¹ Au tu e matavurakua boka e dua a marumaru vakaitamera e lako mai wasawasa, e vitu a uluna na jini a onai leu. Ka sa toka ena onai leu nai sala vakatunaga e jini, ka sa tu ga ena ulema na yacani ni dauvosavakacacataki. ² A manumanu kau a boka e vaka a lepate, a yarana e vaka na yavani pera, a drakana e vaka na draka ni laisni, ka solia vei koi koya a ona kaukauwa a gata levu, kei na ona i jikojiko vakaturaga, me mai turaga levu. ³ Ia kau a boka e dua a uluna sa voleka ni ni mate, na sa bula tale mai na ona malugu ka sa voleka ni mate kina, ka ra sa kurabui taucoko a kai vuravura ena vuku ni manumanu. ⁴ Ka ra sa vakarokoroko kina gata levu kokoya sa solia a kaukauwa kina manumanu ka ra sa vakarokoroko kina manumanu ka kaya ko cei sa vaka na manumanu kai ei, ko cei sa rawata me rau veivala vata. ⁵ Ka sa soli vua na gusu me vosatakina na meca levu kei na vosa makacaca sara, ka sa soli vua me turaga ka vula vasagavulu ka rua. ⁶ Ka sa dakala me vosa ca kina Kalou, me vosavakacacatakina a yacana, kei na ona vale, kei ira sa jiko mai lomalagi. ⁷ Ka sa soli vei koi koya me veivala kei ira a tamata yalosavasava, ka me rawati ira, ka sa soli vei koi koya me turaga vei ira a veimatagal taucoko, kei na veimatanitu, kei na duivosavosa kei na veivanua. ⁸ Ia ina vaharokoroko vei kokoya ko ira taucoko sa jiko e vuravura, ko ira era sa tawa volai na yacadra ena i vola ni bula ni Iami sa vakamatei mai nai vakatekivu kei vuravura. ⁹ Kevaka e dua sa vakadaligana me mani rogoca sara. ¹⁰ Ko koya sa dau ia a veivakabobulataki ena vakaboboulataki, ia ko koya sa ia na veivakamatei ena i seleiwau, ena vakamatei talega ena i seleiwau, kaiei a odra vosata kei na odra vakabauta a tamata yalosavasava. ¹¹ Ia kau a boka e duatani tale a manumanu sa lako cake mai vuravura, ia sa rua a ona leu me vaka a luveni sipi, ka sa vaka sa vosa na gata levu. ¹² Ka sa tu vua na kaukauwa taucoko ga ni manumanu sa mada vei hoi koya, sa vakasauraratakini vuravura kei ira sa jiko kina vera vakarokorokro kina manumanu sa mada, ko koya ta bula ena ona vue ka voleka ni mate kina. ¹³ Ia sa valata a meca levu e veivakarideutaki ko koya, ka sa kauta mai lomagi ki vuravura, na buka waqa e matadra a tamata. ¹⁴ A salawakitaki ira era sa tiko e vuravura ena vuku ni cakacaka mana sa valata ko koya ena mata ni manumanu, a sa kaya vei ira sa jiko e vuravura mera valata a matakau me ona a manumanu sa lauta ena seleiwau ka sa bula tiko ga. ¹⁵ Ka sa rawata koi koya kaiei me solia a bula kina matakau ni manumanu me vosa rawa kina a matakau ni manumanu ka vakauuna talega a odra mate ko ira era tawa vakarokorokotakina na matakau ni manumanu. ¹⁶ Ka sa vakasauraratakini ira taucokoga a tamata lalai kei na turaga, ko ira sa vutuniyau kei ira sa dravudravua, ai taukei kei na bokoula, me volai e dua nai vakatakilakila ena ligadra i matau se na yadredra. ¹⁷ Ka me kakua ni veivoki edua, ko koya ga sa tu vei kokoya ai vola, se na yaca ni manumanu, se na i wili ni yacana. ¹⁸ Kaiei ga a vuku. Ko koya sa yalomatua me mani wilika na i wiliwili ni manumanu, ni sa i wiliwili ni tamata, ka sa kena i wiliwili e ono na drau ka onosavulu ka ono.