¹ E dua a gasau sa soli vei au e vaka a rula ni vakarau. Ka sa kai vei au, "Tucake ka vakarautakina a vale ni soro kei nai cabocabo ni soro, kei ira era sa lotu kina. ² Ia kakua ga ni vakarautakina a loma ni bai i tuba ni vale ni soro, ni sa soli oji tu ki vei ira a veimatanitu tani. E ra na butuka mai a koro tabu me vasagavulu ka rua a vula. ³ Au na solia vei rau a qou i vakadjinadjina a lewa me rau parofisai kina, ka 1,260 a siga, me rau sulu taga". ⁴ Koi rau a i vakadjinadjina lei, e rua a vuni olive ina mata ni Kalou ni vuravura. ⁵ Kevaka e dua e sa nakita me vakacacani rau, e na lako mai a buka ina gasudrau ka kaji ira a ona meca. ⁶ Ko ira a yadra kai ei sa na jiko vei rau a lewa merau sogota a lomalagi me kakua mada ni tau a lagi ina vei siga ni odrau parofisai. Sa tu vei ira a kaukauwa me rau vukica a wai me dra ka yaviji vuravura ina vei mataqali mate ca ina gauna cava ga e rau sa vakanananu kina. ⁷ A gauna ga sa rau tukuni yalo oji kina, a tevora ka lako cake mai na qara sega bau a botona e sa na vakavu valu vei rau. E na kaukauwa vei rau ka vau sa na mate kina. ⁸ A yagodrau e na koto no ga i na wakolo ni koro levu (ka dau vakayaconi tu ko Sotoma kei Ijipita) ina vanua ka lauvako kina a turaga. ⁹ E na tolu veimamama a siga e ra ua boka jiko kina a yagodrau koira a tamata, veimatoqali, duivosanosa, veimatanitu. E ra na tawa vakadonuya me bulu a yagodrau ki nai bulubulu. ¹⁰ Ko ira taloga era jiko i vuravura era na rela ka marautakina a odrau mate. E ra na soli ka ni loloma sara mada vakai ira baleta koi rau a parofita iei e rau dau vakararawataloni ira a jiko i uravura. ¹¹ Ia, ui saua oji a tolu veimama ni siga iei, a i cegu ni bula mai vua a Kalou e sa na curumi rau, e rau sa na qai tu mai e yavadrau. A rere levu e na tarai ira ko ira era raica a odrau bula tale maina mate ¹² E ra na qai rogoca e dua a domo levu mai lomalagi ni sa kaya vei ira. "Lako cake mai!" Emu sa na qai lako cake e na o ki lomalagi ka ra sa ua vakaraici rau tu ko ira a odrau meca. ¹³ E na gauna mai ei e sa na dua kina a uneune levu, ka sa bale kina a i ka jini ui wase ui koro. E vitu a udolo a tamata e ra na mate ina uneune, ia ko ira a bula e ra na domobula ka ra sa na vakacaucautakina a Kalou ni lomalegi. ¹⁴ Sa qai oji a i karua ni ca, raica sa lako vakatotolo sara mai a ona i katolu. ¹⁵ E sa na qai uvu davui mai a i ka vifu ni agilosi, ka sa na rorogo mai e dua a domo levu mai lolalagi ka kaya, "A matanitu kei vuravura sa qai yaco mai, a matanitu ni weta Kalou a wei Karisito, ka sa na lewa tu me tawa mudu." ¹⁶ E ra sa na qai cuva ko ira a lewe vuasagavulu a qase kara a dau jiko ina i jikojiko vakaturaga ni Kalou ka vakacaucautakina. ¹⁷ Ka ra sa kaya, "Keimami sa vakavinavinaka vei kemunu, a Kalou kaukauwa, ko koya saloula tu ka na bula jiko ga, baleta ni kemunu sa taura a omunu leaukauwa levu ka sa vakatevu me vakatulewa. ¹⁸ Ko ira a veimatanitu e ra sa borisi, ia, a omunu borisi sa qai yaco mai. Sa qai yaco mai a gauna me ra sa lewai kina ko ira a mate ka solia tale ga a odra i sau a omunu i talai a parofita, ko ira a tamata Yalo savasava, ko ira era dou rerevakina a yacamunu, ko ira a turaga kei ira a tamata lalai. Sa qa yaco mai a gauna me kemunu na vakarusai ira kina e ra a dau vakarusa a vuravura." ¹⁹ E sa qai dola a vale ni lotu ni Kalou mai lomalagi ka sa na laubo ina loma ni vale a ona kato ni veiyalayalaji. e na qai jibi mai a livaliva, lutu a kurukuru, tasere a yaseyase, tavi a vanua, kei na taubi ni lagi levu.