Paulus ningakuk oleh Para rasul ¹ Pat bolas sowok paji, ku'k boliak agik kanu kota Yerusalem ngan Barnabas ngan matn Titus nganku'k. ² ku'k obu karna suatu punyataan ngan nyak nyelaskan kanu datn tentang Injil di'k ku'knyonok no'k tudok nyo-nyo kai Yahudi. namun't, ku'k hijang'i wah pudopit todiap, han ngan balo di'k bupungaruh nyak masting'i bahwa oniah di'k niku'k hija kai sia-sia. ³ Bahkan, Titus, di'k nganku'k, kai harus nihoyatn walaupun diapm hanlah nyo Yahudi. 4 Hal tia jodi karna odiah posik-posik lakar di'k ponai-ponai namok ngan nyusup nyak mata-matai kebebasan di'k yah pu'k wah Yesus Kristus supaya yah nimatn boliak kanu kuli. ⁵ tapi han, mi'k ngok tunuk kanu nyohan sunogal pun supaya injil di'k oduk totap ponai wah mu'k. ⁶ Namun, so'k nyo-nyo di'k bupungaruh han, di'k kedudukan diapm kailah pontengk nyak ku'k karna Baipunopok kai mbeda-bedakan, nyohan kai noduk oniah-oniah nyak ku'k. ⁷ Subalik'ng, nyohan honong bahwa kanu ku'k jeh nipucayak Injil nyak nyo-nyo di'k kai nihoyatn, sama ngan Petrus di'k nipucayak Injil nyak nyo-nyo di'k nihoyatn. ⁸ sobab, Diapm di'k jeh kihija so'k Petrus nyak jodi rasul so'k nyo-nyo nihoyatn, Diapm juga kai monik rasul so'k nyo-nyo kai Yahudi. ⁹ Setelah Yakobus, Petrus,ngan Yohanes, di'k nimandang subagai saka guru nyak umat di'k sadar anugrah di'k ninyiluk nganuku'k, nyohan nyiluk tongan touh sukutu kanu Barnabas ngan kanu ku'k supaya mi'k obu kanu nyo-nyo kai Yahudi, sedangkan datn obu nganu nyo-nyo di'k busunat. ¹⁰ Datn hanya mitok mi'k nyak sinyiatn kanu nyo-nyo musiketn, nyik hal di'k ku'k todiap sangat busumangat nyak nihija. Paulus nyonok kutosat Petrus ¹¹ Tapi han, libo Kefas monik no'k kota Antiokhia, ku'k terakng-terakng nota karna jolas sukali diapm busalah. ¹² karna libo guatn nyo-nyo tertentu sok Yakobus monik, Kefas jeh biasa duak busama nyo-nyo kai Yahudi. Namun, libo datn monik, diapm nojih togak ngan misah opuk karna golak kanu kulompok nyo di'k busunat ¹³ Nyo-nyo Yahudi di'k laikng ngajek munafik busamanga, bahkan Barnabas pun monyamp oleh kemunafikan nyohan. ¹⁴ Libo ku'k honong bahwa nyohan butindak ka'i sejalan ngan kebeneran Ijil, maka ku'k nyonok kanu Kefas ni no'k jowi sumua nyo, "La'k mu'k nyo Yahudi midiap mah nyo kai Yahudi, makiahmah mungkin mu'k maksa nyo kai Yahudi nyak midiap mah nyo Yahudi?" ¹⁵ yah hanlah nyo-nyo di'k nilosiat subagai bangsa Yahudi ngan kai nyo-nyo budosa so'k bangsa kai Yahudi. ¹⁶ Namun, yah tauk bahwa kai nyikunan pun nioduk karna hija Ukum Taurat, melaingkan so'k iman wah Yesus Kristus. bashkan, yah gi'k'i jeh pucayak kanu Yesus Kristus supaya yah nioduk oleh iman wah Kristus, kai karna hijakan Ukum Taurat. sobab, kai nyikkunan pun nioduk karnahija Ukum Taurat! ¹⁷ Tapi han,semetara yah buusaha nyak di'k oduk wah Kristus, yah dopit diri yah juga budosa, oniahkah buarti Kristus hanlah pulayatn dosa? tentu kai kan! ¹⁸ La'k ku'k mokatkan kembali oniah di'k jeh ku'k nguhak, ku'k buktikan bahwa ku'k hanlah nyo pelanggar ukum. ¹⁹ sobab, sok Ukum Taurat, ku'k jeh kobek nyak Ukum Taurat supaya ku'k dopit midiap nyak Baipunopok. ²⁰ Ku'k jeh ninyalib ngan Kristus. Kai agik ku'k di'k midiap, melaingkan Kristus di'k midiap wah ku'k. Midiap di'k tia kumidiap wah daging'k hanlah midiap oleh iman wah Na'k Baipunopok, di'k ngasih'i ku'k ngan jeh telah nyiluk diri-Diapm nyak ku'k. ²¹ ku'k kai bakalkan anugrah Baipunopok karna la'k omatn monik so'k Ukum Taurat, sia-sialah Kristus kobek!