¹ Otaza kumurekya omusbhe omukaruka, muturire erigina munda kyausowenyu obhaturire erigina munda abhaana bhaheekisubhe kyabhahiiri bhaazo. ² Obhaturiire erigina abhakekuuru kyabhanyoko wenyu, naabhakari abhasuhu kyabhasubhati bhaazo kubhiroosya bhwaabhu. ³ Mubhasuke abhakweerwa, bhano bhakwererwe heene hena. ⁴ Aribha omukweerwa anaabhana abhakuru bhatige singa bege okusuka abhatu abhatu bha muwaabhu abheene. Bhatige bhariihe abhibhuuri bhaabhu amazomu. kwookubha gaago garazomeera Tatabhugya. ⁵ Omuguumba we hene hene riuno atigirwe omwenego. aturiri obhurage bhaaye Kutatabhugya kuzisiku zyoosi obhutikunoomwisi arikaririra amasabhi. ⁶ Kwego omukari wuno akwikara kwa amabhihu akuuri, yangabha muhooru. ⁷ Ogakerenerye amang'ana ganobhataza naamasooro. ⁸ Omutu wuno atarihiiri abhahiiri bhaye kuubhano bhari munyumba bhaaye yangiri obhuheene noomubhi kukira omutu wuno akyari kwikirirya. ⁹ Omukari akamwe mumubharo kama mukwerwa abhe neemyaka kitaza kusuha mirongo esasabha abhe mukari wa musubhe wimwe. ¹⁰ Arenderwa amenyekane kumahokya amozomu, aribha ahiitiri abhana, msabharukiri, waabhagini, isabhiirye amaguru gaabhiriirya, rookusarikya bhano bhakunyaakibhwa akirusha kumurimo giogyoosi emizoomu. ¹¹ Kubhagumba abhasuhu otaza kubha kama mubhagumba kwo okubha bhararohererya amang'ana goomubhiri kukira Kristo bharenda butetwa. ¹² Kunzira yiyobharasikira mumabhihu kwokubha bhakirushamu kwibhaga itambi. ¹³ Bhasikira kwa kunara bhutobhuebho bharirugura muzinyamba bhatari bhatobhu ebho nibhagambibha kusikira mung'ana gaabhandi. ebho bharagamba mang'ana gano gatakwendwagahaywe. ¹⁴ Kwego ndenda abhakari abhasuhu bhatetwe, bhibhure abhana bhimereree megye gyaabhu bhataza kurusya omweya kubhabhisa bhataza kutusema kwokukora amabhihu. ¹⁵ Kwookubha abhamwe bhao bharyariri kumubhisa. ¹⁶ Mukari wuyo wosi akwikirirya kubha ana abhakwerwa kwego nabhasakiryaeerisengero ritazakutamwa, kubha risakirye abhakari bhano bhakwererwe henehene. ¹⁷ Abhakaruka abhakangati bharebderwa bhasukwe saana kubhano bhakugendererya eng'ana ya Tata bhugya. ¹⁸ Kwookubha ubhukame bha Tatabhugya, otaza kuribha eng'ombe omunwa hano akuhura eshyakurya omukori we mirimo arenda omuhero gwaye. ¹⁹ Otikirya amasomo bira mukaruka bhataza kubhuraho bhatwanikanya bhabhiri au bhatatu. ²⁰ Bharekye abhasarya mubhatubhoosi bhano bhagiri hamwe bhobhohe. ²¹ Ndakutuma embere wa Tatabhugya neembere wa Kristo Yeesu na maraika kubhe obhurage bira kwobhora. ²² Otaturira mutu wowosi mabhoko bhwangubhwangu. Otakora obhubhi bha undi. orenderwa omwene, obhe mweru. ²³ Etakwenderwa onywe amanzi agene, orenderwa onywe amarwa masuhu, kwookubha Yeenda na amarweeri gazo gakira ibhaga. ²⁴ Amabhihu gaa bhatu abhandi garamenyekana mwasi, na kubha kangatya mkibhohe. Na amabhihu agandi garareka inyuma. ²⁵ Ego ego amahokya amazomu garamenyekana mwasi, kwego agandi gwatakubhisa.