¹ Bituk tejadi pado suatu Sabat bahwo Yesus lagik ingkas ngeloluk umo gandum dan muwet-muwetYo di antawo keduo jayi sidok, dan mekant gandum yok. ² Namun bebeyapai uwangk Farisi bejantoh,''Ngapai ikau ngempuloh beeno yang abon dikudik untuk dipuloh pado ayi Sabat?'' ³ Yesus menyohot sidok, jokukYo,''Abon kalok ikau memaco apai yang Daud puloh ketiko iyo kelopa, iyo dan uwangk-uwangk yang bejeyahant? ⁴ Iyo tamok ke dalamp laman Allah, dan nyopot yote sajian dan negimok bebeyapai yoteyok, dan juga memoyik bebeyapai kepado uwangk-uwangk yang bejeyahant untuk makant, walaupun ungkok payo imam yang panai untuk memakantyok.'' ⁵ Yesus bejantoh kepado sidok,''Putra Mensio adolah Tuhant atas ayi Sabat.'' ⁶ Lalu pado ayi Sabat yang laen ketiko Yesus ingkas ke Sinagoge dan mengaja uwangk-uwangk dien. tedapat seuwangk jelaki-jelaki yang longan kananyo lumpuh. ⁷ Ahli-ahli Taurat dan uwangk-uwangk Farisi memantau Yesus dengan jolas untuk mantau akankah Iyo menyombuhkan seuwangk pado ayi Sabat, sehinggo sidok akan napat alasan untuk menyalohkan Iyo kaeno memuloh beeno yang saloh. ⁸ Namun panai apai yang sidok pikekan dan Iyo bejantoh kepdo jelaki-jelaki yang longanyo lumpuh yok,'' Uwas am, dan bediyi am dituk di tongoh-tongoh semuo uwangk.''Lalu jelaki-jelaki yok uwas dan bediyi dien. ⁹ Yesus bejantoh kepado sidok, '' Aku betanyok kepado ikau, apai am yang di kudik pado ayi Sabat, memuloh yang bagak atau muloh yang jahat, mengenyoman idup seuwangk atau memodihyo?'' ¹⁰ Kemu Iyo mantau disekita sidok semuo dan bejantoh kepado jelaki-jelaki yok,'' Tajo am jayi kau.'' Kemudian iyo memuloh demikian, dan longan iyo di sombuh. ¹¹ Namun sidok di ponuh dengan keluwat, dan sidok beyomong sikuk dengan yang laen akan apai yang dapat sidok puloh kepado Yesus. ¹² Kemudian pado ayi-ayi tuk Yesus ingkas ke tampok buket untuk bedo'o. Iyo towus bedo'o sabant malam kepado Allah. ¹³ Ketiko ayi udah padangk, Iyo nimpai muwet-muwet yo datangk kepado Yo, dan Iyo memilih duo bolas uwangk dayi sidok, yang juga Iyo namo ''rasul-rasul.'' ¹⁴ Namo-namo payo rasul yok adolah Simon ( yang juga iyo namoi Petrus ) dan mpalo jelaki-jelaki yo, Andreas,Yokobus, Yohanes, Filipus, Bartolomeus, ¹⁵ Matius, Tomas,Yokobus putra Alfeus, Simon, yang disobot uwangk Zelot. ¹⁶ Yudas putra Yokobus, dan Yudas Iskariot, yang menyadi penjahat. ¹⁷ Kemudian Yesus tuwont dayi buket besam dengan sidok dan bediyi pado owongk yang yata. kelilit bosa muwet-muwet Yo beyado dien, bejeyahant sejumlah bosa uwangk-uwangk dayi Yudea dan Yerusalem, dan dayi daeyoh pantai Tirus dan Sidon. ¹⁸ Sidok udoh datangk untuk ningo Iyo dan untuk disombuhkan dayi segalo pemodih sidok. Uwangk-uwangk yang bemasalah dengan roh-roh jahat juga disombuhkan. ¹⁹ Setiap uwangk dalamp kelilit yok towus nyubo untuk nyopotYo kaeno kuaso untuk menyombuhkan keluwa dayi padoYo, dan menyombuhkan sidok semuo. ²⁰ Lalu Iyo memantau kepado muwet-muwetYo, dan bejantoh,'' Diberkatilah ikau yang mensekent, kaeno umpuk kau am kerajaan Allah. ²¹ Diberkatilah ikau yang bituk kelopa, sobab ikau akan menyadi konyang. Diberkatilah ikau yang bitik menangih, sobab ikau akan ketawok. ²² Diberkatilah ikau ketiko uwangk-uwangk memboncik ikau dan ketiko sidok menulak ikau dan sidok mengomongkan namokau sebagai sesuatu yang jahat, demi putra Mensio. ²³ Ngayoh am pado ayi yok dan nambongk am kaeno ngayoh, sobab ikau pasti akan menapat upoh yang bosa di sebayant, sobab inik umuuh sidok muloh payo nabi denga cawo yang samo. ²⁴ Tetapi celako am ikau yang kayo! Sobab ikau udoh neyimok pengibo. ²⁵ Celako am ikau yang bituk konyang! Sobab ikau akan kelopa kemudian. Celako am ikau yang bituk ketawok! Sobab ikau akan piluh dan menangih kemudian. ²⁶ Celako am ikau, ketiko semuo uwangk bejantoh yang bagak tenang ikau! Sobab inik umuuh sidok memuloh payo nabi palsu denga cawo yang samo. ²⁷ Tetapi aku bejantoh kepado ikau yang ningo, kasih am musuh-musuh kau dan bekempuloh am yang bagak kepado sidok yang memboncik kau. ²⁸ Berkatilah uwangk yang mengoluh ikau dan bedo'o am umpuk uwangk yang memodih ikau. ²⁹ Kepado Iyo yang menompik kuyuk ikau yang sepiyak, boyik am kepadoyo yang sepiyak yok. Jiko seuwangk mengamik jubah kau ajum ngidoh baju ikau yang laen gam. ³⁰ boyik kepado setiap uwangk yang mintok kepado ikau. jiko seuwang mengamik beeno yang menyadi umpuk kau, ajum mintok iyo untuk memulangk kepado ikau. ³¹ kati ubo ikau onak uwangk pemuloh kepado ikau, ikau hawus muloh yang samo kepado sidok. ³² Jiko ikau ungkoh menongih uwangk-uwangk yang mengasih ikau, apai upoh kau untuk yo? Sobab uwangk-uwangk bedoso pun mengasihi uwangk-uwangk yang mengasihi sidok. ³³ Jiko ikau memuloh pemait ungkoh kepado uwangk-uwangk yang bagak kepado ikau, apai uoh kau untuk yok? Sobab uwangk-uwangk bedoso pun memuloh hal yang samo. ³⁴ Jiko ikau ungkoh meginjamp beeno kepado uwangk-uwangk yan ikau arap mulang kepado ikau, apai upoh kau untuk tuk? Sobab uwangk-uwangk bedoso pun mengimjamp kepado uwangk-uwangk bedoso , dan ngawap untuk mulangk dalamp itong yang samo. ³⁵ Tetapi kasihilah musuh-musuh kau dan bebuat am bagak kepado sidok. pinjamp am kepado sidok, ajum poyonoh kwate untuk menapat balas apai pun, dan upoh ku akan menyadi bosa. Ikau akan menyadi anak-anak Yang mahotinggik, sobab Iyo kedeyik bagak kepado uwangk-uwangk yang abon panai beteyimok kasih dan uwangk-uwangk jahat. ³⁶ bemuwoh ati am, samo ubo apakkau adolah muwoh ati. ³⁷ Ajum mengakemp, dan ikau abon diakemp. Ajum ngoluh, dan ikau abon akan di koluh. ampont am uwangk laen, dan ikau akan di ampont. ³⁸ Boyik am kepado uwangk laen dan ikau gam akan di boyik gam. pemoyik dalamp itong yang bakoh-yang dipadatkan, yang diguncangk sampai melimpa-sidok semuo akan beyampoh ke pongkuh kau. Sobab dengan uko apai pun yang ikau gunokan untuk menguko, uko yang samo yok gam akan diguno untuk menguko ikau.'' ³⁹ Selanjot yok Yesus gam memodoh kepado sidok sebuoh peyempamo, ''Dapat bon seuwangk butok ngusok uwangk butok laen gam? Jiko iyo melakukannya, Sidok beduo akan jatuh ke dalamp lubangk, abon am ka biyok? ⁴⁰ Seuwangk muwet abon lobih hebat dayi guwuyo, tetapi setiap uwangk ketiko iyo menyelesaikan pelajayo akan menyadi ubo guwuyo. ⁴¹ Dan ngapai ikau mantau serpihan jerami di dalamp mato mpalo kau, namun ikau abon mempeyati balok kayu di dalamp mato ikau kedeyik? ⁴² kati ubo ikau dapat bejantoh kepado mpalo ikau.'' Ketiko ikau kedeyik bahkan abon mantau balo kayu dimato ikau kedeyik? Ikau uwangk pemulok! telobih olu amik am balok kayu di mato ikau kedeyik, dan seudodh yok ikau akan mantau dengan jolas untuk mengeluwa serpihan jerami di mato mpalo ikau. ⁴³ Sobab abon ado puhont yang bagak mengasel buoh yang abon bagak, juga abon ado puhont yang abon bagak mengasel buoh yang bagak. ⁴⁴ Sobab setiap puhont di konal menuwont buoh yang di aselkanyo. Sobab uwang abon mengumpolkan buoh ara dayi semak beyunak. ⁴⁵ Uwangk yang bagak dayi perbendaharaan ati yo yang bagak mengaselkan sesuatu yang bagak, dan uwangk yang jahat dayi perbendaharaan ati yo yang jahat mengaselkan sesuatu yang jahat. Sobab dayi keluwa ati yo am mulot beceyito. ⁴⁶ Go ngapai ikau nimpai aku, Tunhant, Tuhant' dan ikau agik abon menaati segalo hal yang aku podoh? ⁴⁷ Setiap uwang yang datangk kepadoku dan meningo pemodohku dan menaati sidok, aku akan memodoh kepado ikau ubo apai am iyo. ⁴⁸ Iyo ubo seuwangk yang memuloh sebuoh laman, yang mengali tanoh dalamp-dalamp dan memuloh keyangko laman yok pado batu yang toguh. Ketiko ayai bakoh, jalo ayai menyogangk laman yok, namun abon dapat nguncangk, kaeno laman yok udoh dipuloh dengan bagak. ⁴⁹ Tetapi seuwangk yang meningo pemodoh-pemodohku dan abon menaati sidok,iyo ubo uwangk yang muloh laman diatas tanoh tanpo dasa. Ketiko jalo ayai bakoh laman yok, laman yok pun yoboh dan laman yok yusak payoh.