina gauna balavu qani kora na tisaipeli.