¹ Kwo okubha ndenda kunenye kyego mbwiini enyako enzaru kuunemwe, kuubharya bha Laodokia na bharya bhoosi bhakyari kundora obhusho bhane kwoomobhere. ² Ndahokya emerimo emetina gyabho gyigwer kisi kuukuzya hamwi no obhusegani no obhani bhoosi bhoobhwaru bhwoo bhuhika bhwa amang'eeni kwookwimenya embiseyoobhuheene bhwe Eriobha neweKristo. ³ Kunewe ebhigiro bhyoosi bhye amang'eeni mbebhebhisirwe ⁴ Ndahaya ego ataza mwutu wowosi kubhakorere obhung'eening'eeni kuu obhuganuribwa amang'ana, ⁵ Ningabha ntaraho igate wenyu kwo obhuhiri, nawe ndeo na nemwe kw mukoro. Ndingwa kisi kurora kyego mkugya bhuzmure ezinguru zya amikiririo genyu ku Kristo. ⁶ Kyego namhiriri Tatabhugya Kristo mugende kunewe. ⁷ Mtorwe amanaga kuneewe, mwombokwe kunewe mtorwe amanaga mumikiriryo nkyego mwengirwe no okubhohwa kwo mukumo omwaru. ⁸ Murore omuutu wundi wowosi atabha gwatya kwobhung'eeni bhwa amaang'ana amahoro go ororumi kuring'ana na amitabhirirye ga abheetu, obhureng'anera bhwa ezisi bhuno bhutari obhureng'anira na Kristo. ⁹ Kwu ukubha kuneewe obhuhika bhoosi bhwe Eriobha bhurikara kumubhiri. ¹⁰ Na nemwe mwizuuri kuneewe. Ewe ni mutwe gwee gywa amanga goosi geezinguru. ¹¹ Kuneewe kweki mkasarwa kusaro yeno atakorirwe nomuutu kwakurushibhwa noomubhiri gwe enyama kwookubha niobhusarwa bhwe Kristo. ¹² Mukabhiikwa hagiro hamwe kwo obhubatizo. kwenzira ya amikiriryo kumanag ge Eriobha, wuno yaryokirye kureka kuubhaku! ¹³ Hamo mwari mkuuri kuumasarya geenyu no kwanga kusarwa emibhiri gyenu, akabhaharya hamwe na neewe, nookutuzabhura amasarya getu gosi go. ¹⁴ Atariku amahiityo ga amasiiri gano gandikirwe, amerekenio ganogaari amabhihu kuneetwe. Akagarusha goosi nookogha temeera msarabha. ¹⁵ Akazirusha amanga neezinguru. Akagatuura mwasi kubha noumweya ghwo obhunagya kwu munzera yoomusarabha gwaye. ¹⁶ Kwuukubha, omuutu wowosiigo atabhasinzira emwe kuukurya nookunywa, kwo zisiko zye zisigukuru zye esabhaato. ¹⁷ Beno ne ebhiizuruuru bhya amang'ana gano gakuuza, nawe obhwemero Nkristo. ¹⁸ Omuutu wowse bhatamurusha obhusamberwa bhwaye kwokughongerwa obhusuuke bhwa omasabhi ge maraika, omuutu wa temiyoarasikera kumang'an gano aruzi nookugamberwa na amisego go mubhirigwaye. ¹⁹ Ewe atakugwatiira omutwe. kureka kwomutwe kwokubha kuhitira kwebhimo bhyo omubhiri goosigo ebhimo bhyaye na amaguha garagwa taribhwa kwohamwe garakura kwo obhukuru bhuno bhurekiri kwi Eriobha . ²⁰ Kwego mkakwa na Kristo kwuteeno ye kyaro, ndora mriikara no kohokya mukyaro: ²¹ ''Mutagwata, no kumeesa, no kugwataku''? ²² Gano goosi gamurwe kwuukubha obhusarya bhuno bhukuya go kuhokeerya, kukurwa kuneerekeryo gogokubhurwa no omutu. ²³ Amikumiriryo gano go obhung'eeni mwisengero zyenu zikorwe kwuzyene no obhusuki ne nyako yomubhiri zitana obhera bho bhugongiri bho omubhiri.