¹ bhono ndakuhitya bhawamwetu bhekisubhe na ekikari iguru we ekira runonkabha ke renerya gano nkaturung'ana na kwimerera kwaye. ² Ni kwee ekina muturibhwe, hano muragwate kisi aring'ana rino bhabhuriri emwe, kubha mukikirirya bhusa. ³ kyeego nkaitwa nkareta kunemwe kyego eeri: Kwo okuhitira amakaamo, Kristo akakwa iguru wo obhubhi bhwetu, ⁴ Kuhitira amakaamo akabhikwa, Na kubha akaryoka osiku kwa katatu. ⁵ Na kubha akamutura kefa, kumara kubharya ikumi na bhabhiri. ⁶ Kumara bhakaza eribhaga rimwa bhekisubhe na ekikari kuhitira emiaka etana. Abharu bhabhu bhakyari bhahoru, nawe abhamwe bhabhu bhahindiri ezitiro. ⁷ Kweki akamutura Yakobo na abhabhagati bhoosi. ⁸ Obhutero bhwa goosi, akantura enye, kyego omwan wuno yibhurwe kwibhaga rino ritari kisi. ⁹ Kwo okubha enye ni musuhu kubha bhagati ntakutura kibhirikirwa mubhagati, kwo okubha nkarinyakya erisengerero rye Eryobha. ¹⁰ Nawe kwo orubhango rywe Eryobha niri kyeego niri, no orubhango rwaye kunenye rutekubha bhusa. ¹¹ Kwego nkakora mukya kukira bhoosi, nawe etari enye no orubhango rwa Eryobha rino ririmwosi waane. Kwago ninye hamwe eemwe, turarekya ego na turikirirya ego. ¹² Kyego Kristo akegibhwa na yaryaokiri kubhaku, na kristo kweki ataryokiri? ¹³ Aribha kutariho kuryorwa mubhaku kwego Kristo kweki araryikiri. ¹⁴ Aribha Kristo ataryokiri, kwego amaragiriryo getu ni busa ¹⁵ Tubhonekeni kubha bharoreriri kumuhusu Eryobha, kwego tukarorerera Eryobha kihuteti, kubhugha Kristo akaryoka neno atamuryoriri. ¹⁶ Kyeego abahku bhataryorirwe, kwego Yeesu ataryorirwe. ¹⁷ kwo okubha Kristo alaryorirwe okwikirirya kwenyu ni bhusa, na kweki mukyari kweki mubhubhi. ¹⁸ Kwego nabhano bhakuri Kukristo bhanya harikiri. ¹⁹ Kwo okubha kubhwikari obhwene tuna obhuhari kuribhagha rinorikuza mwosi wa Kristo wetu twoosi, etwe ni bhasinzi rwa kukira abhatu bhoosi. ²⁰ Nawe bhono Kristo aryokiri kureka kubhaku, emisumo gya obhukangati bhwa abhaku. ²¹ Kyeego orukurukaza kuhitira omurutu kweki kuhitira omuutu okuryoka kwa abhaku. ²² Kwookubha kuhitira Adamu bhoosi bharakwa, ego kuhitira Kristo boosi bhara sisimurwa bhahoru. ²³ Nawe kuwumwe kumakoro gaye: Kristo, emisumo gyo okutanga, na kweki bhano bhana Kristo bharakorwa bhuhya eribhaga ryo okuza kwaye. ²⁴ Niho hakubha obhutero, hano Kristo arahane obhukuru kuryoobha Tata. Yino ni hano arabhe anagirye okwimererera bhwosi no obhunagya bhosi neezinguru. ²⁵ Kwo okubha ni kubha yimererera kuhikira ature abhabhi bhaye bhosi iyaasi we ebhirenge bhyaye. ²⁶ Omubhi wo obhutero kusaribhwa no oruku. ²⁷ Kwo okubha ateri kira kigiro iyasi we ebhirenge bhyaye, kwego okubha ateeri ekigiro ni kubha yino etakuringania bhano bhateri kira ekigiro iyasi we ebhirenge bhyaye omwene. ²⁸ Kwibhaga ebhigiro bhyosi bhiturirwe iyaasi waye kubha omwana omwene araturwa iyasi waye ewe wuno akubhitura ebhigiro bhyosi iyaasi waye, yino ererekya kubha Eryobha Tata abhe goosi ku goosi. ²⁹ Nigo kweki bharakoraki bhano bhogi bhwe iguru wa abhaku? kyego abhaku bhata kuryorwa kimwe, kwaki kweki bharogibhwa iguru yabhu? ³⁰ Ni kwaki turi haguro habhihukira erisaa? ³¹ Bhawa mwetu kuhitira okwikumia kwane kunemwe yino ninayo kukristo Yeesu Tata wetu, ndabhuga ego: Ndakwa siku zyoosi. ³² Erankoreraki kumaroro ga abhaatu aribha nikahakana ne ebhitye nyi ebhihaari eyo Efeso, aribha abhaku bhatakuworwa? Tiga boono turye no okunywa, kwo okubha izo turakwa. ³³ Mutang'enwa: "Makundi mabhihu garasarya etemwa enzomu. ³⁴ "Mubha no kusuhu! mwikare kuhene! mutige kukora ebhibhi. kwo okubha abhamwe bhenyu mutana amang'eni ge Eryobha. Ndahayego kuzisoni zyeenyu. ³⁵ Nawe omuutu owundi arabhuga, "ni igaki abhaku bhakuryorwa? nabho bharaza na temwaki yo omubhiri?" ³⁶ Awe ni mugege kino wemirye! kitakutura kukangata kukina enookukwa. ³⁷ Na kino oremye kitari omubhiri guno gurabhe, nawe ni tetere yino ekusomoka eratura kubha ngano hamwe kigiro kundi. ³⁸ Nawe Eryobha rirahana omubhiri kyego ni kwenda, na kwe etetere yaye omwene. ³⁹ Emibhiri goosi gitatubheni, kwego guriho omubhiri ogundi gwa etyenyi, no omubhiri gwe ebhinyunyi no omubhiri iguru we eziswe. ⁴⁰ Kweki giriho emibhiri gya mwisaaro na emibhiri gya muusi, nawe obhukuru bhwa emibhiri gya mwisaaro ni tubho yimwe no obhukuru bhwa muusi ni bhuundi. ⁴¹ Bhiriho obhukuru obhundi bhwe Eryobha no obhukuru obhundi bhwo omweri, no obhukuru obhundi bhwe ezinzota kwo okubha enzota eyimwe erahitirana ne enzota eyindi kubhukuru. ⁴² Ego nigo bhuri obhuryori bhwa abhaku kino kikwemibhwa kirasarika, na kyokumera kitakusarika. ⁴³ Kyemibhwe kumahokyo ga haguhi kiramera kubhukuru, kyemibhwe kubhunyoohu, kiramera iguru wezinguru. ⁴⁴ Kyemibhwe kumubhiri gwe ekare, kiremibhwa iguru wo omubhiri gwa ekoro kweki. ⁴⁵ Ego kweki yandikirwe omutu wo obhutanguro Adamu akakorwa ekoro yokwikara, Adamu wa obhutangiro akakorwa ekoro yo kurusya obhuhoru. ⁴⁶ Nawe wekoro atiziri singa, ni wa kare, na kweki we ekoro. ⁴⁷ Omutu wo obhutangiro ni we eesi, akakorwa kwa ruteri.Omutu wa kabhiri akareka mwisaro. ⁴⁸ Kyego wurya akakorwa kwo oruteri kwego bhano bha korirwe kwo oruteri nigo kweki kya bhano bhakorirwe no oruteri, kyego omutu wa mwisaro ali, nigo na bharya bha mwisaro. ⁴⁹ Kyego tugegiri omutu wa muruteri turagega kweki kirengyo kyo omutu wa mwisaro. ⁵⁰ Bhono ndabhabhuria bha wa mwetu kubha omubhiri na amanyinga bhita kunagya okugabha obhukuru bhwa Eryobha na ego kuta kusarika okugabha kwo okusarika. ⁵¹ Rora ndabhabhurira emwe bhwibhisi hene. tutakukwa bhoosi, kwego bhoosi turakiranibhwa. ⁵² Turakiranibhwa kwibhaga ghati wo kuhindirirya na kuramukya kwa ameso ghati wa ekombyo yo obhutero, kwa okubha ekombyo erarira, na abhaku bhararyorwa, no okutiga kusarika kurakiranibhwa. ⁵³ Kubha guno gwo okusarika, gutakwi bhoha guno guta kusarika na guno gwo kukwa gwibhohe gwo kutiga kukwa. ⁵⁴ Nawe eribhaga rino okusarika no okutiga okusarika, na guno gwa okukwa, kwibhoha kutiga kukwa, niho rikuza ering'ana ryo kubhuga rikaamirwa, oruku rumirirwe mubhuhizi. ⁵⁵ Oruku, okuhiza kwazo kuri hai? Oruku bhuri hai obhururu bhwazo? ⁵⁶ Ubhwurur bhwe oruku ni obhubhi, ne zingu zyo obhubhi ni emigiro. ⁵⁷ Nawe okukumia kwe Eriobha, wuno akutuha etwe obhuhizi kuhitira Taatabhugya wetu Yeesu Kristo. ⁵⁸ Kwego bhasegwa bhamuwetu, mubhe bhakong'eru na mutarigita. Siku zyoosi mukore emirimo gya Taatabhugya, kwookubha mmenyiri kubha emirimu iguru wa Taatabhugya gitari busa.