¹ Pauro, Sirwamo, na Timotheo kwi sengero rya Wathesaronike ghatighati we Eriobha wise Tata Yeesu Kristo orubhango no okwikirirya kubhe na nemwe. ² Turarusya omukumo ku Eriobha ribhaga ryoosi kunemwe mwoosigo. Kwuibhaga rino tukbhahaya ghatighati amasabhi getu. ³ Turahita kwego tutakutigha kubhukangati bhwe Eriobha wise wabhu emirimo gyenyu gyo okwikirirya omukya gwo obhusegi kwego obhwikong'ererya bhuno obhusubhe kwibhaga erindi ghatighati wa Tata Yeesu Kristo. ⁴ Muhiri musegwa ne Eriobha, tumenyiri okubhirikira kwenyu. ⁵ Na kwego ekina yabhu yiziri kunemwe etari kwing'ana eego, kwego nawe ghati ghati weinguru ghati ghati ekoro endabhu, na ghati yo obhuhene kwego mumenyiri, etwe tuhabhaabhatu bha amahokyaki ghati yenyu kwo okubha yenyu. ⁶ Mwari abhatu kutwega etwe na Tata, kyego mumwikirirye ng'ana ghatighati wenyako kubhuzomerwa ekureka kuukoro endabhu. ⁷ Kumenyekana kwaeye, mukabha bhakuroraku kubhosigoghatighati ekyaro, akaiya bhaano bhakumwikirirya. ⁸ Kwookubha okurwa kunemwe eng'ana ye Erioba rikerenwe hosi, kyego etari Mekedonia na Akaiya abhenego, kwo okubha okwikirirya kwenyu ahaghiro ghatighati we Eriobha enyarageni hosigho, okumenyekana kwazo kutakwenderwa ahaye kyokyosi. ⁹ Kwookubha ebho abhene bharatubhurura obhuzi bhwetu bhuhabha bhuribhwi kunemwe, bharatubhanira kyego twikyoriri ku Eriobha kuraka ghati wa amasambwa no okuhokerya Eriobha wuno akwigwa we hene. ¹⁰ Bhaano bharusirye amang'ana kubha bharaganya omwana waye kureka mwisaro wino akaryorwa kureka kubhaku, wuno ni Yeesu, akututuira mwasi kureka mubhutindi bhunobhukuza.