¹ Vamuria pirigo re Iesu oiro e Betliemu oiro e Juda oio a rogo te King Erod, tauaro re eissti garita ra oio e Jerusalemu veivei maei, ² "Eari pigo mae Kingi te gitou e Juda o to vei? Mitou ino ta tsimugo ra oio e eissti te mitou gomai te ra ri vaisare a aisa ra." ³ Oio are King Erodi no-oa mae o, eia gamma pou emi, tomie vararua re Jerusalemu nau o. ⁴ Erodi tora tomie vararua ra aigogoru me muraruga re vararua ra kirikesi te eia tagie gitou, "E Kraisti ga pigo ovei?" ⁵ Gitou vei a re ia vera, "Oiro e Betliemu oio e Juda, ira arei ge aroa e taro ra vano para ra kikesi tao. ⁶ Aramori e mutou, e Betliemu, ari oiroa magasa e Juda, te ere ga bomurie vararua te aku re Israeli.'" ⁷ Mate Erod tora kovue tau aro re eissti te eia tagie gitou ira oio a mata ra aro iriva ta atsimugo garita ra oio te gitou. o. ⁸ Eia veia gitou vera, "Goio, e Betliemu, pae a bibi a samura re. Oio are mutou ino te eia o, sove a pepere ra somai teaku ge eau tai ga goio rotu tavu e eia." ⁹ Vamuria are e Kingi pepere a gitou, e gitou soro a turuga te gitou, ta tsimugo are gitou ino a oio e eissti o tsi mamuga oio te gitou goio kara oio a ba ari mae a bibi a samura e tsirara pigo e eia oio vora o te eia magiri notunu to oata nagi oio a ba aro. ¹⁰ Oio are gitou ino a tsimugo o, e gitou veisare to mia momoge ra ari kerira. ¹¹ Gitou goiro a ruma o tsi ino ta abibi a samura o me tsirara e. Meri. Gitou toturu sotaro tsi rotu tavu e eia. Gitou kunube a tsirau rau ra vurutsi te gitou ari manisini emi te gitou abia reia a gouru, a paura ari mariara neneki, me a a oeli ari a mapa ra kerira vau e gitou rorotoao. ¹² Pago pepere a gitou oio a veimata rovi ra vere gamma pirivu soio mae te Erod, tsimoro e gitou tsirimuria garu ita bisau tsi pirivu soio a mautu tegitou. ¹³ Vamuria re gitou soio to, engeli te Taro Kerira garita ra oio to Josepu oiro a matarovi ra tsi vei a reia vere, "Apuritsi, abie samura re me tsirara ere soio e Ijip. Pou oio o kara oio are Eau ga veia aume, ire Erod papa e a samura re te ra ri ga igo bunue ei." ¹⁴ Oio a rarogo aro e Josepu apuritsi abia samura o me tsirara te gitou soio to Ijipio. ¹⁵ Eia pou oio kara oio a pireo re Erod. Arei veigari para e a arova a Taro kerira veivei a retaro ra vano pa ra ara, vei vei a mae, Oroio e Ijip. Eau ga tei e ratugu tamare." ¹⁶ Ge Erod, oio are eia ino mae tauaro ra mamaga kogono e eia o, eia tema. i. Oio a rogo are Erod tagumuri emia oio te tauaro ra mamaga mae ea sese re, eia sove a pepere ra soiro a mautu e Betliemu tomia ba ra mautu kerira ga e gitou ga birie momoro e tameima re kakaro tomie gitari a revara te gitou irua gotaro. ¹⁷ Arei ea veigari para ta arova e Jeremaia a taro ra vano para ra ara, veivei a. mae, ¹⁸ "A goru re eita e gitou noa oiro e Rama teitari ugogo matomo vau, mae Rakeli teitari ire rura tura, ire eita gamma oio rou, te eia gamma ga makovu." ¹⁹ Oio are Erod peo, engweli veimataro vie Josep oiro e Ejip tsi v. ia a reia maei, ²⁰ "Apuritsi abi e a samura re me tsirara goio a ba ra tabu e Israeli, ire gitari vera ga igo bunua mauri re abibi e re peo tsi." ²¹ Josep apuritsi, abia bibio me tsirara, te gitou gomai to oiro a ba ra magasa re Israeli o. ²² Aramori oio are eia no mae Akelosi abia murire tama ra e Erod bomuria ba ra magasa e Ju ia, eia m. tau ra ri goio o. Vamuria re Pago pepere totomu a a reia oio a mata rovi ra, oio are eia ere taro a mautu kerira e Gilil ²³ goio pou oio a mautu kerira e gitou teia re Nas. retio. Arei veigari para ta arova e tauaro ra vano para ra veivei mae, eia ga e gitou teie eia mae ataro re Nasarin.