¹ Lei i son sombra di bon kusas ku na bin, i ka sedu forma na bardadi di kusas propi. Lei ka pudi fasi kilis ku ta pertusi Deus sedu purfitu, através di ki mesmu sakrifisiu ku saserdotis kustuma fasi anus dipus di Anu. ² Si i asin ba e ka na paraba di fasil?Ne kasu, si e seduba limpu un bias pa sempri, kilis ku ta fasiba e kultu ka na teneba mas konsiensia di pekadu. ³ Ma, ku ki sakrifisiu. pekadu ta lembradu kada anu. ⁴ Pabia i ka possivelpa sangui di turus ku kabra tera pekadus. ⁵ Pabia di es, otcha kristu iebtra na mundu, i fala:"sakrifisius ku ofertas bu ka presisa, ma un kurpu ku bu purparaba pa mi. ⁶ Bu ka teneba kontentamentu ku ofertas kemadu nin ku sakrifisius pa pekadus. ⁷ Dipus n'fala:"Deus, ali n'bin pa fasi bu vontadi, suma ki sta skritu aserka di mi na livru". ⁸ Na purmeru lugar i fala:"Bu ka presisa di min sakrifisius, nin ofertas, nin ofertas kemadu, nim sakrifisius pa pekadus. Nin bu ka teneba kontentamentu ne kusas". E sedu sakrifisius ku ta fasidu suma ku lei fala. ⁹ Dipus ku el fala:"nta li pa fasi bu vontadi".Assin i tira ki purmeru kustumi pa pudi pui ki sugundu. ¹⁰ Asin pa e vontadi di Deus na novu kontratu, no sedu sakrifikadu atraves di oferta di kurpu di Jesus kristu un bias pa sempri. ¹¹ Na antigu manera, kada saserdoti ta fika, dia i dia, pa pursenta, sempri mesmu tipu di sakrifisius, ku nunka ka pudi tira pekadus. ¹² Na novu manera, kristu pursenta un sakrifisiu pa pekadus pa sempri, dipus i sinta na mon direita di Deus. ¹³ De la i sta na spera te si indimigus pudu bas di si pes. ¹⁴ Na bardadi, ku un oferta son, i torna purfitu, pa sempri, kilis ku sedu santifikadu. ¹⁵ Spiritu santu tambi danu tustumunhu, suma ki faladuba: ¹⁶ Deus fala, es i kontratu ku n'na fasi ku leis se korsons tambi n'na skribi elis na se menti. ¹⁷ Deus torna fala, N'ka na lembra mas se pekadus nin kusas mau ke fasi." ¹⁸ Asin si i ten purdon pa e kusas, i ka ten mas necessidadi pa kualkuer sakrifisiu pa pekadu. ¹⁹ Ne manera, ermons, no tene konfiansa pa ientra na lugar mas santu atraves di sangui di Jesus. ²⁰ Es i kaminhu novu i vivu ku Jesus iabri pa nos atraves di veu, ku sedu, si karmi. ²¹ I, pabia no tene un garandi saserdoti riba di kasa di Deus, ²² no tchiga pertu di Deus ku un korson di bardadi, ku tudu sertesa di fé, ku no korsons purifikadu di mau konsiensia tambi ku no kurpus labadu ku iagu puru. ²³ Tambi no sugura risu konfeson di no speransa, sin zinga-zinga, pabia Deus ku da promesa i fiel. ²⁴ No pensa na nhutru pa no motiva amor ku bon obras. ²⁵ ka no disa kustumu di djunta, suma utrus gosta di fasi, Ma pa no nkoreja nhutru suma ku no odja dia di sinhor na mas pertu. ²⁶ Pabia si no fasi pekadu di propositu dipus ku no risibi kunsimentu di bardadi, i ka ten mas sakrifisiu pa pekadus. ²⁷ Na sintidu kontrariu, no ten ku pera son un julgamentu medunhu ku fugu ku na iardi ku na kaba ku indimigu di Deus. ²⁸ kualker alguin ku negaba lei di Moisés, dianti di konfirmason di dus o tris tustumunhus, ta muriba sin pena. ²⁹ Kal kastigu mas garandi ku kilis ku masa fidju di Deus meresi, alguin ku trata sanui di kontratu suma kusa ku ka limpu, ki mesmu sangui ku fasi pa i sedu santifikadu, asin i pabia mal kontra spiritu di grasa? ³⁰ No kunsi ki ku fala:"vingansa di mi, n'na torna mal pas mal". Di novu:"Sinhor na julga si povu. ³¹ I un kusa medunhu pa kai na mon di Deus bibu! ³² Ma bo lembra di dias ku pasa,dipus ku bo risibi luz, kuma ku nguentaba ki garandi luta di sufrimentu. ³³ Bo pudu na borgonha dianti di djintis, bo uniliadu ku insultus i pirsigison, bo tomaba parti ku kilis ku trataduba ku ki tipu di sufrimentu. ³⁴ Ma, bo sintiba pena di kilis ku seduba presu tambi bo setaba ku kontentamentu pa bo kusas tomadu, suma ku bo sibiba. kuma bo tene un mindjer rikesa ku na fika pa sempri ³⁵ Pabia des, ka bo bota fora bo fiansa, ku bo tene garandi pagamentu nel. ³⁶ Bo prisisa di pasensa, pa dipus ku bo fasi si vontadi, bo pudi risibi kil ku Deus pirmitiba bos. ³⁷ Pabia, na puku tempu, kil ku na bin nbin, I ka na tarda. ³⁸ Djintis justu na vivi pa fé, ma si i raqua, nka na kontenti ku el. ³⁹ Ma no ka sedu di kilis ku ta riba tras, e pirdi, ma no sedu kilis ku tene fé pa guarda no alma.