1 2 1 Jesus yentra i na pasa na Jerico. 2 I sta ba un omi, tchomadu Zakeu, el i era ba xefi di kobraduris di mpustu, el i riku ba. 3 4 3 I na buska odja kin ki Jesus, i ka pudi, pabia di djintis ku tchiu, pabia i kurtu. 4 I kuri dianti, i subi na arvori di fruta ku parsi figu, pa i odjal, pabia i na pasa la. 5 6 7 5 Otcha Jesus tchiga ki lugar, i djubi pa riba, i odjal, i falal: Zakeu ria dipresa pabia na gasidja na bu kasa. 6 I fasi kinti kinti, i ria i risibil ku alegria. 7 Tudu kilis ku odja e kusa e kumsa na murmura e na fala: I yentra pa gasidja na kasa di omi pekadur. 8 9 10 8 Zakeu, lanta, i fala Sinhor: Sinhor, na da metadi di nha rikesa pa koitadis, sin otcha un kusa pabia ngana algin, na tornal kuatru bias mas. 9 Jesus fala: Aos salvason tchiga es kasa, paa el tambi i fidju di Abron. 10 Pabia fidju di omi bin buska, pa salva kil ku pirdi 11 12 11 E obi e kusas, Jesus kontinua, i konta elis un historia, pabia i pertu Jerusalen, e pensa reinu na manifesta djanan. 12 I fala: Un omi riku i sai pa un tera lundju. 13 14 15 13 I tchoma si des servu, i da elis dinheru (des minas), i fala elis: bo nogosia te ora kun riba. 14 ma si sidadons e odial, e manda se representanti dipus del, pa fala: No ka misti pa es manda riba di nos. 15 Otcha i riba, i toma si reinu, i fala pa e tchomal ki servus, ki da ba dinheru, pa i pusi sibi ke ku e nganha otcha e fasi nogos. 16 17 e 16 Kil purmeru bin, i fala: Sinhor, bu dinheru rindi mas des. 17 I falal: I bom, bon servu. Suma bu sedu fiel na puku, bu na ne otoridadi riba di des sidadis. 18 19 18 Ki sugundu bin, i fala: Sinhor bu dinheru rindi mas sinku. 19 I falal tambi: Bu na manda na sinku sidadis. 20 21 20 Kil utru bin, i fala: Ali bu dinheru, nguardal na un lensu, 21 Pabia nmedi bo, abo i un omi rigurosu, bu ta toma nunde ku bu ka pui, bu ta kebra nunde ku bu ka simia. 22 23 22 I falal: Servu mau, na bu boka propi kun na djulgau, bu sibi ami omi rigurosu, nta toma nunde kun ka pui, nta kebra nunde kun ka simia. 23 Pabia ku bu ka pui nha dinheru na banku, pa ora kun riba nta risibil ba ku jurus.. 24 25 24 I fala kilis ku sta bku el: Bo tomal dinheru, bo da kil ku tene des. 25 E falal Sinhor i tene dja des dinheru. 26 27 26 Sinhor ruspundi: Na nta bos, tudu tene, i na tiradu, ma kil ku ka tene te kil ki tene i na tiradu. 27 Ma kilis ki nha indimigu, ku ka misti pan rena riba delis bo tisi elis li, bo mata elis nha dianti. 28 28 Otcha i fala sin, i pega kaminhu pa subi pa Jerusalen. 29 30 31 29 Otcha ki tchiga pertu di Betfaje, ku di Bitinia, na un monti tchomadu Oliveiras, i manda si dus disipulus, 30 I fala elis: Bo bai na tabanka ku s dianti, bo na odja un burusinhu maradu, ku ningin ka montal, bo dismantchal bo tisil. 31 Si algin punta bos: Pabia ku bo dismantchal.. Bo ta falal sin Pabia Sinhor prisisa del. 32 33 34 35 36 32 Kilis ki manda e bai, e otcha ra ki fala elis. 33 E dismantcha buru, ma si dunus fala: Pabia ku bo na dismantchal.. 34 E fala: Sinhor prisisa del. 35 E tisil pa Jesus, e pui se ropa riba di buru, e sintanda Jesus riba del. 36 I na yanda pa bai, e distindi se ropa na kaminhu. 37 38 37 Otcha i pertu tchiga riada di monti di Olveira, manga di disipulu kumsa ngaba Deus ku alegria ku vos altu, pa tudu maravilia ke odja, 38 E na fala: Bendito Rei ku bin na nomi di Sinhor, pas na seu, gloria na altura. 39 40 ana39 Alguns Fariseus na metadi djintise falal: Mestri riprindi bu disipulus. 40 I ruspundi elis i la: Na fala bos si esis kala, pedras na girta. 41 42 41 Kontra e na tchiga sidadi, i tchora pabia del, 42 I fala: Ah si bu kunsi ba nes bu dias, kil ku na tisiu paz. Ma kila sukundidu di bu udjus gosi. 43 44 43 Pabia dias na bin riba di bo, ku bu indimigus na fitchau ku mboskada, e na rokau, na forontau, e na presionau na tudu ladu. 44 E na durbau abo ku bu fidjus, e kana disa pedra, riba di pedra pabia bu ka rapara dia ku bu visitadu. 45 46 45 I yentra na Templu, i kumsa serka tudu kilis ku na bindi e na kumpra la, 46 I fala elis: I skirbidu: Nha kasa, i kasa di orason. Ma abos bo bidantal ndjarga di ladrons. 47 48 a 47 I na nsinba tudu dia na Templu. Xefis di saserdotis, skribas, ku xefis di povu, na buska manera di matal. 48 E ka otcha manera di fasil, pabia povu ta obil ba ku atenson.