Yohanes Nyono'k lulu tentakng Kitab tia ¹ Penyataan so'k Yesus Kristus, di'k niminyu'k Punopo'k nganu Diapm nya'k niniju'k nganu balo hamba-Diapm tentakng hal-hal di'k segra harus terjadi. Yesus Kristus minyu'k penyataan tia so'k malaikat-Diapm nya'k nado'k sano'k nganu Yohanes, hamba-Diapm. ² Yohanes jeh jodi saksi firman Bai Punopo'k ngan Yesus Kristus gi'kng, no'k sugalah sesuatu atau koyuh di'k ni diapm honong. ³ Niberkatilah nyo di'k maca nya'k caho di'k hogas firman nubuatan/gambaran/ramalan tia ngan niberkatilah gi'kng balo di'k ngopikng ngan ni kodi oniah di'k ninulis no'k wahng, karna waktu jeh soma'k. Salapm yohanes nganu ku ju'k Jemaat no'k Asia ⁴ So'k Yohanes, nganu ku ju'k jemaat di'k biatn no'k Asia. Anugerah ngan damai sejahtera nya'kmu'k so'k Diapm di'k Odiah, Di'k jeh Odiah, ngan Di'k acapm Moni'k; sohoto so'k ku ju'k roh di'k odiah no'k joi tahta-Diapm, ⁵ ngan so'k Yesus Kristus, Saksi di'k setia, di'k punojih bangkit so'k antara nyo kobe'k ngan Penguasa atas raja-raja no'k bumi. Bagi Diapm, di'k mengasihi diap ngan lopas diap so'k dosa-dosa diap ngan doyo'k-Diapm, ⁶ ngan jeh nyodi diap jodi nyi'k haja, imam-imam bagi Bai Punopo'k ngan Ma-Ng, bagi Diapmlah kemuliaan ngan kekuasaan sapai koti-kotihan! Amin* ⁷ Hanonglah, Yesus Moni'k ngan Homa-homa, (awan-awan), ngan motih acapm honong Diapm, bahkan balo di'k jeh ninicua'k nganu-Diap ; ngan semua bunuo nok bumi meratap karna Diapm. Oi, acapm ho'k jodi! Amin. ⁸ " Ku'k adalah Alfa dan Omega Putn ngan Kumisi'kng , firman jatoh Bai Punopo'k, di'k odiah, di'k jeh odiah, ngan Di'k acapm Moni'k, Di'k Mahakuasa." Puhonong Yohanes ngau Na'k Sio ⁹ Ku'k, Yohanes, posi'k ngan jalahmu'k di'k monu tua no'k wah owadi'k kai bai'k, wah Kerajaan, ngan kuapig di'k no'k Yesus, monai no'k pulau di'k niyono'k Patmos karna jatoh(firman) Baipunopo'k ngan kesaksian Yesus. ¹⁰ Ku'k ninguasai Roh* pada Onu Punopo'k, ngan Ku'k ngopig caho nyahikngso'k konaku'k nyung caho trompet, ¹¹ di'k nyono'k, Tulisngan semua koyuh di'k mu'k honong no'k wah sebuah buku'k cihipm ngan nganu ju'k jemaat: Efesus, Smirna, Pergamus, Tiatira, Sardis, Filadelfia, ngan Laodikia." ¹² Lalu, ku'k ngele'kng nya'k honong caho di'k ngomong nganuku'k. Ketika ku'k ngele'kng, ku'k honong ju'k kojo'k dian emas, ¹³ ngan no'k hopuat-hopuat kojo'k dian han, ku'k honong nyo nyi'k kunan mah Na'k Sio,* nginya'k jubah sapai nganu kojo'kng ngan nyi'k buah selempa'kng omas no'k isua'k-ng. ¹⁴ Ba'k ngan buhuba'k-Ng mopu'k mah buhuh domba, semopu'k salju; ngan motih-Ng mah jilau opi. ¹⁵ Kojo'k-Ng bukilat mah tembaga di'k bubaho'k wah opi ngan caho-Ng mah gugut pi'k bah. ¹⁶ No'k tongan touh-Ng, Diapm migitn ju'k cubita ngan so'k tukua'k-Ng kuluar nyi'k buah poda'kng hojo'k bumotih du, ngan joi-Ng bucahaya mah motih onu di'k torik. ¹⁷ Libo ku'k honong Diapm, ku'k hobu'k no'k kojo'k-Ng mah nyo kobe'k. Namun, Diapm toba'k tongan tauh-Ng ke omuku'k ngan bujatoh, " Yo'k gola'k; Ku'klah Di'k Tojih ngan Di'k Kumisikng, ¹⁸ ngan Di'k Midiap. Ku'k jeh kobe'k, tetapi hononglah Ku'k midiap sapai selama'k-lama'kng, ngan Ku'k migi'tn kunci maut ngan kunci Hades ¹⁹ Nihan tih, tulisngan hal-hal di'k jeh ni mu'k honong, dan hal-hal di'k terjadi tia dan hal-hal di'k akan terjadi di'k jehho. ²⁰ Tia lah rahasia tentang ju'k kojo'k dian emas hane. ju'k ci'kbita han adalah para malekat so'k ju'k jemaat; dan ju'k kojo'k dian han adalah ju'k jemaat."