¹ Avo embo kiri re, nane onjekareto avo ena, humora eto jakeka avo, embo betapata amita ana, ² embo siro te eto embo javo te avo ara nango mireri jamojamo eto surusuru mireri maha otofu ta ai. ³ Emo re akari eto maha otofu nango ombuto ufaja amita ujeta ra. ⁴ No samu tikafu ami e avo embo betapata avo koseto vuvuto fora siro munju kembeari ai. ⁵ Maha tapa, eto peka embo tapa orei ai mija, maha otofu eto enda embo ai mija amore meni otofu (Iesu) ra. ⁶ Nuha nimo avo jakaja, koro ami hiore arako, embo betapata amita, eto tofota iruru avo iji bei inonota. ⁷ Amita be re, namo nauha ene ijekaraja, eto avo ere ambotani tapa ana namo re kem be ena meni otofu tai--namo ke sokova aera namo re gentiles ta meka eto keu be ari ta harepoekari. ⁸ Avo embo, namo uje ona re embo meni da betapata ai mera avo humora ara ena, ingere otofu avo jikoko viou, hini kambari eto boru jujune ka mane. ⁹ Angari itoko avo, namo uje ona, hare ka tapai eto nuha nimo bara kouve na enana ami name siro vuvunou atora, o sivo kavo enite, enite avo barako mane hietora o bopunou. Asari hareko mane amo mane asukatora. ¹⁰ Rate bopundu akari avo pamone re asukara uje ona, maha orofu hena aire eto aro ma osaha atuja. ¹¹ Pamone re otofu eto miretoka avo akari ra, eto avo ivu ta hembai hora uje ora. ¹² Rate namo uje ae ona, pamone ami mane embo avo tiri jike tora eto hare paeka tora, rate tefo jamo e to mwo. ¹³ Avo embo, adam avo kiri ove eto na be amboi eve re ove aja. ¹⁴ Amo re adam avo ahihi samuna ami engekae. Ra te pamone avo engekei re samuna re aja. ¹⁵ Ra te pamone re meni igati meme ufvrou na, ai hondate re atuja, amita be amore tofota kem be ari, tunea umbari, otofu e to mane embo eni hihi umbu uja avoembo.