^{1 2} 1 Es i terseru bias kun na bai pa bos. Tudu akusasoni dibi di risolvidu pa palavra di dus o tris tustumunhu. 2 N'fala ba dja pa kilis ku peka ku utru djintis otcha n'sta ba ku bos sugundu bias, na konta utru bias: ora kun riba utru bias n'kana pupa bos. ^{3 4} 3 Na fala sinpabia bo na buska si kontra Kristu na papia atraves di mi. El i ka fraku pa bos. Ma i puderosu na bos. 4 Pabia i krusifikadu na frakesa, ma i sta bibu pa puder di Deus. Pabia anos tambi no fraku na el, ma no na vivi ku el pa puder di Deus na no metadi. ^{5 6} 5 Bo djubi abos propi pa bo sibi si bo sta nafe. bo prova abos propi. Bo ka pirsibi kuma Jesus Kristu sta na bos? Si ka asin, anta bo n'tchumba. 6 Ami n'fia kuma bo rikunhisi kuma no ka n'tchumba. ^{7 8} 7 No na ora pa Deus pa bo ka fasi nin un mal. Nkana ora pa no parsi aprovadus, n'bes di kila na ora pa bo fasi ke ki sertu, nin kiparsi kuma no n'tchumba na testi. 8 Pabia no ka pudi fasi algun kusa kontra bardadi, ma afabur di bardadi. ^{9 10} Pabia no kontenti manera ku no fraku i abos forti. No ta ora tambi pa bo perfesuadu. 10 Na skirbi e kusas tementi n'sta bo dianti, pa ora kun sta ku bos, n'ka prisisa di trata bos risu ora kun na usa nha otoridadi, kil ku Deus dan, pan pudi edifika bos i ka pa distrui bos. ^{11 12} 11 Pa kabanta, ermons, bo kontenti. Bo tarbadja pa bo perfesuadu, pa bo n'korajadu, pa bo konkorda ku n'urtu, pa bo vivi na pas. Pa Deus di amor ku pas sta ku bos. 12 Bo fala n'utru mantenha ku beju santu. ^{13 14} 13 Tudu krentis manda bos mantenhas. 14 Pa grasa di Sinhor Jesus, amor di Deus, kumunhon di Spiritu Santu s ta sta ku bos.