¹ Ajaran yang Totong Iken harus maajar tau hal-hal yang sasuai dana ajaran yang maam men. ² Burane yang toa en harus bisa manahan diri' na dari bea maam, dasegani tau ambat, bea mundah majari, sehat lalam iman, kasih dan tau yang bea malibak. ⁶ Maken tu'u boom, ira harus bisa manasehati tau yang muda en supaya ira bisa manguasai diri' na. lalam segala hal, diri'nu harus jadi taladan tau ⁷ lalam ai yang i pola en. Lalam maajar tau ipasalik kalau ikik tau yang maam dan disegani tau, ⁸ loloa' ta' harus totong bea bo pujuk na, supaya tau yang majari mandi ikik tanonong dan mawa' karna ira bea bisa manyalik sala' ta. ⁹ Hamba-hamba harus manurut mandi tuan na dalam ambat hal, berusahalah supaya tuan ta asa sau mandi kik. ¹⁰ Dae mangalit, tapi tunjukan diri' ta dapat ipacayak tau supaya dupan tau mamuliakan ajaran na Sampulo ta dana Juru Salamat ta'. ¹¹ Anugerah Sampulo yang mawa' ikik mandi kesalamatan jien pa dapan ta' bagi tau ambat, ¹² supaya ikik bisa manolak hal yang jaat ten pa suanen dan dupan ta' maam, adil dan saleh pada zaman ni'i, ¹³ samantara ikik maenang yang maam men pano' dana rajeki, Mondok dai Surgaen da Sampulo ta' yang Mara'a en, dan Juru Salamat ta, Kristus Yesus. ¹⁴ Yesus amin mamare' diri-Na bagi ikik kon tilinoen dan mambayar ikik dai tingkah ta' yang jaaten, supaya diri-Na manyiapkan Umat pilihan-Na yang rajin mamola yang maam men. ¹⁵ Ajar mandi tau ambat samua ni'i. Nasehati dan paringati tau dana samua wibawa nu'u. Supaya abo tau yang maremehkan diri' nu.