^{1 2} 1 Kil ki era ba des di kumsada ku no odja ku no udju, ku no mon palpa, i palavra di vida. 2 Pabia vida i manifestadu, anos no odjal, no ta da tustumunhu del no diklara bos vida iterna ku staba ku Deus pape ma i manifestadu pa nos. ^{3 4} 3 Kil ku no odja, ku no obi, no diklaral tambi pa bos pa bo tene kumunhon ku nos, i no kumunhon i ku Deus pape, ku si fidju Jesus Kristu, 4 No na skirbi bos e kusas pa no kontentamentu kompleta ^{5 6 7} 5 Es i mensajen ku no obi del i el tambi ku no na konta bos. Deus i lus sukuru ka ten na el. 6 si no fala no tene kumunhon ku el ma no na yanda na sukuru, no na konta no kabesa mintida , no kana pratika bardadi. 7 Ma si no yanda na lus suma ku el i sta na lus, no ta tene kumunhon ku kumpanher, sangi di si fidju Jesus ta limpanu di tudu pekadu. ^{8 9 10} 8 Si no fala no ka tene pekadu, no na ngana no kabesa ], bardadi ka sta na nos. 9 Ma si no konfesa no pekadu, el i fiel i djustu pa purdanu no pekadu i pa limpanu di tudu kusa mau. 10 Si no fala no ka fasi pekadu no ta fasil muntrus, si palavra ka sta na nos.