¹ Yakng kumaksod, selamoa ahli warih yok anak biak, ioa bonsik bedoa dengan anak buoh walaupunt ioa adoalah ompuk segaloa hal. ² Ioa adoa di baboh kuasoa pengawas dan pengurus laman tanggok sampai waktu yakng udoh ditotap lagoa apok ah. ³ Beok gamp kitoa, ketikoa lagik anak biak,kitoa di perbudak lagoa roh-roh di dunioa tuk. ⁴ Akant tapi, ketiko ari gonap tiboa, Allah nyuruh anak ah, yakng laher dari seurakng betinok dant laher di baboh Ukump Taurat, ⁵ untok nobus sidok yakng ado di baboh Ukump Taurat supayoa kitoa dapat nerimok pengangkat uboa anak-anak ah. ⁶ Karenoa ikau adoalah anak-anak ah, Allah udoh ngutus roh anak ah ke dalamp ati kitoa, yakng nimpai,"Abba,Bapa." ⁷ Jadi, ikau bukant lagik anak buoh, tapi anak. Jikoa ikau adoalah anak, Allah nyuruh ikau jadi ahli warih ngelalu Kristus. ⁸ Sari, ketikoa ikau abont ngonal Allah, ikau adoalah budak dari hal-hal yakng padoa dasar ah bukant Allah. ⁹ Tapi, bituk, seudoh ikau ngonal Allah atau lobih topat di konal Allah, kati model ikau panai bebalik dengan Roh-Roh dunioa yakng lomoh dant bon begunoa? apaikah ikau onak di pebudu lagik? ¹⁰ kau ngerayoa atash ari-ari, bulant-bulant, peromoa-peromoa, dan tahunt-tahunt! ¹¹ aku golak onakng-onakng jorih payoh aku yakng udoh ku puloh untok kau menyadi sioa-sioa. ¹² Aku muhunt kepadoa ikau, mpaloa menyadik, jadi am uboa aku karenoa aku gamp udoh uboa ikau. Ikau udoh bersaloh kepadoa ku. ¹³ Ikau panai, padoa awal ah aku modoh injil kepadoa ikau karenoa podih tubuh yakng ku idamp. ¹⁴ Walaupunt kondisi tubuh ku berupoa uji untok kau, kau tidak ngehino atau menolak aku. Sebalik, ah ikau nyammut aku seolah-olah aku tuk malaikat Allah, uboa seakant-akant aku tuk Yesus Kristus yok kenirik! ¹⁵ Kati dengant berokat yakng kau isoa bituk? sobab, aku sari teh panai bersaksi tentakng ikau, kalau abon saloh, ncuit matoa kau dan morik ah untok kupunt kau reloa. ¹⁶ Apaikah bituk aku menyadi musuh ikau garoa-garoa modoh kebonar kepadoa ikau? ¹⁷ Urakng-urakng yok berusahoa napat kau, tapi abont dengan maksod yakng baik. Sidok onak abon ngirau ikau dengant ngarap ikau akant ngogok sidok. ¹⁸ Memang bagak jikoa selalu bersemangat muloh hal-hal yakng kegunoa ah bagak, dant bukant hanyoa ketikoa aku berotoa dengan ikau. ¹⁹ Anak-anak ku, demi ikau, aku reloa sekali lagik nangukng podih melaher sampai Kristus di nyatoa di dalamp ikau. ²⁰ Aku berharap, aku panai bersamoa dengan ikau bituk dan nguboh ingant ku garoa-garoa abih akal ngadap ikau. ²¹ Podoh ke aku, oi ikau yakng idup di baboh Ukump Taurat, apaikah ikau abon ningoa Ukump Taurat? ²² karenoa adoa tulih, Abraham adoa duoa anak lelaki; sikuk laher dari anak buoh betinok. ²³ Akant tapi, adoa dari anak buoh betinok di laher nunok dagikng, sedakng anak yakng dari betinok merdeka melaher ngelalu pejanji. ²⁴ Pantau amp kesoh tuk sebagai tandoa karenoa duo betinok yok nandoa duoa pejanji. Sutik adoalah pejanji dari gunung sinai dan ngelaher anak-anak buoh. Ioa adoalah Hagar. ²⁵ Bituk, Hagar nandoa gunung sinai di tanoh Arab, samoa uboa Yerusalem saat yok karenoa ioa Idup dalamp penyuruh berotoa anak ah. ²⁶ Akant tapi, Yerusalem yakng di atash adoalah betinok yakng merdeka, dant ioa adoalah umok kitoa. ²⁷ Karenoa adoa tulish, "senang am, hai betinok yakng mandul, yakng bonsik melaher. bejantoh dan ngemoa am, hai ikau yakng abon ngisoa podih melaher. Sobab, lobih banyak anak dari betinok yakng kenirik dari padoa betinok yakng adoa laki." ²⁸ Mpaloa-menyadik, ikau adoalah anak-anak pejanji uboa ishak. ²⁹ padoa saat yok, anak yakng laher nunok dagikng nyiksoa anak yakng laher nunok Roh, uboa yakng terjadi saat tuk. ³⁰ Akant tapi, apai yakng Kitab Suci podoh?"useram anak buoh betinok yok dengan anak ah karenoa anak buoh betinok abon akant menyadi ahli warish besamoa dengan anak betinok merdeka." ³¹ kareno yok, mpaloa menyadik, kitoa bukant lah anak-anak dari anak buoh betinok, tetapi dari betinok merdeka.