¹ Matsi Iesu sae soiro a vaga vorea vaga turu so area garea ro oia moutu kerira tetara. ² Mago gitou e varania vargomai a taro ari vovora nanauta oata papoga tetara somai te Iesu. Are eia ino e gitari vaigomai a taro ari vovora peo oio tetara, mae a tautaurairo tegitou eia vavaga oiro te Iesu, eia vei a re ta-aro ari vovora peo vera tsia magogo ra te Iesu pou tomie me e ratugu. Tavovovuro ari bunu nau tau meo sabubu taro. ³ Matsi mae gitou e tauaro ra kirikesi ra peperera sari, veirivua gitou, Ta-aro arei tsi kerira vau ei, eia abia murire Pago. ⁴ Ara mori Iesu ge rovi ta gabutarara tegitou te eia vera, Mavei te mutou gabutara baugu oiro a tsia mutou? ⁵ Ira ga ru ari mavei tsi gama masauka rari tsitsiria, Tavovuru bunu tamuto sabubu taro, kua apuritsi tuga? ⁶ "Ara mori mutou ga rovi vere e rature Pago eia tsi abia vagaganra oata tsia ra tabu te ra ri sabubu taroa airuru" Eia mago vei a re ta-aro vari, vovora peo, "apuritsi abia naunautara taume goio a ruma." ⁷ Mate eia apuritsi tsi soruma to. ⁸ Oio a rogo are gitou ino a gitou matau, gitou vaisare Pago a taro ra vagagarira ari abia re ta-aro ita ita. ⁹ Are Iesu tuga soio-o, eia inoe taro ita aisara e matiu, pupou oio a arumara tsiraurau ra watsi. Mate eia vei a reia, tsitsirie eau, Matsiu apun tsi tsitsirie Iesu. ¹⁰ Are Iesu pou oiro a ruma ra aiario, gitou e vararua ra airabi ra watsi, vararua ra ainini gomai gari tai tsi ari tomie Iesu me vaunini teta rao. ¹¹ Oio are gitou e Parao ino arere gitou tagie vaunini tetara, "Mave te titsa tamutou aiari toitomie tauaro ra airabi ra watsi me tauaro ra airuru ei?" ¹² Ari mori eia no-oao, eia vere, Gitari kokora gitou gama ga goio te taro ra veimauri ra airobeo gitari robe mori tsiga goio ino eiao. ¹³ Goio abi emia gabutarara arei, amasovara. Eau masage a vaibaravara gama airabi ra tavovuro ari bunu. Ire Eau gomai gama ga tore gitou ari tavovuro gitou neineki vau o, ari mori gitou ari ioigoa airuru. ¹⁴ Mago gitou e vaunini te John gomai te Iesu vei mae, "Mavei te mitou tomie gitou e parao vigumu, ge gitou e vaunini taume gama vigumu. ¹⁵ Mate Iesu vei a gitou, kora muri ge gitou e tauiaro ari gomai ra taurai rao tari, me ta-aro ra tau rai rao tomie gitou? ¹⁶ Eita gama ga saia mamuga ra tovorobora tomra matetera tovorobo ran araba. ¹⁷ Ita gama ga sigitaro a waeni ari araba soiro tomia kunra waeni aei gitou igogo ru tsi ra o. Ira kurira ga tapaka, vovo ra waeni ga bunu, mago waeni pei. ¹⁸ Oio morare eia veiveia totsibo, soio tegitou, no-o muraruga ita goiro matsi toturu muga tetara tsi vei mae, eratugu tasema tsisomorei pe o, ge eme ga gomai terari taua rimamu oata tetara terari ga vei mauri rivu eia. ¹⁹ Mate Iesu apuiitsi tsi tsitsiri eia tomie gitou e vaunini tetara. ²⁰ Matsi mutou no auru a tesema ari airob e rapasa ra uve abi eia revara savuro goio irua gomai vamuri vamuri te Iesu tsi sau mori bai a pepera tovo -robo ra tetara ari maraurau, ²¹ ire eia veirivu ar eia "Arige Eau ga sau a tovoro bora teteira ari maraurauei, Eau ga gari emi." ²² Iesu vuro rivu, ino maea auru a tasema tsi sau a tovorobora tetara ari maraurau o, tsia magogo, sobe tautauroiro tau me tsi ge me gari neine kirao, "Matsi moro," auru tasemao tsi neineki vau to. ²³ Oio a rogo are Iesu gomai a ruma te muraru ga o eia ino mae vararua ari vivaia pususu vei vaia tomia arekasara tsirari te vararua, ²⁴ eia vei maei, "Goio, a sobe bai ei gama peo, eia tsi nanautai." Gitou rege virai eia. ²⁵ /v 25 Matsi mura ruga are ratura e sob e baio, bae gitou e vararua nauo sogara, Iesu goiro sau soio te sobe bai o tsi varn tsi eiao. ²⁶ A vano ra aigogoru are Iesu ioigoao goio vau a mautu kerira oio a ba-aro. ²⁷ Oio are Iesu poropepea ba-ara mautu aro-o, tau aro irua mata kesa tsitsiria veivei vera, "Erature Davit, gogo ire mira." ²⁸ Oio mora re Iesu goiro arumao, girari matakesa irua gomai tetara mate Iesu tagie gira, "Mura oio tautau rairo tamura sesere ge eau ga eau ga veimaurie mura kua ouka?" Gira vei areia vera "Iesu serere." ²⁹ Matsi Iesu sau soio a mata gira, eia vei a gira vera oiroa tautau rairo tamura somai tegaku mura ga gari emi. (atsibo ga gari). ³⁰ Matsi gira ino to. Mate Iesu vei vagaria gira vere "Its gama gama rovia arova gari oio tamu rai." ³¹ Aramori gira ge goio tau para-a are vararuo ra ba-a kerira ra mautu aro ra arova e Iesu igo gougorua oio tegirao. ³² Oio mara re tauaro irua iritaro e Iesu, gitou e tauaro sari-i vagomai a taro ari gama pepere ira meimasi ari bunu oiro tetara. ³³ Mate Iesu vakumuri gareia meimasi ari bunu oio te ta-aro ari gama pepere o, te eia pepe to. Vararua ino a, gitou saki, te gitou vera, "tsibo ari maei gam gari ravairao, oiro a mautue Israeli." ³⁴ Aramori gitou e parao vera eia vakumuria maimasi ari bunu ire muraruga ra meimasi ari bunu tsi abia reia vagagario. ³⁵ Mate Iesu goiroa mautu kerira tomia mautu keketu oiro a ruma ra kiraka tsi vaimarie gitou ra peperera kerira te pago, tai veimaurie gitari airobe oio tegitou o. ³⁶ Oio are eia inoe varaniao, eia gogo mato vau re gitou, ire gitou a vaiboimurira ouka maea sipsip ari vavara ouka o. ³⁷ Mago te eia pepere tare vaunini tetara vera, komuko vau ga tsitsirie Eau, aramori ga aigogoru ra ga sari mori ga igoa. ³⁸ Mae more mutou ga kaka vavaga tautaviairo ra iro toutomu soio te ta-aro kerira ga eia ga ba ea touaro ra aigogoru, ga igo gougoru oiroa aigogoru.