1 2 1 Tudu kilis ku sta bas di skravatura e dibi konsidera se sinhoris dignu di tudu onra, pa nomi di Deus ku n'sinamentus ka lebsidu. 2 Katibus ku tene sinhor krenti e ka dibi di falta elis rispitu pabia i se ermon. m'bes di kila e dibi di sirbi elis mas inda, pabia sinhoris ku ta risibi se sirvisu i krentis amadus. Nsinai diklara e kusas. 3 4 5 3 Si algin n'sina kusa diferenti i ka seta no instruson fiel, o i ka sta palavras di no Sinhor Jesus Kristu, ku ka seta n'sinu ku ta leba pa no fe, 4 kil algin i orguliosu i ka sibi nada antis di kila i sta e sta duenti intchidu ku pensamentu kontraditoriu, ku diskutisons sobri palavras. E palavras i ta rusulta na n'veja, djus, ku suspeita malignu 5 ku konflitu tudu ora ku djintis ku pensamentu kurumpi, ku na disvia di bardadi ku pensa kuma fe u un kusa pa e riku. 6 7 8 6 Ma garandi likrui fe ku kontentamentu. 7 Pabia no ka tisi nada na e mundu, nin no ka pudi leba algun kusa. 8 Antis dikila pa no kontenti ku alimentu ku ropa. 9 10 9 Gosi kilis ku misti riku e na kai na tentason, ku lastru di manga di disidju di tulesa, ku ta foganta elis na ruina ku pirdison. 10 Pabia amor pa dinheru i rais di tudu mal. Djintis ku tene es disidju e disvia di fe e turmentadu ku manga di sufrimentu. 11 12 11 Ma abo omi di Deus fusi de kusas. Pirsigi djustisa, ku fidelidadi, ku amor, ku pasensa, ku mansesa. 12 Kombati bon kombati di fe. Toma posi di vida iternaku bo tchomadi pa el ku bo tustumunha dianti di maga di tustumunhu kunformi kil ku bon. 13 14 13 Dianti di Deus, ku ta da vida pa tudu kusas i dianti di Kristu Jesus, ku konta bardadi dianti di Ponsiu Pilatus na Izortau 14 Pa bu guarda mandamentu di un manera purfitu, sin kulpa te na vinda di no Sinhor Jesus Kristu, 15 16 15 ku na tempu sertu i na revela kil ki Benditu, uniku Puderosu, Rei ku na reina Sinhor ku na guverna. 16 El so ki imortal ku mora na lus ku omis ka tene asesu pa E djubil o e kapas di odjal. pa El pa i dadu onra, ku puder iternu. Amen. 17 18 19 17 Konta rikus de mundu pa e ka sedu orguliosu pa e ka tene speransa na rikesa, pabia i insertu. Antis des, e dibi di pera na Deus, ku patinu tudurikesa di bardadi pa no goza del. 18 Fala elis pa e fasi bem, pa e riku na bon obra, jenerosus, pruntu pa raparti. 19 Ma nes manera, elis ku ta guarda pa elis mesmu tisouru ki bon fundamentu pa kil ku na bin, pa e toma posi di vida di bardadi. 20 21 20 Timotiu guarda ke ku bu dadu. Ivita kombersas tulus ku diskutisons kontraditorius ku ta tchomadu kunhisimentu falsu. 21 Alguns ta proklama e kusas el ku manda e disvia di fe. Pa grasa di Deus ta sta ku bos.