¹ Yesus Nampakan Diri ka Tujuh Murid-Nya Lakak nginak,Yesus nampakan dirik a agkk ka murid-murid-Nya ka samak dano Tiberas.Ia nampakan dirik-Nya dengan cara macam ngia: ² Simon Petrus,Tomas nang dinyabut Didimus,Natanael dari Kana ka Galilea,anak-anak Zebedeus,dan 2 murid nang lain gik bakumpul. ³ Simon Petrus bapadah ka ayungk'nga,"Aku maok ampus nangkap ikan." Ayungk'nga bapadah ka ia,"Kami maok ampus barata kao." Ayungk'nga samua ampus ka luar dan naek kanparahu,tapi malam nginak,ayungk'hga nanak nangkap ape-ape. ⁴ Pas subuh menjekang,Yesus badiri ka pantai,tapi murid-murid nanak naok kalok nginak Yesus. ⁵ Ia bapadah ka ayungk'nga,"Anak-anak,apekek kao ada ikan?" Ayungk'nga ngajawab,'Nanak." ⁶ Ia bapadah ka ayungk'nga"Tebarkanlah jala kao ka sabelak kanam parahu,dan kao maok namu." Pegak,ayungk'nga nyantangk jala,tapi nanak nariknya ka dalampt parahu barang manyaknya ikan. ⁷ Pegak nginak,murid nang dikasihi Yesus bapadah kanPetrus,"Nginak Tuhan!" Pas Simon Petrus nangar kalok nginak Tuhan,ia make pakeannya barang ia ngalapaskan bajunya pas ia karaja,dan tarajun ka dalampt dano. ⁸ Murid-murid nang lain atangk dengan parahu dan narik jala nang bisik dengan ikan.Barang,ayungk'nga nanakmjauh dari darat,jaraknya kira-kira 200 hasta,pas ⁹ ayungk'nga sampek ka darat ayungk'nga nelek bara api dengan ikan nang taletak ka atasnya gik roti ugak. ¹⁰ Yesus bapadah,"Babalah babarape ekok ikan nang baru jak kao tangkap." ¹¹ Simon Petrus naek ka parahu dan narik jala nang bisik dengan ikan ayak nginak ka darat,jumlahnya 153 ekok.Meskipun ikan nginak macam sanak manyak,jalanya nanak rantak. ¹² Yesus bapadah ka ayungk'nga,"Njek lalu makantlah."Nak soteklah dari murid-murid nginak barani batanyak ka Ia,"Sapekek Kao?"barang ayungk'nga naok kalok Ia nginak Tuhan. ¹³ Yesus atangk dan nangkap roti nginak lalu mereknya ka ayungk'nya.Macam mpia ugak dimuatnya dengan ikan nginak. ¹⁴ Ngialah katiga kalinya Yesus nampakkan diri ka para murid-Nya pas udah Ia dingabangkitkan dari antara urangk mati. Yesus Mintak Petrus Ngambalakan Domba-Domba-Nya ¹⁵ Pas udah ayungk'nga lakak makant,Yesus bapadah ka Simon Petrus,"Simon,anak Yohanes,apekek kao ngasihi Aku labih daripada samua ngia?" Petrus ngajawab,"Batol Tuhan,Kao naok kalok aku ngasihi Kao." Lakak nginak,Yesus bapadah ka ia,"Gembalakanlah domba-domba-Ku !" ¹⁶ Yesus bapadah agik untok kadua kalinya ka ia,"Simon,anak Yohanes,apekek kao ngasihi Aku?" Petrus ngajawab," Batol Tuhan,Kao naok kalok aku ngasihi kao." Yesus bapadah ka ia,"Gambalakanlah domba-domba-Ku!" ¹⁷ Yesus bapadah ka ia untok katihga kalinya,"Simon,anak Yohanes,apekek kao ngasihi Aku?" Hati Petrus jadi kasal barang Yesus batanyakuntok katiga kalinya,"Apekek kao ngasihi Aku? Lalu,Petrus bapadah ka Ia,"Tunam,Kao naok sagala sasuatu.Kao naok kalok aku ngasihi Kao!" Yesus napadah ka ia,"Gembalakanlah domba-domba-Ku! ¹⁸ Aku bapadah nang sasungguhnha ka kao,pas kao muda,kao sorang nang ngikat pinggang kao dan bajalant kamame pun kao maok;tapi pas kao jadi tua,kao maok ngarentangkan kokot kao dan urangk lain maok ngikat pinggang kao,dan maba kao ka tampat nang nanak kao maok." ¹⁹ Yesus bapadah hal ngia untok nunjukkan dengan kamatian macam apekek Petrus maok mamuliakan Allah.Dan lakak bapadah hal nginak,Ia bapadah ka Petrus,"Ikutlah Aku!" Ape nang ,aok Tajadi dengan Murid nang Miah Dikasihi Yesus? ²⁰ Petrus noleh dan nelek murid nang miah dikasihi Yesus atangk ngikuti ayungk'nya.Ia nginak murid nang duduk samak dada Yesus pas perjamuan malqm dan batanyak,"Tuhan, sapekek urangk nang makk ngianati Kao nginak?" ²¹ Pas nelek ia,Petrus batanyak ka Yesus,"Tuhan macam mane dengan ia?" ²² Yesus ngajawab,"Seandainha Aku maok ia tetap hidup sampe Aku atangk agik,ape urusan kao?Kao,ikutlah Aku!" ²³ Pegak,pakataan Yesus ngia tasebar ka antara sodara-sodara nginak kalok murid nginak nanak maok mati,padahal Yesus nanak bapadah ka ia kalok ia nanak maok mati,malainkan hanya bapadah,"Seandainya Aku maok ia tetap hidup sampek Aku atangk agik,ape urusan kao?" ²⁴ Ialah murid nang basaksi tentang samua ngia,dan dirik nanak naok kalok kasaksiannya nginak batol. ²⁵ Masih ada manyak hal lain agik nang udah Yesus lakukan,nang kalok ditulis sotek sotek,aku rasa saluruh dunia ngia pun nanak maok cukup untok samua kitab nang harus dinulis nginak.