¹ Mago ta Karuru mugae Iesu soio a ba bunau are vararu a oio vora ouka ge a taumata ga tovomurie eia. ² Oio a rogo are eia pou bunau gamma ari oio a rarogo mea a-aro e varara (40) iruao, a tamusira ba. ga. ³ Ta taro ra tovomuimurira gomai tsi vei a vere, "Arige eme Rature Pago peperea re a weiwatsiei ga gari mae a beretoi." ⁴ Aramori e Iesu korie eia vei maei, Mae gitou kikesi ta vere, Taro gamma ga mauri mori oio a airari aramori oio a pepere ra kakara ari goga ra oio a are re Pago.'" ⁵ Mago ta taumata o abie eia goiro a a ruma neneki vau o oata gama ra ruma o, ⁶ te eia vei are Iesu maei, "Arige eme e Rature Pago, purusu sotaro mae a pepere ra vei ta o, Eia ga bae gitou e engeli teta ra ga bomurie eme,' ga e, Gitou ga boko sisae morie eme oio a rima gitou, ge eme gamma ga turaki oio a weiwatsi." ⁷ Iesu veia areia maei, "Ire gitou kikesia peperera te Pago vei mae, 'Eme umara tovomui-murie Taro Kerira e Pago taume.'" ⁸ Ta ataumata o abi rou e eia te gira goata oio a mapaitsi te eia vuino e Iesu ra totsibo kokora oio a roautu keriro ari neneki te ra ba ra tabu ei. ⁹ Te eia vei are Iesu maei, "Atotsibo kakara nau ei, Eou ga abia oume, arige eme ga toturu sotaro ga rotu tavue eau." ¹⁰ Mago te Iesu veia reia maei, "Ere oio a ba arei, Taumata! Ire a pepere ra ge gitou kikesi tavere, 'Eme ga rotu tavue Taro kerira e Pago taume, ge eme ga abi mori e eia.'" ¹¹ Mate a taumata o eretaro te eiao, te engeli gomai suri te Iesuo. ¹² 12 Are Iesu no-o mae Joni e gitou e tauaro bunu sautora te eiao, eia pirivu soiro e Galili. ¹³ Eia eretaro e Nasareti tsi goiro pou oio e Kaperiaum, oio a pepe ra amago e Geilili oiro a ba ra mautu kerira te Selculoni me Naftali. ¹⁴ Arei garitara te ra ri vaigari para e a arova e taro ra vano parara e Aisaia veiavere, ¹⁵ "Oio a ba ra magasa te Sebulori me a ba ra magasa te Nattali goio mae oio a arriago magegese o, suku soio e Jodani, oio e Galili a ba te gitou e Gentaeli o! ¹⁶ Gitou e vararu a ari pou oiro a masori ga ino a mamaga, tomie gitari pou oio a mautu kerira me gitou e vararua ari pou oioa auruvara pireo, mamaga tsi kakari to oio te gitou." ¹⁷ Oio a rogo aro, e Iesu soko tari vanorio ra pepere ra veivei maei, "Rimamisi, ira kokorara mautu ra marokara oie agavi etsi." ¹⁸ Mae are eia tatuga oio a pepera amago e Galili, Eia ino e taume teitari, e Saimoni are gitou tei rou a ire Pita o, me Endru e terira, pipigia aubeni oio a amago, ire gitou e tauaro ra airabi ra araiya. ¹⁹ Iesu veia gitou vere, "Gomai, tsitsirie eau, gae eau vaigarie mutou ga gari mae a tauaro ra airabi re vararua." ²⁰ Subui vau mori e gitou iritaroa aubenio tsirimurie eia. ²¹ Oio are Iesu tatuga susuku goio a ba aro eia ino rou e taume teitari irua, e Jeimsi e rature. Jebedi me tarira e Joni. Gitou oiro a boutu tomi e tama gira e Jebedi sai rorobo a aubeni Eia tore gira, ²² te gira subui vau mori iritaroa boutuo me tama gira te gira tsirimurie eia o. ²³ Iesu goio a mautu kakara oiro e Galili, veimeimarie vararu a oio a ruma ra kiraka te gitou, vanono a pepere neneki te ra mautu ra maroka tai veimaurie vararua ari airobe me a airirigi nau. oio te gitou o. ²⁴ A vano re Iesu goio a ba ra mautu kaka ra oio a mautu kerira e Sairia, te vararua vai go meimai te gitari a airobe nau oio a vovo gitou me a airirigi, e gitari a karuru bunu oio te gitou, e gitari a gausa gitou wawo gamma-nono, e gitari a va-a gitou peo gamma tatuga o, gitari gamma noiino. Iesu vei mauri e gitou. ²⁵ Vararua komuko vau tsitsine eia, oroi o e Galili, e Dekapolis, Jerusalemu, me Judia, me oroio vau apepere Jodani.