^{1 2} 1 Ami Paulu, na pidi bos pa umildadi ku mansesa di Kristu, N'ta mansu bo dianti, ma n'ta brabu ora kun sta lundju, 2 na pidi bos pa ora kun sta ku bos pan ka forsadu toma atitudi di brabesa. Ma npensa nten ku sedu brabu ora kun bai kontra kilis ku ta pensa kuma no ta vivi kunformu karni. ^{3 4} 3 Mesmu ki anos i omis, no kata yanda kunformu karni, Pabia armas ku no ta luta ku el i ka di karni, ma i tene puder di Deus pa dana fortalezas, pa kaba ku argumentus di nganu ^{5 6} 5 No ta dana tambi tudu arogansia ku ta lanta kontra kunhisimentu di Deus, i no ta pui pa tudu pensamentu di omis obdisi Kristu. 6 I no sta pruntu pa kastiga tudu disobidiensia, te ora ku bo na obdisi Kristu kompleti. ^{7 8} 7 I sta klaru dianti di tudu bos. si algin konvensi kuma i di Kristu, pa i lembranta si kabesa kuma na mesmu manera ki sedu di Kristu, asin tambi ku no sedu. 8 Mesmu kun pasanta otoridadi ku Deus dan pa bo edifikadu i ka pa distrui bos nka na burgunhu. ^{9 10} 9 Ami n'ka misti pa i parsi kuma na panta bos dimas ku nha kartas. 10 Pabia utrus fala: Si kartas i tene puder i seriu, ma na karni i fraku, si kombersa ka meresi pa i obidu. ^{11 12} 11 Kil algin dibi di n'tindi kuma manera ku no sedu na palavras di no karta ora ku no sta lundju, i kila ku no na sedu ora ku no sta la. 12 No kana tchiga puntu di no kompara no kabesa ku kilis ku ta n'gaba se kabesa ma, ora ke mididu o i komparadu ku utrus, e ka ten n'tindimentu. ^{13 14} 13 Anos no ka misti orgulia di no tarbadju, ma no ta fasil na limiti di Deus pa yangasa bos. 14 Pabia si no pasanta otcha no yangasa bos, anos i purmeru pa yangasa bos ku bon noba di Kristu. ^{15 16} 15 No ka orgulia na tarbadju di utru, ma no na pera tementi bo fe na krisi, no tarbadju na spandi dentru di limitis ku no ta atua. 16 No na pera es, pa no pudi konta bon noba fora di bo rijion. No kata orgulia ku tarbadju ku fasidu na aria di utrus. ^{17 18} 17 Kil ku na orgulia pa i fasil na Sinhor. 18 pabia i ka kil ku rukumenda si kabesa i aprovadu, ma kil ku Sinhor rukumenda.