¹ Oio are Iesu karuvu to oio a pepere ra tetara o, eia ere taro ta mautu kerira e te eia goio ta mautu kerira e Judia oio a ba ra gare oroio ra nanu e Jodania. ² Vararua komuko vau tsirimurie eia, te eia vaimau rie e gitou oio o. ³ Te gitou e Farisi gomai tetara, tsi tovomurie eia ra tsirai ra ita maei, "Eia oio matata oio a varmatata ra ge a taro ga karamuria ri vakumuri garei e ritura. oio a masaga ra tetara?" ⁴ Iesu korie gitou tsi vei maei, "Ire mutou gamma gia oio a kirikesi ari e gitou kikesia oiro a tava ra buku te Pago mae eari tau e gitou e vararua oio a sirokora o taue gitou tameimare me ta-a sema? ⁵ Te eari taue gitou o vei mai, 'Ire tamare ga eretaro e tamara me tsirara ga goio pou tomie ritura, ge gira irua ga gari mae a vovo it.' ⁶ Ge gira gamma ga irua, ouka egira ga gari a vovo ita mori. Tsimae arowa e Pago saki toreatomia, eita gamma koramuria ari ga rubea." ⁷ Gitou vei a reia maei, "Mavei te Mosesi veia mitou vere eari vera ga vakumurie ritura, eia ga kikesia a tavara pepere ra tera ri ga bataro e ritura, mago eia ra ba garei te ritura soio?" ⁸ Te Iesu veia gitou maei, "Ira tsia mutou oio vavaga e mutou gamma no muimuri, te Moses ino taro iremutou ga ba gareirei ire ritu mutoue re, Aramori ea gamma mae re oio a siroko ra o. ⁹ Eau vera ga veia mutou maei, arige riture taro ita gamma toroveri te taro ba gareie eia, te taro goio taurai rou e tasema ita, a taro mori tsi igoa toroveri o." ¹⁰ Mate gitou e vaunini te Iesu, vei are Iesu, arige a a taro ita ga igo a tavovuro ari mae re soio te ritura, neneki ire eia ga umara taurau rou." ¹¹ Aramori e Iesu vei a gitou maei, e vararua kaka ra gamma ga abia pepere ra arei, ouka e gitou e tau aro moria ari ioigoa. tavovuro aro ta pepere ra arei goio tegitou o. ¹² Ire gitou sari e tsira gitou pigo e gitou o, a vava gitou bunu gamma kokora tera ri ga taurai, te gitou gamma taurai. Sari e tau aro koro a vovo gitou te ra ri ge gitou gamma ga koramuria ri ari savu ga vaigari e ratu. Ge gitou sari gamma masaga ari taurai re gitou vera ga igo gougoru a aigogoru te Pago te ra koko ra ra mautu ra marokara. Te eari vera ga no a pepere ra arei, eia ga no a tsirimuria." ¹³ Tsi oio a rogo aro e gitou e vararua vagomeimai e ruratu gitou ge Iesu ga taua rima ra oata te gitou te ra ri kaka tavue gitou, Aramori e gitou e. vaurini te Iesu ka-a gitou. ¹⁴ Mate Iesu vei are vaunini tetara vera, "Mutou umara ioigo mae re, mutou abie momoro vaigomai e gitou somai regaku, gamma tunonobo e gitou, ire a Mautu re Marokara tsi te gitou momoro ari mae re." ¹⁵ Eia taua rimara oata te momoro vaibarava e gitou karuvu, matsi eia ere taro ta ba aro. ¹⁶ Mago, a taro ita gomai te Iesu vei maei, "Taro ra vaimari ra arowa kokora ga e Eau igo a tera ri abia maurira. ari a karuvura ouka?" ¹⁷ Mate Iesu veia areia maei, "Mavei te eme tagagie eau ira arowa ts. kokora? Atsibo ita mori tsi koko ra o, aramori arige eme masaga ari goiro a maurira ari kokora, tsirimuri a vaimatata ra." ¹⁸ Te ataro tagi e Iesu vera, "A vaimat. ta ra ari mavei?" Te Iesu vei a reia maei, "Eme umara bibiri, gamma-ioigo a tavovuro ra toroveri ra, gamma pakikari, gamma kogono, ¹⁹ veisare tamamu me tsiramu nomurie gira, e mutou ga masaga e teitami mutou mae eme masasaga rivue eme ere." ²⁰ Te a taro a samura o vei are Iesu maei, "A tavovuro nau arere eau ge ioi goa. Ari mavei ga e Eau igo rou a?" ²¹ Te Iesu vei a reia, "Arige eme vera ga gari makaroa, goio, sovea atotsibo kakara taume o abia watsi ra o rove a re tau aro ari atotsibo ouka, ire eme ga abi ira totsibo ari kokora oio a mautu ra marokara, mago gomai tsirimuri te eau." ²² Are a Taro a samura o no a pepere ra ari mae Iesu vei a o, eia gogo vau tsi soio to, ire eia ge a totsibo komuko vau. ²³ Mate Iesu vei are vaunini tetara maei, "Sese Eau ga vei a mutou maei, ea gamma koramuri vau ire taro ari taokea totsibo komuko vau ga goiro a Mautu ra Maroka ra. ²⁴ Eau vera ga vei totomua mutou maei, ea ge matata vau ira kameli ga goiro a pupao ra riri ra sirai oio te a taro ari taokea totsibo kumuko vau ga goiro Mautu ra Maroka te Pago. ²⁵ Oio are vaunini te taro noa pepere ra ari mae o, e gitou saki. Te . itou vere, "Ariga mae re ge ere i ga mauri?" ²⁶ Te Iesu ino matata soio te gitou tsi vei maei, "Oio te-tau aro ea gamma koramuri. Aramori oio te Pago eia koramuria ri igo a totsibo kaka ra." ²⁷ Eia vei mae o te Pita koria pepere ra tetara maei, "Ino, mitou tsi iri taro a totsibo kakara te mitou tsirimurie eme. Arowa gae mitou abi rou a?" ²⁸ Te Iesu vei a gitou maei, "Eau vei sesere a mutou maei, Oio a rogo ari mae atsibo ga gari araba oio are Rature Taro ga abia aisa kerira ga pou oio a purourou ra maroka ra tetara, te mutou e vararua ari tsirimuria masa ga ra teaku ga pou tai oio a purou rou ra marokara ari savuru gotaro irua (12) ga veimatata e vararua ra maratatsira ari te re Israeli savuru gotaro irua o. ²⁹ Gitou e vararu a ari ere taro a ruma te gitou, e tama gitou, e tsira gitou, e ruratu gitou, o a tabu te gitou tera ri igo gougoru oio a aisagu, egitou ga abia vaba ra va ra kerira rou oata detsi ta (100), ge gitou ga abia maurira a karuvu ra ouka o. ³⁰ Aramori e vararua ari mamuga o, ga goio vamuri, ge gitou ari vamuri o ga goio muga.