¹ Bhoono kumisororo iguru wa ebhikirirya kyego ndagirire amaseng'erero ga Garatia, ego ego murenderwa kukora. ² Kweki orusiku rwa okutanga rwa wiki kira wumwe wenyu ature kigiro kindi haguhi no okukibhika mukunagya, kukorego kubha mutabha na emisororo gano nikyari kuza. ³ Hano ndahike, wowosi wuno murasorye, na enyarubha kurusya sadaka yenyu eyo Yerusaremu. ⁴ Arabhe ni nzomu na enye ukugya kweki bharagya na nenye hamwe. ⁵ Nawe ndaza kunemwe kwibhaga rya kuhitira Makedonia, kwookubha ndahitira Makedonia. ⁶ Hamwe ndatura kwikara nemwe, nigokumara eribhaga rya embeho, kubha munisakirye kurugendo rwane, hohosi nkugya. ⁷ Kwookubha ntakuganya kubharora bhono kwibhaga iguhi, kubha ndaganya kwikara nemwe, kwibhaga rindi, aribha Taatabhugya aranihatira. ⁸ Nawe ndikara Efeso, na Pentekoste, ⁹ okubha ekiseku ekigari kigurwe iguru wane, na bhariho abhabhisa bhaaru bhukong'u. ¹⁰ Hano Timotheo araza, mumurore kubha anaemwe, kutiga okuobhoha, arakora emirimo gya Taatabhugya kyagino nkukora. ¹¹ Mutu wowosi atamurega mumusakirye kunzira yaye ya obhuhoreru, na anagye kuza kunenye, kwokubha ndamuganya yizehamwe na omuhiri. ¹² Bhoono kutubhana na omuhiri weti Aporo. Nkamusiga bhukong'u kubhatarya amwe no omuhiri, na we akaramura kutiga kuza kwa bhano hata ego araza hano akubha na omweya. ¹³ Mubhe meso, mwimerere kisi, mukore kya abhasubhe, bhubhe ne ezinguru. ¹⁴ Kweego goosi gano mukukora, mugakore kwa bhusegi. ¹⁵ Muimenyiri enyumba ya Stefano mumenyiri kubha bhahabha bhikirirye kubhutangiro eyo Akaya, na kubha akitura omwene okukora obhwikirirya. Na bhono ndabhasabha bhawamwetu. ¹⁶ Mubhe bhigumirirya kubhatu kya bhayo, na kuwuno akusakirya kukora emirimo, na kubhao bhakukora emirimo hamwe na netwe. ¹⁷ Ndazomerwa kwo obhuzi bhwa Stefano, Fortunato, na Akiko. Bhimereri hana emwe hakwenderwa kubha. ¹⁸ Kwookubha bhaizomerye ekoro yane ne eyenyu. Kweego bhono, mubhamenye kubha kya bhano. ¹⁹ Masengerero ga Asia bhabhakerirye Akira na Priska bharabhakerya ku Taatabhugya, hamwe nerisengerero rino riri yika wabhu. ²⁰ Bhwa mwetu bhosigo bharabhakerya murenie kwa ekisi ekyeru. ²¹ Enye, Pauro, ndakaama ego kwo okubhoko kwane. ²² Aribha wowosi atamsegiri Taatabhugya, kweego emigiro gibhe iguru waye. Taatabhugya wetu, nawuze! ²³ Orubhango rwa Taatabhugya Yeesu mubhe narwe. ²⁴ Ubhusegi bhwane bhubhe hamwe nemwe ku Kristo Yeesu.