^{1 2 3} 1 Asin no ta tarbadja djuntu ku el , no ta pidi pa bo ka risibi grasa amonton. 2 Pabia i fala: Na tempu oportunu n'obiu, na dia di salvason n'djudau. Ma gosi i tempu favoravel, gosi i dia di salvason. 3 no ka pui nin pedra pa tropesa ningin pabia no ka misti pa djintis ka fia na no ministeriu. ^{4 5 6 7} 4 Antis des, no prova bos ku no manera kuma anos i servus di Deus: pabia firmesa ku no tene na foronta, kasabi, na privasons, 5 na suti, na kalabus, na djuntamentu di djintis kontra nos, na tarbadju duru, ku noitis sin sonu, na fomi, pa puresa, pa kunhisimentu, pa jentileza, ?? pa Spiritu Santu, pa amor sin findjimentu, pa palavra di bardadi pa puder di Deus, pa armas di djustisa, pa mon direita ku skerda. ??? ^{8 9 10} 8 na onra, na deisonra. na calunia, na lovor, no tenedu suna djintis ku ta n'gana, ma anos i di bardadi ,9 suma djintis diskunhisidus, ma no kunsidu diritu, suma kilis ku na muri, ma no bibu inda, suma kastigadu pa no maneras, ma no ka kondenadu pa mortu, 10 suma kilis ku sta tristi, ma no kontenti sempri, suma koitadis ma ku pui mangadel riku, suma kilis ku ka tene nada, i no tene tudu. ^{11 12 13} 11 No ta konta bos tudu bardadi, Konrintius, no korson sta abertu totalmenti. 12 I ka anos ku fitcha bo korson, ma i fitchadu pa bo propi sintimentus. 13 Na papia ku bos suma nha fidjus, n'yabri nha korson tudu pa bos. ^{14 15 16} 14 Ka bo djunta ku diskrentis, pabia kal kumunhon ku djustisa ten ku pekadu,? O kumunhonku lus, ku sukuru? 15 Kal akordu ku Kristu tene ku Belial? Ou ke ku krenti djunta ku diskrenti? 16 Anta i ten akordu entri kasa di Deus ku aku di idulus? Pabia anos i templu di Deus bibu, suma ku Deus fala: Na mora na se metadi, na yanda entri elis. N'na sedu se Deus, e na sedu nha povu. ^{17 18} 17 Bo sai na se metadi, bo sipara delis, asin ku Sinhor fala. Ka bo toka na kusa susu, na risibi bos. 18 N'na sedu bo pape, bo na sedu nha fidjus matchus ku femia, asinku Sinhor ku ten tusu puder fala: