¹ Meni otofu amita ambo tane ka Jerusalem ai vuvuto auveera, ai auveto Bethphage, Bethany eto tiri olives ai auveto uketo meni otofu ami ambo tane ehroro amita ke evi ija. ² Ningo ehroro ami pambuto da ufo oi mihya ai horeto ketiova amore o donkey avo esi ami hanjikari mihija keti ova-eto o amo embo eni ami jikama ae be rai k auveto ima esi vujeketo nanae jikito vuvuvo. ³ Eto embo ai mihera ami eto ingeri ke aru kito re eni evo, meni otofu ta uje be do ara heija ai vuvuto o evo-o donkey evi jikito pambuto meni otofu ta hioru jikama eto sau be hio tofota besi ai overekatuja. ⁴ Meni otofu ta ke mihae oi ambotane ehroro ami pambuto da joi horeto ie fuketo kota, vande pe horiora be amita ingihri ai hanjikari mihya avo kito auveto ime esi tikeri avo vujekorora. ⁵ Esi vujekurue ore embo meni ai mihera ami era eto do ati ove, avo hie vuvuto ove. ⁶ Ke ere amikote avoseketo era meni otofu ami do ara ue heija be ai ora, angato ie esi tikeri avo vujekehera. ⁷ Ambo tane ebroro ami esi ai jikito ehrereto pambuti meni otofu ta hiera, eto amita hamota poukari donda amika tapai hiere tofo jikama aja ue. ⁸ Eto embo eni ufo ami enanata asari avo hoie ambu deiki ai gusiora, eni ufo ami l gigi angoveta avo kaumburue deiki ai fukiora. ⁹ Embo eni ai kihri pambera eto eni ufo a voi pambora ami hori sigege era, ue era, nimo usasa ta tunga humbari toi meni be avo maha otofu ami hiei vuvuto ero aro era. ¹⁰ Otofu be avo vuvuto fuja unga eto nango ta maha David ivote eto vasirite avo. ¹¹ Eto meni otofu avo horeija Jerusalem eto pambuto humora vande joai horeto pojeto haveto kuja, avo kouve oi iji mihae oi, ai eto Bethany pambera ambotane twelve amika. ¹² Iji eni ami overeketo vuvera Bethany toto fue ija amo beije mine ufue ija. ¹³ Ai eto thiri ami hiei pambei kiya amo i junga gigi avo kiya ue auveto ija ibe mihei mihare avo keti, I susu ai ime uketo kuja mo iufu tefo ibe mihae avo kouve ija emo jua amita be bijiuja avo mane ra. ¹⁴ Eto ija i amita, "embo ami no i be avo mane indetora iji ambo ali ke avo ei tofota ambo tane ami-ingikorora. ¹⁵ Enana be ta pata avo vuvuto derusalem eto humora vande joi horera, ai horeto mihae uhriburuja, embo enana ta donda tetembeora eto umbu ora-eto arumbeto mihie umburora gaga avo jikito aferekuruja, eto arumba besi amika. ¹⁶ Avo eto tofota ambotane ta avo ra hiae donde ai mihija avo umbara ae eto ari sasamuna eora avo eto. ¹⁷ Enana avo ohriburuya eto ija, "Ei avo kajae mihae ra eto vande nau emore humora vande ra eto iji vihijo veihija ami tara avo ningo ami araka o eto ei pekene ue miheva ija." ¹⁸ Maha otofu ta ke hieri embo ta embo khure eto pine maha ari avo kajeora embo meni ami ingera ke do ija avo, eto embo enana ami deka eto meni otofu tatora avo ke gasiora, amikote embo ai mihera ami ara ira sasamuna avo ora, amita be amo vasiri ara ira eto ke ija ai kora eto araira enana kiae avo kouve era. ¹⁹ Eto yi vovoi hure te ai do mihara avo toto ambu totofo ta ola arina ehera. ²⁰ Eto ifo eni ami ifoka pambuhe meni otofu ta ambo tane ami kora mo i tapa iji em ami kiara be avo kora, eto i susu ai aveto iera. ²¹ Ai ime uketo Peter ami ija, "Rabbi, evi kijo ija. I nagota ehei kiara be avo mumu uja ija." ²² Meni otofu ami ija "Nigota otofu eto humora avo maha otofu hena ai miretuja kito. ²³ Kembe a vo mgatare ena eto embo a vo tiri omita ke ija ami ereto nuha Samuna tofota avo uhrimbau bambuto evai veatuja-eto embo avo mana mana ae jokomo ami oremba iya ai ijekatuja eto do ati ija be ai maha otofu ami atuja. ²⁴ Avo eto nigota ena, "eto a vo ormbuja eto pari oa eto penunu ea be ai hiou humbatioa eto avo akari nora. ²⁵ Nimo ereto pari ue kito no nameni ta samuna do tapa avo orembeto tojo mine maha otofu unga tofo ami mine nimo re kito toatuja, no samuna do iji kihei aini ari ami ka. ²⁶ A vo eto nimo embo ta samuna avo orembeto tojo toae ea kito mine maha otofu unga tofo ami no re kito toatuja, no samuna iji kihri ami ari amo mane orembeto toatuja. ²⁷ Meni otfu ambo tane ka Jerusalem ai vuvera eto meni otofu avo humora vande joi horei ja eto ie kuja amo maha otofu ta ke hieri embo khure pepeni, ke pine iji maha kiri ami do ari avo kajeora embo avo kuja, eto ime ukiuja, embo enana avo meni otofu joi ie ra. ²⁸ Embo khure pepeni ami meni otofu ta era eto mino aihi avunu ami jikama oi ara ira amo oe. ²⁹ Meni otofu ami ijei, "nigota nau eto geri tapa evi ena, nanae evo avuna mine nigore anu ingetova aihi avunu ami ai araira emo one. ³⁰ John umoi vena amo unga embo ami hiere vavai mo o enda embo ami hiere vovai? Unga hena, "Aru ami atuga he eiu eto humora ino ae eove. ³¹ Eto embo pepeni mihera ami tapata eto ke gasiora eto mana mana ue era, nango ami ke devi nogo aru, eto unga hena aru ami atuja re be do eto humora mo ae eove atuja. ³² Rate nago ami enda embo atora amo embo enana ami meni otofu ta ke mine ari amo joru ue ai kora amo John avo maha otofu ta ke hieri embo eni ra avo kora. ³³ Eto embo enana ami meni otofu ta ke mine era avo nango kia era era eto ke mine ija avo engata anuketova aihi demi oi ara ira ona be a vo.