1
Baha ta krikanka ba wina, yawan walansa, yawan kaikan wan nakra nani wal, naiwa wan mihta nani wal alkisa, baha aisanka kata ba, raya kaya bila.
2
Baku sin naha bilana, rayakaia bila, takan kaikisa wan nakra wal. An yawan witin witniska aisi so, yawan nani aisuya witin nani ra raya bankaia bila, aisa wal kan ba nanara yawan nani ra Param takan.
3
Bamna yang nani dia kaikri an walri ba, baha tanka, man nanina klir asisna, las kat manani ba sip kama asliki kaya. Yawan wan aslikaba aisa wal, an luhpia Jisas Krais wal.
4
Ba mita, mayulbi banhwisna naha nani dukia sut wan auya pâh laka briba ba, pitka kat kabia.
5
Bahamna naha smalkanka Jisas wina walri ba, yang man nanira mai Smalkisna: Dawan ba igni sa witin ra tihmu apu sa.
6
Yawan ba, Dawan wal asla sa aisisa, sakuna tihmu tilara taukisa, yawan ba, kunin aisisa, alki daukras drara kasak paitra iwras.
7
Sakuna ya ingnira wapiba, Jisas baku ingnira sa, wan walka wal asla brisa, Jisas Krais talia ba mita, sikbri klin wan daukisa, wan saurka sutba.
8
Yawan wibia saurka kumi sin apu, silp wan winara kuni munisma, kasak ka laka ba yawanra apusa.
9
Wan saurkam dahra aisabia kaka, Jisas ba kasak sa, an suhnu sa wan saurka suih tikaia, klin daukisia, Taski sut ba klin daukisa.
10
Yawan nani sui saura daukra wibia kaka, yawanba kunin kira takisa Jisas mawanra, kan Dawan bila ba yawan ra iwras sa.