¹ Au a qai boka e va na agilosi ni ratou yavu tu ena kona vava ni vuravura eratou vesuka tu na matanicagi vava e vuravura me kua kina ni dua a cagi me liwavi vuravura, se na wasawasa se na veiko vuni kau. ² Au a qai raka edua tale na agilosi sa lako mai natokalau, sa jiko vei kokoya nai vakatakilakila ni Kalou bula. Sa tagi ena domoilevu veiiratou na va na agilose sa soli veiratou mera tou vakacacani vuravura keina wasawasa. ³ Kua ni vakacacani vuravura, na wasawasa, se na veivunikacu me yacova ni sa biu oti nai vakatakilakila e yadredra na tamata ni Kalou. ⁴ Au qai rogoca na odrai wiliwili era sa vakatakilakila taki 144,000 era sa vakatakilakila mai veimataqali e Isireli. ⁵ Tini karua na udolu naina mataqali o Juta era sa vakatakibikila. Tini karua na udolu na mataqali Rupeni tini kama na udolu na matoqali: Kata. ⁶ Tini karua na udolu na mataqali Aseri Tini karua na udolu na mataqali Nafitalai Tini karua na udolu na mataqali Manasa. ⁷ Tini karua na udolu na mataqali Simioni Tini karua na udolu na mataqali Livai Tini karua na udolu na mataqali Isikari, ⁸ Tini karua na udolu na mataqali Sepuloni Tini karua na udolu na mataqali Josefa Tini karua na udolu na mataqali Benijamini era sa vakatakilakilataki. ⁹ Sa ofi na vuka oqo au sa qai raica edua na wiliwili kevu na tamata ka sega e wilika rarra mai na vei matani tui mataqali, tamata dui vosavosa era sa tucake tu ena mata ni tikotikoni. Era vakai sulu vulavula ka ra taura toka e ligedra nai ba ni kacu. ¹⁰ E ra sa qai kad=ci vakadomo i levu, "Sa nona tra kalou na vakarokoroko, ko koya sa ece enai eceece ni veiliutaki wei koya na Lami. ¹¹ Koira taucoko na agilosi era tucake warokita nai tikotiko tabu koira na qase kei iratou na va na kabula era sa cuva kinai tikotiko vakaturaga. Era vakarokorobotaka na Kalou nira koya. ¹² "Emeni, rakavinavinaaki, me laveti, me rokovi jikoga na Kalou me sega ni mudu Emeni." ¹³ Sa qai tarogi au edua na qase, se kocei ko ira era sa vakai sulu vulavula, era lako mai vei. ¹⁴ Au sa qai kaya kina ni sa kila sa kaya vei au, sai ira kaiei era sa bula mai ena veivakararawataki. Era sa sava na nodrai sulu ena dra ni lami. ¹⁵ Ena ka oqo era sa cuva kina ena matani tikotiko ni Kalou me ra qaravi koya ena siga keina begi ena nona valetabu. Ko koya sa dabe emi tikotiko vaka turaga ena vakarurugi ira. ¹⁶ Era na sega ni via kana tale se via unu, Ena sega ni kati ira na katakata ni matanisiga. ¹⁷ Ni sa tiko vata kei ira na Lami ena maroroi ira ena liutakina ira kina uciwai ni bula, ena qaisia talega na waimata mai na matadra."