¹ Waktu, pas Paulus kabun Silas borum no nemarou Amfipolis dain Apolonia, ero dape nek Tesalonika, nek amo naan jik lambek sinagoge urun Yahudi. ² Kabun, haboi dain kebiasaan Paulus, iyo masok ngatoh antara ero yang naan nedi, madi kehaik toru dou Sabat bejantuh dain ero tat Kitab Suci, ³ Sambil o ngenjelas o madi ngebukti kalau Yesus Kristus yo harus matoi kabun ngenderita kabun bangkit pain tat ihang urun yang matoi, madi bejantuh, "Yesus ihik, yang honong tenohok ku ngatoh kok, iyo no Kristus," ⁴ Madi, tongak tat ero yang keneyakin madi begabung dain dek Paulus kabun Silas, behaboi dain urun Yahudi yang mikoh akan Allah kabun bea momik bawek-bawek yang tehormat. ⁵ Tapi madi, urun-urun Yahidi yang ngemato songan do madi obin urun yang jaat yang ulang ulik nek ukan umum, ero ngumpul sauh urun madi nguan kekacauan nek kota di, madi ero ngatoh ropou Yason madi ero pagou Paulus kabun Silas karna ero nyah obin ero duo ahak tat adi madi bin ero ngatoh sauh urun. ⁶ Jik ero bea nyombang Paulus kabun Silas, ero obin Yason kabun dorang isit alek o yang jik iman dain yo dain kasar ngatoh usuk pejabat kota, madi ngehawang, ''Urun ihik, borum ngacau dunia, dape no ngatoh ihik. ⁷ Madi, Yason nyambut ero, madi nyamon do ngelawan hukum kaisar madi bejantuh kalau naan raja yang bokon , iyo no Yesus," ⁸ Urun nyangkak madi dorang pejabat kota jadi resah jik ero ngeringok hal adi. ⁹ Madi, jik ero borum nerimak jaminan tat Yason kabun yang bokon pain, urun adi pun ngebebas ero. ¹⁰ Isit alek yang jik iman suk Paulus dain Silas, marum adi sak, ngatoh Berea, madi jik ero dape, ero ngatoh sinagoge urun Yahudi. ¹¹ Urun Yahudi yang nedi jian songan do tat urun yang nek Tesalonika ero nerimak firman Tuhan dain ponuk semangat, sambil ero nyelidik Kitab Suci tiap dou pak ero tou hal adi orong o. ¹² Urik tat adi, nyangkak urun tat ero pecayak, termasuk dorang bawek kabun dorang bakah Yunani yang terhormat kenyangkak do pun bea momik. ¹³ Tapi tat adi, jik urun Yahudi nek Tesalonika tou kalau firman Allah pun tenohok kenuan Paulus nek Berea, ero pun dape ngatoh Berea dain maksud ero menggoyahkan kabun meresahkan sauh urun. ¹⁴ Madi, isit alek yang jik iman suk Paulus tokak dape ngatoh pantai, tapi Silas dain Timotius totak nek di mak. ¹⁵ Urun yang ngageh Paulus obin yo dape ngatoh Atena, madi jik ero borum nerimak pasan tat Paulus makan Silas kabun Timotius pak dape ngatoh iyo , ero pun tokak. ¹⁶ Jik Paulus mihan ero nek Atena, poroh sadu songan o karna iyo ngemarek nek uhang kota adi ponuk dain patung-patung berhala. ¹⁷ Urik tat adi, iyo betukar pikir nek sinagoge dain urun Yahudi madi urun tat bangsa bokon yang mokoh akan Allah, madi nek ukan umum, tiap dou, dain urun yang naan nedi. ¹⁸ Nyangkak ahli pikir pun bejantuh dain iyo. Madi, nyangkak pain yang bejantuh, "Anun yang kanek tenohok si pembual ihik?" Yang bokon pain dohok "Bahi o, iyo hik urun yang bin berita dewa-dewi asing," karna iyo dohok Yesus kabun kebangkitan. ¹⁹ Madi, ero bin iyo madi bin yo ngatoh Areopagus, madi bejantuh, "Tou bea kai tou ajaran uwah anun yang tenohok nuk ihik? ²⁰ Karna, kok yang honong bin nyangkak hal yang sepengok nek teringan kai. Kai kanek tou anun yang kenemaksud nuk di. ²¹ (Jik adi, nyamon urun Atena dain urun asing yang totak ne di biasa no numah kan waktu do dain bea nguan anun-anun pun selain dohok atau pun ngeringok hal yang uwah.) ²² Madi, Paulus nengkojong nek ohun-ohun Areopogus madi bejantuh, ''Hai urun Atena, aku ngemarek kalau nek uhang nyamon hal yang religius. ²³ Jik, aku honong kediring madi merati barang yang senyembah nuk, aku pun ngemarek jik lambek altar dain tulisan ihik 'NGATOH TUHAN YANG BEA SENYENGKONOK', Tat adi, anun yang senyembah tanpa nyengkonok o, adi no yang tenohok ku ngatoh kok. ²⁴ Allah yang nampak dunia ihik kabun dorang nyenyamon yang naan nek uhang ihik, karna Iyo yo Tuhan yang nek ujung haun madi bumi ihik, bea ngereoot nek ukan kuil yang tenampak kenuan rongon telino, ²⁵ madi bea sak Iyo bea kenelayan kenuan rongon-rongon telino, amak no Iyo yang porolu karna Iyo kedirik yang makan ngatoh abek pun yang mirup, madi ngehasong, kabun nyenyamon hal. ²⁶ Madi, Iyo nampak, tat jik urun, nyamon bangsa umat telino pak ero ngeroot nek bumi ihik, jik Iyo borum minak musim kabun batas-batas ukan irup do, ²⁷ Pak ero yang pagou Allah, kabun madi mungkin makan ero tou ogom-Iyo kabun nyombang-Iyo madi sak Iyo bea ajuk tat to. ²⁸ Karna, nek uhang Iyo, to mirup, seraoi, madi naan. amak no pujangga-pujangga nuk kedirik yang bejantuh, 'kana to hik sak iyo no kenturun-O sak.' ²⁹ Madi, karna to iyo no kenturun Allah, to harus o bea bepikir kalau naan o Ilahi adi amak no beraan, madi perak, kabun batu, jik lambek wujud yang tenampak tat penau kabun pemikir dorang telino. ³⁰ Urik tat adi, jik borum mengabaikan masa kuong, mahik ko Allah dohok ngatoh sauh urun nek amo-amo pak ero betobat, ³¹ Karna Iyo borum dohok jik dou nanah Iyo dape kabun ngehakim dunia nek uhang keadilan nemarou jik bah telino yang borum no nirik kenuan-O, urik tat adi Iyo makan bukti ngatoh nyamon urun dain pirup Urun adi tat ihang urun yang matoi,'' ³² Madi, jik ero ngeringok kebangkitan tat ihang urun matoi, nyangkak urun yang ngejek, tapi naan yang bokon bejantuh , ''Kai kanek ngeringok kok pain tentang ihik.'' ³³ Tat ihik, Paulus kosang tat ihang-ihang do. ³⁴ Urik adi, nyangkak urun yang kesuung dain iyo madi pecayak, naan yang sak yang Dionius, anggota Areopagus, madi jik bah bawek yang aran o Damaris, madi nyangkak urun bokon yang behaboi dain ero.