¹ Di'k ku'k maksud, sulamak ahli waris han bayu nak nadik, Diapm kadiah laing,k ngan kuli walaupun Diapm han adalah pu'k sumua. ² Diapm ponai nok sigan't kuasa pengawas ngan pengurus homing sampai waktu di'k jeh nih Pak'a nyonok. ³ Mahan gi'k ngan yah, libo agik nadik, yah nih nguli ngan Roh-Roh dunia tia. ⁴ Mahan gik'i, libo onu penggenapan monik, Baipunopok ngirim nak'a, di'k losiat so'k nyo dayua perawan ngan losiat no'k sigant Hukum Taurat, ⁵ nyak nobus nyo di'k odiah no'k sigant Hukum Taurat supaya yah dopit himok pengankatan subagai nak-nak-Diapm. ⁶ Karna mu'k adalah na'k-na'k-Diapm, Baipunopok jeh ngadok Roh nak-Diapm kanu wah oti yah, di'k ni mangel,"Abba,Bapa." ⁷ Jodi, mu'k kai agik kuli, tapi na'k. La'k mu'k adalah na'k, Baipunopok jodikan mu'k ahli waris so'k Kristus. yo'k ninguli agik oleh Roh-Roh dunia. ⁸ Hamis'e, libo mu'k kai kinal Baipunopok, mu'k adalah kuli so'k pungodi di'k libo han kai so'k Baipunopok. ⁹ Lak'a, tiaa, jeh mu'k kinal ngan Baipunopok atau lobiah oduk nih nginal kanu Baipunopok, makiah mah'a la'k m'uk boliak agik kanu roh-roh dunia di'k lomah ngan kai buguno? ¹⁰ Mu'k nyalant perayaan so'k onu-onu,buhant-buhant,masa-masa,sowok-sowok! ¹¹ Ku'k golak yo'k-yo'k kihija ku'k di'k jeh ku'k kodi nyak mu'k jodi sia-sia. ¹² ku'k mitok kanu mu'k, posik-posik, jodilah ngayok ku'k gik'i jeh jodi nganyok mu'k. Mu'k kai tosat kanu ku'k. ¹³ Mu'k tauk, libo tijih'i ku'k nyonok Injil kanu mu'k karna monamp wua'a di'k ku'kkinamp. ¹⁴ Omant wua'a ku'k ti'a merupakan ujian nyak mu'k, mu'k kai mengina ngan menulak ku'k. Subalingk, mu'k nyamut ku'k seolah-olah ku'k tiaa malaikat Baipunopok, seakan-akan ku'k ti'a Yesus Kristus hanee! ¹⁵ Makiah ngan berkat di'k mu'k kinamp ti'a? nyak'a, ku'k tauk busaksi tentang mu'k hamis'i, la'k han, ngucial motih mu'k ngan nyiluk'u kanuku'k pun mu'k rela. ¹⁶ oniah kah ti'a ku'k menjodi musuhmu'k karna nyonok di' oduk kanu mu'k? ¹⁷ Balonyo han buusaha dopitmu'k, tapi kai ngan owa di'k bai'k. balonyohan lua mengosar mu'k ngan harapan mu'k akan mogau balohan. ¹⁸ Sigik oduk la'k sulalu sumangat hijang'i hal-hal dik butujuan bai'k, ngan kai hanya ketika ku'k nganmuk. ¹⁹ Na'k-na'kku'k, demi mu'k, kuk rela sukali agik menangongk monamp losiat sapai Kristus ninyonok wah mu'k. ²⁰ Ku'k buharap, ku'k tauk nganmuk ti'a ngan ngubah nada cahoku'k karna ku'k mosik akal mengadap mu'k. Hagar ngan Sara subagai Contoh ²¹ Sanok'ngan kanuku'k, hay mu'k di'k lua midiap nok sigant Ukum Taurat, oniahkoh mu'k kai ngopingkan Ukum Taurat? ²² Karna biant ninulis, Abraham pu'k du na'k dahi; nyik losiat so'k nyo dayua kuli, ngan di'k nyik gi'k so'k dayua mona(merdeka). ²³ tapi han, na'k so'k dayua kuli han nilosiat nganyok daging'k, pudahal na'k di'k so'k dayua mona nilosiat so'k perjanjian. ²⁴ Hononglah cihito ti'a subagai simol di'k du dayua ti'a tana du janyi. Nyik han janyi so'k dohik Sinai ngan losiat na'k-na'k ninguli. Diapm han Hangar. ²⁵ Ti'a, Hangar melambangkan dohik Sinai no'k poyok Arab, sama'h ngan Yerusalem libo ti'a karna diapm midiap wah nguli busama na'k-na'kDiapm. ²⁶ Tapi han, Yerusalem di'k no'k somu hanlah dayua dik mona, ngan diapm hanlah nong'k yah. ²⁷ karna bian't ninulis, "Busonanglah, hai dayua di'k mana,ngan kai losiat na'k. pa'u ngan busoraklah hai mu'k di'k kai kinamp monamp losiat na'k. sobab, lobiah obia so'k dayua di'k tidiap so'k dayua di'k biatn bohih'i." ²⁸ posik-posik, mu'k hanlah na'k-na'k pujanyi mah Ishak. ²⁹ Libo han, na'k di'k losiat nganyok dagingk nyohok na'k'a di'k losiat nganyok Roh(minu), mah di'k tiang'a. ³⁰ tapi han, oniah di'k Kitab Suci nyonok? "ngamok-ngan dayua kuli han ngan na'k'a karna na'k dayua kuli han kai akan jodi ahli waris busama ngan ndak dayua merdeka(mona)." ³¹ karna han, posik-posik, yah kailah na'k-na'k so'k dayua kuli, tapi so'k dayua merdeka(mona).