^{1 2 3} 1 Paulu servu di Deus i apostulu di Jesus Kristu, sugundu fe di eleitus di deus i di kunhesimentu da verdadi sugundu amor, 2 na konfiansa na vida iterna ku Deus ku kata konta mintida, purmiti antis di tempu iternu. 3 Na tempu sertu, I revela si palavra atraves di proklamason di mensajen kun dadu konformi ordi di Deus no Salvador, ^{4 5} 4 pa titu un fidju di bardadi sugundu no fe kumun. Grasa ku pas di Deus pape, ku di Kristu Jesus no Salavado. 5 N'disau ku propositu na Kreta,pa bu pui ordi na kusas ku ka risolvidu, i bu forma presbiterus na kada sidadi, suma kun dau ordi. ^{6 7} 6 Presbiteru ten ku sedu algin di vida limpu, omi di un mindjer son, ku fidjus krentis ku ningin ka pudi tchuli mon, ku rispita djintis. 7 Bispu suma administradur di di Deus, ten ku di vida limpu, i ka dibi di sedu aroganti, i kata lestu ku panha raiba, ku ka muitu na binhu, nin i ka violentu, nin i ka algin di ganansia. ^{8 9} 8 Mbes des, el i dibi di sedu algin pruntu pa gasidjanta djuntis,algin bon, djustu, i santu, ku sibi domina si kabesa, 9 El i dibi di pega tesu pa n'sina palavra, Pa n'koraja djintis pa sigi doutrina ku fidelidadi, tambi pa nega kilis ku ta kontrarial. ^{10 11} 10 Pabia i ten manga di djintis ku ka seta baxa se kabesa, spesialmenti kili di sirkunsison, ku ta n'gana e gia djintis na direson eradu, ku se palavras ka ten balur. 11 E ta n'sina ke ku ka dibi di n'sinadu, pa epudi tene benefisius ku ka bon, pa dana familia n'teru. ^{12 13} 12 Un se prufeta fala: Djintisdi Kreta elis sempri e muntrus, limarias ku ka bali e prigosu, bariga di pirgisa. 13 E afirmason i bardadi, pa kila riprindi elis ku tudu forsa, pa e pudu san na fe. ¹⁴ 14 Ka bu da atenson na storias di djudeus, nin pa mandamentus di omis ku ta lundjusi di bardadi. ^{15 16} 15 Pa kilis ki puru, tudu puru, ma pa kilis ku ka puru, ku diskrenti nada ka puru, pabia te se menti ku konsiensia i kontamina. 16 E ta fala e kunsi Deus, ma e ta negal ku se obras. Elis i abominavel, disobidientis e mostra kuma e ten kualidadi pa kualke bon obra.