^{1 2} 1 Otcha i pasa katorzi anus n'bai utru bias pa Jeruzalen ku barnabe n'leba Titu tambi ku mi. 2 Nbai pabia di un revelason nkontal di bon noba ku na konta djintius. Npapia pa kilis ku parsi e tene mas n'fluensia pa ten serteza kuma nka kuri amontos. ^{3 4 5} 3 Nin Titu ki Gregu i forsidjadu sirkunsida. 4 E asuntu kontisi pabia di falsus ermons ku bin na sigridu pa djumpuni no liberdadi ku no tene na Kristu Jesus. E mistiba punu na katiberasku. 5 Ma anos no ka seta nin un mumentu pa bardi di bon noba ka pudi mudadu pa bos. ^{6 7 8} 6 Kilis ku faladu i garandis di igreja, se garandesa i ka nada pa mi, Deus kata djubi pa parsensa. N'fala esis ku parsi garandis e ka tisi utru pensamentu nobu. 7 Ma e odja kuma ndadu responsablidadi pa konta bon noba pa kilis ku ka sirkunsidadu, Suma ku Pedru dadu pa konta bon noba pa kilis ku sirkunsidadu . 8 I Deus ku tarbadja na Pedru pa sedu Apostulu pa kilis ku sirkunsidadu, I El tambi ku tarbadja na mi pa djintius. ^{9 10} 9 Otcha Tiagu, Pedru ku Djon e rikunhisidu suma kulunas di igreja e rapara fabur kun dadu e distindin mon direita di fraternidadi pa Barnabe ku mi. Elis e fasin asin pa anos no pudi bai pa djintius, pa elis e pudi bai pa kilis ku sirkunsidadu. 10 E lembrantanu tambi di koitadis. kusa kun misti ba fasi ku tudu m'penhu. ^{11 12} Ma otcha Pedru bin na Antiokia n'djusia risu ku el pabia i staba eradu 12 Antis ku omis ku Tiagu manda tchiga, Pedru ta kume ba ku djintius. Ma otcha esis tchiga i kuri delis i lundjusi di djintius, pabia i medi ke ku djintis ku sirkunsidadu na na eziji. ^{13 14} 13 Utrus djudeus tambi e djunta ku Pedru na es findjimentu rusultadu des te Barnabe disa pa i lebadu nes findjimentu. 14 Ma otcha n'dja kuma e kana yanda na bardadi di Bon Noba N'djusia ku Pedru dianti di tudu djintis: Si abos djudeus bo na vivi suma djintius, i ka suma djudeus kuma ku bo pudi forsidja elis pa e vivi suma djudeus? ^{15 16} 15 Anos ki djudeus di nansimentu nau djintius pekaduris. 16 No sibi kuma ningin kata djustifikadu pa obras di lei mas pa fe na Kristu Jesus. No bin pa Kristu pa fepa no pudi djustifikadu pa fe ku no ten an el, i ka pa obras di lei. Pabia nin karni kana djustifikadu pa obras di lei. ^{17 18 19} 17 Ma ora kun no buska sedu djustifikadu atraves di Kristu na ta otcha pekaduris, anta Kristu ta bida mestri di pekadu? klaru ki nau. 18 Si sin kumpu kusa kun dana dja nta bida kin ku kebra lei? 19 Ami dianti di lei n'muri pa lei pan pudi vivi pa Deus. ^{20 21} 20 N'krusifikadu ku Kristu, n'kana vivi mas ami ma Kristu ku na vivi na mi. Vida ku gosi na vivi na karni na vivil pa fe na fidju di Deus ku aman i da si vida pa mi. 21 Nka pudi nega fabur di Deus, Si djustifikason ten ba atravez di lei, anta Kristu muri amonton.