¹ Are Iesu tomie vaunini tetara garie Jerusalem gomaie Bethphage, goio a mapaitsi re oliu, mate Iesu bae vaunini tetaro irua, ² vei agira, "Goio a mautu aro-o, emura ga inoa donkikisia oio-o, tomia cot temare oio tomie eia. Ruge gitou vagomaie gitou. ³ Arige gitou sari-i vei mavei soio taume ira rei, eme ga vei vera, 'Iesu masage gitou,' a taro ga rube gitou abi-irea somai taume." ⁴ Ato tsibo arei gari sesere ira maea rova poropeti veivei ao, ⁵ "Vei agitou a mautu re Zaion, 'Inoa, e kigi tamutou tsi goimai, Yagotaroa sae oioa donki--oioa cot, e tamire donki.'" ⁶ Mate vaunini goio tsirimuria mae are Iesu vei agitouo. ⁷ Gitou vagomaia donki tomia cot matsi taua apura airarava oata vora, matsi Iesu poutoata airaravao. ⁸ A potu sari-i rigavunea airarava tegitou oioa garu, sari-i varia nara aobu rigavunea oata garu. ⁹ Matsia pout sari vamuri te Iesu sari-i muga tatora to, "Osana soio te rature David! Vaisare eari oroio gomai oioa aisare Pago! Osana oata matom!" ¹⁰ Arogo are Iesu gomai goiro e Jerusalem, amautu kerirao inokora matsi vera, "Erei tei?" ¹¹ Gitoua potuo koria, "Iesu tei aporopeti oroio e Nasaret oioe Galili." ¹² Veirou te Iesu goiro oioa ruma ra kiraka. Eia rugumurie gitari roroto gitari sasova oiroa ruma ra kiraka, matsi vurota papoga ra watsi are gitou seninisi irao tomia papoga te gitari sasova amaruo. ¹³ Eia vei agitou, "Eia kekesi vera, 'Aruma tegaku ga veia a ruma ra kiraka,' aramori mutou igoa maea rumara pakarirao." ¹⁴ Matsi gitari mata masori gitari va bunu gomai tetara oioa rumara kirakao, mate eia veimauri te gitouo. ¹⁵ Aramori gitoue sip pris tomia muraruga inoa rova neineki eia igoao, tai gitou noe vaunini tatora oioa rumara kiraka veivei vera, "Osana soio te rature David," gitou temasi matomo. ¹⁶ Gitou vei areia, "Eme noa arova te gitou veivei ai?" Iesu vei agitou, "I-ino! arimori eme gama gigi-i, 'Eme abia matagagara are vaunini tomie gitoua peupeso ira vaisarera'?" ¹⁷ Mate Iesu retaroe gitou gogara toio a mautu kerira oioe Betani matsi pou ararogo oio-o. ¹⁸ Mato oio a kavkoki ari eia goio a mautu kerira, eia temasi. ¹⁹ Eia inoa aobu ra fig oioa vaira garu, eia tuga goio ino maea kaiara oio vora ouka arimori agagarara. Eia pepere soio a aobuo, "Oio taume eme gama ga tauroua kairamu ouka," matsi subui mori aobu ra figio mugutu. ²⁰ Are gitaie vaunini tetara inoao, egitou natai matsi vera, "Mavei ta aobu ra figi mugutu subui ei?" ²¹ Iesu koria matsi vei agitou, "Sesere eau vei amutou, arige eme a tautaurairo eme gama gabutara baugu, eme gama ga igoa rova eau igoa soio a aobu ra figiere, gama arimoriei eme ga vei ara mapaitsi, 'Eme apuritsi gorau a mago, eia ga goio. ²² Arova eme tagia oioa kiraka, tautaurairo, eme ga abia." ²³ Arogo are Iesu gomai goiro aruma ra kiraka, gitoue sip pris tomie gitou a muraruga re vararua gomai tetara are eia aiabia matagagara matsi vera, "Erei tsi abia ume a vagagarira arei te eme ioigoa papaga arei, erei tsi abiaume a vagagarira rei?" ²⁴ Iesu koria matsi vei agitou, "Eau tai ga tagia emutou ira tagiara ita. Arige eme vei agaku, eau ga vei aume ira vagagarira ari eau igoira atsibo arei. ²⁵ Avurui ire Jon--eia roio a ba rovei? Oroio amautu ra marokara o oroio ta taro?" Gitou vaipepere mori oio tegitou, vera, "Ariga tatou vera, 'Oroio amautu ra marokara,' eia ga vei agatou vera, 'Ira mavei te mutou gama tautaurairo oio tetara?' ²⁶ Arige tatou vera, 'Oroio tea taro,' tabou matau ira potu, ire gitou ga vera Jon ta taro ra poropeti ita." ²⁷ Veirou te gitou kore Iesu matsi vera, "Mitou gama rovia." Eia tai vei agitai, "Aige eau ga vei amutou avagaga nira ari eau igoa totsibo arei. ²⁸ Aramori mutou gabutara mavei? Ataro erauratura irua. Eia goio te posaragu matsi vera, 'Ratugu, ga-ariei eme ga goio igo aigogoru oio a wauma ra waenio.' ²⁹ "E Ratura koria matsi vera, 'eau gama masaga,' aramori vamuri vora eia vuroagabutarara matsi soio to. ³⁰ Veirou ta taro goio rou te ratura airuarao veirou maeo-Matsi eia Koria vera, 'Eau ga goio, se,' aramori eia gama goio. ³¹ Erei oio te ratura irugo tsirimuria masagara te tamagiva?" Gitou vera, "Ara posaragu." Iesu vei agitou, 'Sesere eau vei amutou, eari aiabia watsi tomia taro ari ioigoa airigo bunu ra watsi ga goiro soko oioa mautu kenra te Pago veirou ire me-etsi. ³² Ire Jon gomai taume ira garu-u matatara, arimori eme gama tautaurairo oio tetara. Aramori ataro ra airabi ra watsi tomia taro ari aiabia watsi oioa airigora bunu tautaurairo oio totara. Aramori eme, mae eme inoa arei, eme gama vuro ata vovuromu soko veirou tautaurairo toio tefara. ³³ "No-o soio a tsirovo ita. A taro ita, wawara atabu. Eia garua wauma ra waeni, eia igoa bigomura, oria aruru ira waenio, vai magiria aruma ra ainoino, matsi rentimua soio tegitari gaugarua awaenio. Veirou teia soio ta mautu tawara ita. ³⁴ Arogo rari kokoria waenio gomai etsi, eia sovea tauwaro ra aigogoruo sari soio te gitari bomuria waenio ga rogo virurua. ³⁵ Aramori taro ra waenio abia tauwaro tetarao, kue ita, biri ita, matsi ubi ari ita. ³⁶ Veirou, ataro ra waeni sesereo baea taro ra aigogoru teta ra komuko rou oio ari soko, arimori ataro ari bomuria wauma ra waenio igo rou egitou mae ari soko. ³⁷ Vamuri vora, ataro sesere ra waenio bae ratura soio tegitou, vei vera, 'Gitou ga igo emie ratugu.' ³⁸ "Aramori ataro ari bomuria waenio inoe ratura, gitou pepere kabiri mori tegitou, 'Eratura tei. Gomai, tatou birie eia tatou muga ira papaga tetarai.' ³⁹ Veirou tegitou abie eia, pigie eia sogara wauma ra waenio matsi biritao. ⁴⁰ Matsi evarar wawnio gomai, eia ga igo mavei soio te gitari bomuria waenio?" ⁴¹ Gitou vei areia, "Eia ga birie gitou a tauwaro ari bunuere, ga eia rentimua wauma ra waenio soio te gitari awaeni aro, ire gitou ga abira reia apura airari oioa rogo ra kokorira." ⁴² Iesu vei agitou, "Mutou gama gigi oioa tava ra kire kesira ari veiveiao, 'A watsi ari egitari tsitsigia aruma gama masagao gitou vaimagiri tsira murira ruma, Arei to roio te karaesi, arei tsi neineki vau oioa matagatou'? ⁴³ Tsi mae eau vei amutou, a mautu kerira te Pago ga abigareia oroio tamutou ga abia soio tea aba kakara ari vaigaria vavuarao. ⁴⁴ Eari paru oioa watsiei eia ga mapora momo. Aramori eari oio vora paru eia ga gari babora a taburi baba." ⁴⁵ Arogo ari sip pris tomie gitoue Parisi noa tsirovora rei, gitou rovia vere eia tsi pepere ire gitaio. ⁴⁶ Gitou papa garu irari abie eia, aramori gitou matau ire vararua, ire vararua rovia vere eia ta poropeti.