¹ ji'k adi, ne'k Kaisarea, na'an ulrun yang alrano Kornelius, yo di Perwira macam yang tendohok ne'k Pasukan Italia, ² ulruno di jian, kabun mikoh da'in Mohontalra'k, macam adi sa'k dain jamon ulrun yang na'an ne'k lropou o, kabun yo nyangka'k makan dolrang penato'u penga'ya ngatoh ulrun-ulrun yang bedoa nulrou ngatoh Mohontalrag. ³ pas ji'k sore adi,sekitar jam keti'on do'u adi,iyo nilro'k dain jeta'k uhang penilro'k o di,jibah malaikat Mohontalra'k dape da'in bejantuh ngatoh yo, "Kornelius!" ⁴ dain kaikoh o yo bea bahanyi nilro'k malaikat adi kabun bejantuh mahiko, "Anun po hi'k Tuan?" olrum adi malaikat bejantuh ngatoh yo pain, "Doa-doa nu'k kabun dolrang kejian-kejian nu'k olrum noh senyakoikan kenengingat ne'k usuk Mohontalra'k. ⁵ mahiko, su'k lah ulrun-ulrun ngatoh Yope kabun tohlah ulrun yang alrano Simon,yang alran kenda'u o di Petrus, ⁶ iyo ngelro'ot dain ulrun pengurut yang alrano Simon,dain lropou o ne'k salran kobang lraut. ⁷ ji'k malaikat yang bejantuh ngatoh yo nai dah mulrik noh,Kornelius toh du'o bah pelayan no kabun ji'k bah prajurit yang jian ne'k ihang ulrun-ulrun yang selalu ngurus dolrang kereja alropo, ⁸ olrum dohok o nyamon nyamon ngatoh elro, iyo su'k elro toka'k toh Yope. ⁹ pas do'u ico'k, ji'k elro benteng selraoi kabun udah taheng noh dain kota adi, Petrus nyakoi ngatoh ujung sapo'u,kan bedoa. ¹⁰ ulri'k adi yo butin,dain kane'k kume'k , tapi'k ji'k ulrun-ulrun benteng nyiap dolrang usoh, Petrus na'an tenilro'k o, ¹¹ kabun yo nilro'k haun botobuka'k dain na'an lrauk macam kampo yang tedalrou tongun kabun pulruh alropo tat keopat sudut o tilri'k dape tana'k. ¹² ne'k uhang o na'an pepilro macam dolrang lrauk bepa'an opat, dain lrauk-lrauk nyolre'k ne'k tana'k,kabun sepulru-sepulru ne'k haun. ¹³ olrum adi,dapelah boho'k bejantuh ngatoh yo, "mokat noh Petrus, nyemeliho kabun kumek nohlah!" ¹⁴ tapi'k Petrus bejantuh, "bea Mohontalra'k, karena aku bea kala'k kume'k lrau'k yang ba'u nusoh." ¹⁵ kabun,boho'k adi bejantuh pain kan yang keduo kali o, "anunpun yang olrum noh kenenjian nuan Mohontalra'k ,ayo mensilri'k ko'k dohok ha'k ba'u nusoh. ¹⁶ lrau'k adi tilri'k tolru kali, kabun tehona'k jamono di botosakoi toh haun. ¹⁷ pas ji'k adi, ji'k Petrus benteng bingung mikir anun reti lrau'k yang tenilro'k o ha'k na'i, dapelah ulrun-ulrun yang su'an Kornelius benteng pago'u ukan amo lropo'u Simon,sambel nengkojong ne'k usuk antep tongun, ¹⁸ kabun sambel toh,elro nyetong anunkah Simon,yang alran kendau o di Petrus, na'an dedi. ¹⁹ sementara Petrus benteng mikir lrau'k penilro'k o ha'k na'i, na'an belruan bejantuh ngatoh yo, "nilro'k o ko'k, na'an tolru bah bakah pagou kok. ²⁰ mokat kabun nuhun noh, toka'k noh hembeh elro ayo ragu, kenuan Aku olrum ngutus ko'k. ²¹ ulri'k adi, Petrus nuhun ngatoh ulru-ulrun adi kabun bejantuh, "nilro'k akulah ulrun yang nanggo'u ne'k. anun alasan kedape ne'k? ²² elro bejantuh, "Kornelius ulrun perwira, ulrun yang hinut,kabun mikoh dain Mohontalra'k,yang kengenal jian ne'k ohun jamon bangsa Yahudi, olrum noh kenengingat nu'an malaikat kudus kane'k su'k ko'k dape ngatoh lropou o kabun nelringo'k jantuh o." ²³ Petrus su'k elro masok,dain bin elro ngelro'ot dedi. do'u ico'k, iyo moin kabun toka'k hembeh dain elro, kabun pepilro bah dolrang lrehan seiman tat Yope jelrehan yo. ²⁴ pas do'u ico'k o, elro masok Kaisarea. kornelius benteng mihan elro kabun olrum ngumpul dolrang lrihit lrintingo dain dolrang lrehan dokin o. ²⁵ pas Petrus masok, Kornelius humba'k yo, kabun belutut ne'k pa'an Petrus kabun nyembah yo. ²⁶ tapi'k, Petrus nulung su'k yo nengkojong sambel bejantuh mahiko, "nengkojong noh! aku hi'k pun telino sa'k. ²⁷ pas benteng Petrus bejantuh da'in Kornelius, Petrus masok ngatoh uhang kabun nilro'k nyangka'k ulrun bokumpul. ²⁸ poda'k Petrus bejantuh ngatoh elro, "kam tu'an ne'k bahwa iyo noh kekejian makan ulrun Yahudi kan ngohubung ataupun pelriat ngatoh ulrun yang bokon Yahudi, tapi'k Mohontalra'k olrum nunju'k ngatoh aku bahwa bea seharus o aku dohok elro ba'u olro'k po najis. ²⁹ adinoh nguan no, aku bea tedalro'u bahat pas ji'k kam su'k aku dape. karena adi, aku kane'k nyetong anun alasan ne'k toh aku?. ³⁰ kabun,Kornelius bejantuh, "opat do'u yang muno tilri'k jam ihi'k, ne,k jam keti'on, aku benteng bedoa ne'k lropou ku, kabun nilro'k noh, na'an jibah nengkojong ne'k usukku makai sapoi selawa yang nyilau aku. ³¹ olrum adi, bejantuh, 'Kornelius, doa nu'k olrum tenelringo'k da'in kejian nu'k olrum kenengingat ne'k usu'k Mohontalra'k. ³² ulri'k adi, su'anlah toh Yope kabun tamo'klah ngatoh Simon yang tendohok Petrus pa'k yo dape. iyo benteng ngelro'ot ne'k lropo'u Simon, tukang urut, ne'k salran lraut. ³³ ulri'k adi aku poda'k su'k ulrun ngatoh ko'k, kabun ko'k pun olrum bejian songan olrum noh kane'k dape tohi'k. mahiko, to nyamon na'an dehi'k, ne'k usuk Mohontalra'k, kan nelringo'k anun yang kenerintah ngatoh ko'k nuan Mohontalra'k. ³⁴ ulri'k adi, Petrus pun muka'k boa'k o kabun bejantuh mahiko, "tilri'k ihi'k, aku orong-orong o ngereti bahwa Mohontalra'k bea milrik abe'k-abe'k. ³⁵ namun, ne'k nyamon bangsa, ulrun yang mikoh dain Mohontalra'k kabun nampa'k yang hinut, sesuai ngatoh-Yo. ³⁶ Firman yang tendohok Mohontalra'k ngatoh bangsa Israel doho'k talrung jian damai sejahtera nemalrou Kristus Yesus, Yolah Mohontalra'k neg nyamon to. ³⁷ kam kedilrik to'u anun yang terjadi ne'k nyamon Yudea, bungaso tat Galilea, olrum baptisan yang tendohok Yohanes, ³⁸ kam to'u Yesus, ulrun Nazaret, macam amo Mohontalra'k mengurapi-Yo da'in Roh Kudus kabun da'in kuasa. Yo toka'k ngendilring nampa'k yang jian kabun nyempulrih nyamon ulrun yang kenenganyi'k nu'an lrio'u ja'at kenuan Mohontalra'k hehembeh Yo. ³⁹ kam hi'k noh saksi-saksi tat nyamon hal yang olrum kenguan Yesus, jian ne'k ukan ulrun Yahudi olro'k po ne'k Yerusalem. elro olrum monjong Yesus kabun memiyang-Yo ne'k ujung kayu salib. ⁴⁰ namun, Mohontalra'k pebalre'u su'k Yo milrup ne'k do'u yang ketolru kabun su'k Yo petilro'k alropo, ⁴¹ bokon ngatoh nyamon ulrun,tapi'k ngatoh kai, saksi-saksi yang olrum kenemilri'k nu'an Mohontalra'k ji'k beapo-Yo, yang kume'k da'in nulru'k hehaboi dain-Yo ulri'k Yo balre'u milrup ne'k ihang ulrun matoi. ⁴² kabun, Yo ngongkon kai kan dohok ngatoh ulrun-ulrun kabun besaksi da'in orong-orongo bahwa Yolah yang kenentetap nu'an Mohontalra'k kan Hakim ne'k ujung yang milrup kabun yang matoi. ⁴³ bagi Yo, nyamon nabi bersaksi dain bahwa nyamon ulrun yang pecaya'k ne'k uhang-Yo akan nerima'k pengampunan dosa nemalro'u alran'O. ⁴⁴ benteng Petrus honong dohok jantuh hi'k ,Roh Kudus nuhun ne'k ujung nyamon yang nelringo'k firman hi'k. ⁴⁵ kabun ulrun pecaya'k yang besunat. ⁴⁶ kenuan adi, elro nelringo'k ulrun-ulrun adi bejantuh uhang pepilro bahasa kabun memuliakan Mohontalra'k. poda'k Petrus bejantuh mahiko, ⁴⁷ "bokonkah bekan jibah pun yang konan nahan danum kan kenembaptis ngatoh ulrun-ulrun yang olrum keno'on Roh Kudus haboi macam to hi'k?" Maka, Petrus ngongkonkan ⁴⁸ elro kan kenebaptis ne'k uhan alran Yesus Kristus. olrum adi, ulru-ulrun adi tamo'k pa'k Petrus ngelro'ot ukan elro selama'k pepilro do'u.