^{1 2 3} Kilis ku fia kuma Jesus i Kristu i nansi di Deus. Tudu kil ku ama kil ku padil, i ama tambi ki i padi. 2 No sibi kuma no ama fidjus di Deus pabia des: ora ku no ama Deus no ta kumpri si mandamentu. 3 Pabia es i amor pa Deus: No ta kumpri si mandamentu. Si mandamentu i ka pisadu pa nos. ^{4 5} 4 Pabia tudu kil ku nasi di Deus i vensi mundu. Vitoria ku vensi mundu i no fe. 5 Kin ku vensi mundu si ka kin ku fia kuma Jesus Jesus i fidju di Deus. ^{6 7 8} 6 Es i kil ku bin pa yagu ku sangi Jesus Kristu. I bin i ka son di yagu mas di sangi. i kin ku ta tustumunha es, i Spiritu. 7 Pabia Spiritu i bardadi. Pabia e tris ku ta tustumunha Pape, palavra, ku Spiritu Santu, e tris i un son. 8 Spiritu, yagu, ku sangi. E tris e ta konkorda entri elis. ^{9 10} Si no risibi tustumunhu di omis, tustumunhu di Deus i maior. Pabia es ki tustumunhu di Deus ki da aserka di di si fidju. Kil ku fia na fidju di Deus i tene es tustumunhu. Kil ku ka fia na Deus i ta fasil muntrus pabia i ka fia na tustumunhu ku Deus aserka di si fidju. ^{11 12} 11Tustumunhu i es Deus danu vida iterna, i es vida sta na si na si fidju. 12 Kin ku tene fidju i tene vida, kin ku ka tene fidju di Deus i ka tene vida. ^{13 14 15} 13 Na skirbi bos e kusas pa bo sibi kuma bo tene vida iterna, abos ku fia na nomi di fidju di Deus. 14 Es i konfiansa ku no tene si dianti : Si no pidi kualker kusa sugundu si vontadi I ta obinu. 15 no sibi kuma i ta obinu, na tudu ku no pidi. no sibi no ta otcha tudu ku no pidil ^{16 17} Si algin odja si ermon na fasi pekadu ki ka pa mortu. I ta pidi Deus, Deus ta dal vida. ma si son pa kilis ku fasi pekadu ki ka pa mortu. Nfala pa bo ora pa elis. 17 Tudu kusa mau i pekadu, ma i ten pekadu ki ka pa mortu. ^{18 19} 18 No sibi kuma kin nasi di Deus i ka ta vivi na pratika di pekadu. pabia fidju di Deus ta guardal, kil malvadu ka pudi toka ne el. 19 no sibi kuma anos i di Deus pabia mundu sta na ki malvadu. ^{20 21} No sibi kuma fidju di Deus bin dja. I danu ntindimentu pa no kunsi Deus ki bardadi. Na kil bardadi ku no sta nel, ku sedu si fidju Jesus Kristu. Es i Deus de bardadi, i vida iterna. 21 Nha fidjus bo lundjusi di idulus.