¹ Josue chiminin piquëran, Israel ninanoso, sinioro natanatona, itapona. ¿Incari'tonta cananeoro'sa ahuëapona quiya marë, inapitaro'coi ni'ahuëcahuaiso, marë? ² Sinioroso, tapon: Judariton ahuëapon, tënin. Isërahuarë quëtarahuë ina no'pa, apaicaiso marë. ³ Juda' quëmapi'saso, itapona,Simeon piyapinënpita, naporahuaton, I'inpitanta. Huëco quiyaquë, no'pa quëtërinënpoaquë,napopianchin pa'atëhua Cananeoro'sa ahuëcaso, marë. Quiyanta inapochachin, canpitaro'coi, pasarai. Inso no'paquësona, aparinëmaquë. Inapochin nicatona, Simeon huëntonso inapitarë, panin. ⁴ Inapoatona Juda' quëmapi'saso, ahuëtopi. Yosëri na'con catahuarin Cananeoro'sa ahuëcaiso, marë. Naporahuaton, Ferezeoro'santa. Shonca huaranca pochin inahuaso tëpapi Bezec, itopiquë. ⁵ Adoni Bezec,Bezecquë chachin, quënanahuatona, inapitarë niahuëpi, ahuëatona Cananeoro'saso, canapi, naporahuaton, Ferzeoro'santa. ⁶ Nipirinhuë Adoni Bezecso ta'arin, ta'apirinhuë imatona, ma'pi. Macatona ya'ipi imira imisërain, yaquitopi, nantëonta, inapotopi. ⁷ Naporo Adoni Bezecso, tapon: Canchisë shonca hua'ano'sa, incarisona imira imsërain, nantëquë, yashitëtopiso. Cosharonëna yontonapona, ca misanëhuë, pënatëran. Onpoinsona ca, ninahuë. Inapochachin yosënta ca'arë,nisarin." Inaquëran Jerusalenpa quëpapi, inaquë chiminin, huachi. ⁸ Juda' piyapiro'saso Jerusalen ninano ahuëatona, minsëpi. Ispata inëshin nininquë ahuëpi, inaquëran, ahuiquitopi. ⁹ Ina piquëran Juda' quëmapisaso pamantapi, cananeoro'sa ahuëcaiso, marë. Naporo inahuaso ya'huësapi, ana tananquë Neguev, itopiquë. Pi'i ya'coanpaso parti, motopia'huaquë. ¹⁰ Inapoatona Judaro'saso na'con na'con, nisapi, Cananeoro'saquëran quëran, Hebronquë, yahuëpisopita. Ira'caso Hebronso nohuitatona itopi, Quiriat Arba itopi. Inahuaso minsëpi, Sesai, inaquëran Ahiman, inaquëran, Talmainta. ¹¹ Ina quëran huarë, Juda' quëmapi'saso, niahuëpiso, na'con, na'con apancatapi Debir ninano, piyapi'sarë. Debir ninanoso, ira'ca nohuitatona itopi: Quiriat Sefer, itopi. ¹² Calebso, tapon: Incarisona ahuëaton Quiriat Sefer ninano cana huachin, huinahuë, Quëtarahuë. sa'in nicacaso marë, tënin. ¹³ Otonielso nipirinhuë Quenaz huinin, ( inaso Caleb iya'huain, nininso. Inari Debir ninanoso, ahuërin. Inapohuachina, Calebriso huinin, quëtërin. Acsa, sa'in nicacaso marë. ¹⁴ Naporo chachin Acsaso, Otonielquë, nicanin. Nicanahuaton inariso, manotërin Pa'pin no'pa natanacaso, marë. Co huara inaso, Asno quëran nohuarayatësohuë Calebriso, natanin. ¿Maquëta catahuainquë?itërin. ¹⁵ Acsaririso, itapon: Quëtoco nosororancoso. Nani no'paso quëtëranco, Neguevquë ya'huëcaso, marë. Inaquëran quëtantaco, I´sha no'pa, quëran pipirinso, chachin. " Napotohuachin Calebriso quëtërin, pëtëtëran, pë'natëran quëran huarë. ¹⁶ Ceneo shimashonënpitaso Moisësë, misën, mashonën. Palmas ninano,Juada' ninanorë chachin, pa'pi, Juda' inotëronënquë. Insëquësona Neguev itopiquë. Juda' ninanorë yahuëcaiso marë Arad, ya'cariya. ¹⁷ Juda' quëmapi'sa'so pa'pi Simeon piya'pinënpitarë, cha'chin. Naporahuaton, I'inta. Inapoatona ahuëpi Cananeoro'sa Sefatquë ya'huapisopita ya'ipi, tiquipi. Ninano ninënso Horma, itopi: ¹⁸ Inapochin Juda' ninanonta huanitopi, Gaza ahuëcaiso marë, ya'ipi, nopanënta Inapochachin Ascalonta ya'ipi nopanënë, cha'chin. Inapochachin Ecronta ya'pi no'panënë, chachin. ¹⁹ Juda' ninanoso nipirinhuë yosërë cha'chin nisarin, napoaton na'con, catahuarin, ina no'pa tananosaquë ahuëcaiso, marë. Nipirinhuë co nanitopihuë ocoicaiso ina, nopaquë, ya'huapiso. Inahuaso, na'con na'con yahuëtopi toronan huanaquëran nininso, napoaton co nanitopihuë. ²⁰ Moisësë naporinso cha'chin, Calebso Ipron quëtopi.Calebso inaquëran ocoirin, cara hua'huaro'sa, Anac, hua'huinpita. ²¹ Nipirinhuë Benjamin ninanonënso co ocoipihuë, jebuseoquë, Jerusalenquë, ya'huapiso. Inapoatona jebuseoro'saso, ya'huësapi Bejamin ninanoquë, cha'chin. inapochachin Jerusalen quënta , ipora tahuëriquë huarënta, ya'huërapi. ²² Jose hui'ninpita, quëmopinënpitarë cha'chin noya ni'acopi, Betelquë ya'huëpisopita ahuëcaiso, marë. Naporo yosë nënanta inahuarë cha'chin, nisarin. ²³ Inahuaso, piyapinënpita apa'pi, Betel ninano nohuintacaiso, marë. ( Ira'ca cha'chin ninanoso nohuitatona Luz itopi. ²⁴ Naporo apaitonapiro'saso ana quëmapi, quënanpi ninano quëran, pi'pisarin. Quënanahuatona, itapona. "Onpopi'onta anotocoi, onpo ya'contahuaisona, ninanoquë. Nipirinhuë quëmarëcoi nicapoi, ninosorocaso. ²⁵ Napotohuachinara, inariso i'ra anotërin,ninanoquë, ya'coninso. Inapoatona inahuaso ninanoquë yahuëpisopita ahuëatona, tiquipi. ²⁶ Nipirinhuë, ina quëmapiso tanapitopi ya'ipi quëmopinënpitarë cha'chi pacacaiso, marë. Inaquëran, quëmapiso Hititaro'sa nopanënapa, panin. Inaquënta ninano ocoi'aton Luz itërin, nohuitaton. Ina nininso ipora tahuërinta ina chachin, nisarin. ²⁷ Manases ninanoso nipirinhuë, co piyapi'sa ocoipihuë Bet Sean, ninanoquë, ya'huapiso. Inapocha'chin ninanoahuaro'santa ya'cariya, ya'huëpisonta.Inapochachin Taanacquënta ya'ipi ninanoahuaro'sa,nënpita. Inapochachin Dorquënta ya'ipi, ninanoahua nënpita. Inapochachin, Ibleamquënta ya'huapiso pitanta ya'ipi, ninanoahua nënpita. Inapochachin Meguidoquë ya'huapiso, pitanta. Ya'ipi ninanoa'huanën pitarë,cha'chin. Napoaton Cananeoro'santa, ya'ipi nohuantopi ina no'paquë, ya'huëcaiso. ²⁸ Inapoatona Israelsaso, chiniquën nitona, Cananeoro'sa, camaipi. Chiniquën sacatatona catahuacaiso, marë. Nipirinhuë co onporonta ya'ipi cha'chin, a'papihuë. ²⁹ Efrainso, Cananeoro'sa co aparinhuë Gezer, ya'huapisopita. Napoaton,Cananeoro'saso inapitarë cha'chin Gezerquë, ya'huësapi. ³⁰ Zabulonosa co piya'pisa aparinhuë Quitronquë, ya'huapisopita. Inapochachin Naalarquënta, ya'huapiso. Inapochachin Cananeoro'santa inapitarë cha'chin, ya'huapi. Nipirinhuë Zabulono'sa Cananeoro'sa, camairin chiniquën sacatatona catahuacaiso, marë. ³¹ Aserso, co piyapi'sa aparinhuë, Aco ninanoquë, ya'huapisopita. Inapocha'chin Sidon ninanoquë, ya'huapisopitanta.. Inapocha'chin, Ahlab, Aczib, Helba, Afec, inaquëran, Rehob. ³² Inapochin Aser huëntonso yahuëpi Cananeoro'sarë. (ya'ipi ina no'paquë yahuëpisopita) inahuaso co apapihuë, ni'ton. ³³ Neftali' huëntono'saso, co piyapi'sa a'papihuë, Bet, Semesquë ya'huapisopita. Ina´pochachin, Bet Anatquë, ya'huapisopitanta. Inapochin Neftali' huëntonso ya'huërapi, Canano'sarë.( Piyapisaso ina nopaquë yahuapisopita). Ina nicaponahuë, piyapiro'saso, Bet, Semes, inaquëran Bet Anat inaquë yahuëpisopita, camaipinan chinquën asacatapi, Neftali' marë. ³⁴ Dan huëntono'saso Amororosari, camairin, ana tanan no'paquë ya'huëcaiso,marë. Naporahuatona, co quëtopihuë, pamacaiso canonamatëquë, co nara, yahuërinquëhuë. ³⁵ Ina pochin, Amororo'saso ya'huërapi a'na, tananquë,heres, itopiquë, inaso, Ajalonquë, naporahuaton, Saalbimquënta. Nipirinhuë Jose sontaro'nëpitariso ahuëpi. Inahuariso chiniquë camaipi, sacatatona inapita catahuacaiso, marë. ³⁶ Amororo'sa nopanënso motopiahua tachin, iranën, Acrabim quëran panin, inaso Selaquë. Ana tanan niconinpa.