¹ Ka sa uvuca ai kalima ni agilosi ka'u qai raica e dua a kalokalo ni sa lutu mai lomalagi ki vuravura: Ka sa soli vei kokoya ai dola kei bulubulu ka tawa vakabotona. ² Ka sa dolava ko koya ai bulubulu ka tawa vakabotona; ka sa kuvu cake a kubou mai bulu, me vaka a kubou ni lovo levu; ka sa butobuto a matani siga, kei na macawa, e na vuku ni kubou sa kuvu cake mai bulu. ³ Ka sa lako yawa mai a kubou a vodre me jiko i vuravura: ka sa soli vei ira a kaukauwa, me vaka a odra kaukauwa a bajibasaga kei vuravura. ⁴ Ka sa vakaroji vei ira me ra kakua ni vakacacana a co i vuravura, se dua a meca drokadroka se dua a kacu, ko ira ga a tamata ka tawa volai a yadredra ena i vakatakilakila ni Kalou. ⁵ Ka sa soi vei ira me ra kakua ni vakamatei ira, ka mera vakararawataki ira ga ka vula lima: ia a odra rarawa me vaka a rarawa ni sa kajia a tamata a bajibasaga. ⁶ Ena siga qori era na domomate ko ira a tamata, ia ena tawa yacovi ira era na vinakata me ra mate, ia ena lako yawa mai vei ira a mate. ⁷ Ia a odra i rairai a vodre sa vaka a ose sa vakarau me laki valu : ia sa toka i uludra a ka sa vaka ai sala koula, ia a matadra sa vaka a mata ni tamata. ⁸ Ia a drau ni uludra sa vaka a drau ni ulu ni yalewa, ia a bajidra sa vaka a bajini laione. ⁹ Ia ai sasabai ni lomaseredra sa vaka ai sasabai kaukamea ni seredra; ia a cakucaroba ni tabadra sa vaka a vakugu ni qiqi-ni-valu, kei na ose e levu ni va sa kada kina i valu. ¹⁰ Ia a buidra sa vaka a bui ni bajibasaga, ka sa jiko e buidra a bajidra: ka rasa vawata kina me vakararawataki ira a tamata ka vula lima. ¹¹ Ia sa dua a odra tui a agilosi ni bulubulu e tawa vaka botona, a yacana ena vosa vaka - Iperiu ko Apatoni, ia a yacana ena vosa vaka - Kirisi ko Apolioni. ¹² Sa dua a meca ca sa oji, ia ka raica, sa vua tale a meca ca sa bera ni lako mai. ¹³ Ia, sa uvuca ai kaono ni agilosi, ia ka'u sa rogoca e dua a vosa mai na tutuna momoto vava ni cabocabo ni soro koula sa tu i mata ni Kalou, ¹⁴ Sa kaya kina i kaono ni agilosi sa taura a davui sereki iratou a agilosi e lewe va eratou a vesu tu mai na uciwai levu ko Uferetisi. ¹⁵ Ka sa sereki ko iratou a agilosi e lewe va, ka ratou sa vakarau me dua a odratou aua, ka dua a odratou siga, ka dua a vula, ka dua a yabak me ratou vakamateea ai katolu ni wase ni tamata. ¹⁶ Ia a odrai wiliwili ai valu sa rua a drau a milioni era sa vodo ose ia ka;u a rogoca, a kedrai wiliwili. ¹⁷ Ia ka;u a raici ira a ose vakaici ena rairotu, kei ira sa vodo jiko kina, ai Sasabai ni lomaseredra na bukawa qa, kei na vatu damudamu, kei na sulifure: ia a ulu ni ose e vaka a ulu ni laioni: ka sa lako mai i gusudra a a bukawaqa kei na kubou kei na sulifure. ¹⁸ Ka ra sa vakamatei ko ira ai katolu ni wase ni tamata ena mea eca tolutolu kaiei, e na bukawaqa, kei na sulifure, sa lako mai ina gusudra. ¹⁹ Ni sa tu a odra kaukauwa ena gusudra kei na buidra; ni sa vaka a gata a buidra, ka ra sa akaulu, karasa valata kina a mecaeca. ²⁰ Ia ko ira a tamata sa vo era tawa vakamatei ena mate ca kaici, era tawa veivutuni takina a cakacaka ni liga dra me ra kua ni vakarokoroko kina jimoni eso, kei na matakau koula, kei na Siliva, kei na vatu keina kau: qori sa tawa sa tawa ai vawa, se rogo rawa, se lako voli. ²¹ Era sa vuta talega ni veivutunitakina a odra daulaba, se odra cakacaka vakajimoni, se odra dauyalewa, se odra daudriva.