¹ Vakue ra mea veika ra kabiri ta mutou ere to oroio a ba aro vei? Gitou gama oroio a masaga ra tema si ra tsi maea vaikuera kabiri ira tamutou e vararua re? ² Eme ga masagea, ge eme gamma ga abia. Eme ga biri; eme ga masa matanoa atotsibo, aramori eme gamma ga abia, tsimae arie kue, eme ga ka. Eme gamma ga abia arouia eme masagea ire me gamma tagia ire Pago. ³ Tsi mae arige eme ga tagia, eme gamma ga abia ira, tavovuro mutou bunu; eme tagia atotsibo ire eme ga igo bunau a oio a masaga mu. ⁴ Mutou ari gamma tautaurairo! Mutou gamma rovi mae arige eme gari mae tamira tabu ei, eme gama e tamire Pago. Eari vera ga gari mae tami ra tabu ei, igo eia gari mae taro bunu te Pago. ⁵ Gamma gabu vera asesere gamma oiro a tava ra kirikesi vei ta mae, "A koruru are Pago tau oiro te gatou ei voru tomia masaga ra?" ⁶ Aramori a kokora ra are Pago abia o eia kerira matomo. Mae a pepere ra vei vere, "Pago go vagotaro e gita ri vai go ata rae gitou, aramori abia re gitari vagotaroe gitou o a kokora ra." ⁷ Matsi mae, pou otaroa auruvare Pago. Vakumuri garei e taro bunu, ge eia ga ere taroe me. ⁸ Gomai agavi te Pago, ge eia tai ga gomai agavi taume. Vuia rima mutou e vararua ra airuru! Igo magea tsia mutou ari gabutara paipai o! ⁹ Mutou ga ugogo, gogo matomo, ga tari, airege ge ra tamutou ga vuro gari mae a tsirari, momo ge ra ga gari mae a musori! ¹⁰ Vago taro e me oio te Pago, ge eia ga itsi sae me. ¹¹ Gama pepere bubunu re tamimu, tamigu. Taro ari vakara mumu ire titarira o vivire a tavovuro re gitari bisau pepere ira bunu ra tama vaimatata ra. Arige me veimatatea vaimatata ra, eme gamma tsirimuri vaimatata ra, aramori vevire a vaimatata ra. ¹² Eiata mori ga abia gatou a vaimatata ra go vevire tatou. Eia mori ta raro ari ga surie tatou ga igo bunu e tatou o. Eme ere, ga e me vervire ire vararua? ¹³ No soimai tegaku, eme ari vevei vera, "Garie o garageri tatou ga goiro a mautu kerira, pou oio a revara ita, ioigo kiatsi." ¹⁴ Erei rovia atsibo ari ga gari gara geri, ge a mauri ri tame ga mavei? Eme ga mea a atsibo ari gari tara mori mago kokovu to. ¹⁵ Maere, eme ga vere, "Arige taro kerira masagea tatau ga pou mauri ga igo a atsibo arei o aro." ¹⁶ Aramori eme oiei itsi sae matom o e me, te me pepere gano, Pepere gairo ra ea bunu gamma oio marata. ¹⁷ Mago tsi ma, eari rovia ravovuro kokora ge ea oio gamma ioigo a, eai bunu etsi.