^{1 2} 1 Paulu, apostulu di Kristu Jesus di akordu ku ordi di Deus, ku no Salvador Jesus, no speransa. 2 Pa Timotiu nha fidju di bardadi na fe, grasa, miserikordia ku pas si Deus pape ku di Kristu Jesus no Sunhor. ^{3 4} 3 Suma kun pidiu, kontra na sai di Masedonia, fika na Efesu pa bu pudu tchoma tenson di sertu djintis ku ka ta n'sina doutrina diferenti, 4 nin e kata presta atensonpa storias di djorsons ku kata ten fin, ku ta kausa diskutison n'bes de djuda planu di Deus ku sedu pa fe. ^{5 6 7 8} 5 Ma objetivu des tchomada di atenson i amos ku sai na un korson puru, di un konsiensia di un fe sinseru. 6 Alguns djintis e n'ganadu e disvia des ku kombersas tulu, 7 e misti sedu mestri dilei ma sen e n'tindi ke ku e na fala, nin ki ku e ta n'sisti afirma. 8 Ma no sibi kuma lei i bon si usadu na forma legal. ^{9 10 11} 9 No sibi: lei ka fasidu pa djinti djustu, ma pa rebeldisku ka tene lei, pa djintis ku ka ten fe, pekaduris pa kilis ki impuis kabalidus, pa kilis ku ta mata se pape ku mame propi, pa asasinu, 10 pa djintis ku ka tene moralidadi seksual, pa omoseksual, pa trafikantis di skravus, pa muntrusis, pa falsus tustumunhu, ku tudu kilis ku sta kontra doutrina san. 11 E doutrina i sta di akorduku bon noba gloriosu di deus benditu, kun konfiadu. ^{12 13 14} 12 Na gardisi Kristu Jesus, no Sinhor, ku fortalisin, pabia i konsideran fiel i pun nes obra. 13 Ami era un omi ku ta papia mal, pirsigidur i violentu, ma n'risibi miserikordia pabi n'ta aji ba na ignoransia na nha falta di fe. 14 Mas grasa di no Sinhor i darma ku fe ku amor ku ten na Kristu Jesus. ^{15 16 17} 15 E mensajen i di konfiansa i dignu pa i setadu: Kristu Jesus bin na mundu pa salva pekaduris, entri elis ami i pior. 16 Mapa e roson n'risibi miserikordia, manera ku ami pior di pekaduris, pa Kristu pudi mostra si tudu pasensa. I fasi kila pa ezemplu pa kilis ku na bin fia nel pa vida iterna. 17 asin rei iternu, imortal, ku kata odjadu, uniku Deus pa i dadu onra, ku gloria pa tudu sempri Amen. ^{18 19 20} 18 Na n'terga e intrusons, pa Timotiu, nha fidju ku konkorda ku prufesia ku fasidu aserka di bo, pa bu pudi pega tesu na bon kombati. 19 Fasi asin pa bu tene fe ku bon konsiensia. algundjintis e negal e foga na fe, 20 entri elis imineu ku Alexandri, kun n'terga elis pa satanas pa e aprindi ka papia mal.