¹ Emudou na veiwe'ani, mudou masula'ini 'eitou me rawa ni toso va'atotolo 'ina na vosa ni Turaga, me a'gomi me bau sara ga na 'ena yaco eni ena 'emudou maliwa, ² me na va'abulai 'eitou na Alou mai na ligodva na tamata yalo va'atani 'ei na dau ca'a ca; ni maqa ni va'abauta tauco'o na tamata na i tu'utu'u. ³ Ia, sa yalodina ga, na Turaga, o 'oya e na va'akaukauwata'ini 'emudou qai maroroi emudou mai vei 'oya na vu ni ca. ⁴ Eitou sa yalodei viroga vei 'oya na Turaga ena vu'umudou, ni dou sa ca'ava ti'o na vei 'a 'eitou sa dau va'arota ti'o vei emudai. ⁵ Me tubera mada ga na lomamudou na Turaga i na loloma hi Alou 'ei na vosata sa dau solia na Karisito. ⁶ Ia, 'eitou sa va'aroti emudou 'ina na veiw'eani e na yaca ni noda Turaga o Jisu Karisito, me emudou 'ua ni ti'o vata 'ei 'edra na tamata va'abauta vucesa, 'edra dau va'asavuliga voli ga, hi sa maqa ni bau 'arai nai va'avuvuli mudou ma rogoca vei 'eitou. ⁷ Ni emudou sa 'ila va'aiemudou ni sa dodonu mudou va'amurimuri 'eitou, ni 'eitou sa maqa ni dau va'asavuliga se vucesa ena 'emudou maliwa. ⁸ Eitou ma maqa ni ciqoma wale tu gana nodra veito'oni ha tamata, ia 'eitou ma saumi 'edra ga. Eitou ma ca'aca'a ga va'akaukauwa e na siga 'ei na bogi me 'eitou 'ua 'ina ni va'acolacolataini 'emudau e na dua na 'a. ⁹ E na neitou ca'ava tio' na 'a eni el maqa ni baleta ni sa maqa vei eitou ha dodonu me 'eitou nama'ina 'ina na nomiau veiqaravi, la, 'eitou sa ca'ava ga me i dusidusi vei 'emudou tauco'o me rawa ni emudou muria. ¹⁰ E na gauna 'eitou ma tio vata 'ina 'ei 'emudai, 'eitou ma tauca oti vei 'emudou na i va'aro eni, "me 'ua ni 'ana na tamata sa maqa ni dei ca'aca'a." ¹¹ E i tou rogoca ni dra tio eso vei 'emudou 'edra sa dau va'asavuliga voli ga qai vucesa, 'edra qai dau la'i va'asosa ta'i vti 'edra viro e so. ¹² Eitou sa va'aroti 'edra 'ina ha tamata bau eni 'ena yaca hi noda Turaga o Jisu Karisito me dra bulata'ina na bula va'aiva'arau me dra qai va'araica e so na ca'aca'a me dra bula rawa 'ina va'ai'edra. ¹³ Emudou na veiwe'ani mudou 'ua ni va'asauoca ena ca'aca'a si'a. ¹⁴ Ia, 'e bau e dua vei emudou sa maqa ni dei mun'a na heitou vosa mai na i vola eni, mudou 'ua hi ca'ava vei 'oya e dua na 'a se 'auwaita'ini voya 'ina ia, me na qai madua ga 'ina o oya. ¹⁵ Dou 'ua ga ni o'ati 'edra eni me dra emudou meca, ia, mudou qai vunauci 'edra ga me bau ni sa nomudou to'ani e na va'abauta. ¹⁶ Me qai solia vei 'emi au na Turaga ni veira'a cegui ha va'acegu e na veigauna tanco'o. Me ti'o vei emudou vaa'yadua na Turaga. ¹⁷ Oi au o Paula, au sa vola ya'e eni ena ligaqu dina, sa i va'ataila'ila hi vei vola tauco'o aud dau vola. ¹⁸ Me tio' vata ei emudou tanco'o sara ha loloma savu ni noda Turaga o Jisu Karisito.