¹ Mobhukomye obhusegani no okwendeera obhunogya bhwe ekoro, kubha mnage kurusha obhuroti. ² Kubha wuno akugamba engumbo atakurekerenia na abhatu arakerenia ne Eriobha. kwookubha abhandi bhatakurenya kyego akuhaya kubha aragamba amang'ana gembisikirye nago ni mang'ana ge Ekoro. ³ Nawe wuno akurusha obhuroti arakerenia na abhatu no okushomboka egikoro gyabhu. ⁴ Wuno akugaamba ge ekoro mukoro yaye aromboki ekoro yaye, nawe uno akurenia kuumubhiri aromboka omubhiri gwe Krissto Yeesu. ⁵ Na neenye ndagongerya kubha abhatu bhoosi bhagambe kukora zyambo na kweki bhaghambire kwierisengero obhurooti. Wuno akurusha obhuroti ni mukuru kukira wuno akugamba emgambo yeekoro na hano akughamba embarya geekoro abheho omutu wo okukyosya kwookubha abhsengeri bhamasabi bhombokwe egikoro zyabhu. ⁶ Nawe bhoono, abhahiri bhaane hano nkubhizaku ngambe gamukoro gane, ndabhahana bhweraki? Ntakutura ira ndagamba na neemwe kwoobhukundukuro, na kunyera zyoobhung'eeni no obhuroti no okwegya. ⁷ Areebhe ebhigiro bhino bhatari no obhuhoru ebhihuto ne entono, hano bhikunagya kutania eriraka oramenyabhwi tikigiroki kikutemwa? ⁸ Irabhe weriranda baragumu erarusha eriraka reno retamenyakeni mbhwe omutu akumenya kubha eribhaga rino ndyokugya moriihi. ⁹ Neegoego na neemwe hano mkiryamba gano gatamenyekeni muminwa gyenyu aramenya bhusi kino mkuhaya mrabha nrakerenia na neebho bhakumenya. ¹⁰ Bhwoobha bhutaroho kubha bhiroho ebhigambo bhyaaru kweesi kuno na etaroho yoyosi yeno atanebhwara. ¹¹ Nawe kubha ntamenyiri engambo yiyo, ndabha mugini kuruyo akukerenia, nawuno akukerenia arabha mugini kuneenye. ¹² Egoego naneenye. Kuukubha murenda kurora kino kikwekania kye Ekoro, mkomye kwenderwa kukerenia mwomboke risengero. ¹³ Wuno akugamba kuukoro mwisasame enoobhaakuhane kugaamba gano gakwigwa mubhaatu. ¹⁴ Kwookubha hano nkusasama kungambo yeekoro niekoro yaani ekuombokwa, nawe obhongo bhwane bhutari ne bhweera kugayo. ¹⁵ Nkorebhwi? Ndaga nsabhekukoro yani, nawe ndaga nsabhe kweki kumangeru go omubhiri gwane. Ndeemba kukoro na ndeemba kwoomubhiri kweki. ¹⁶ Hano okwembera Eriobha wembe kwomukoro, uno ario mugini arikiriryabhwi? Amina hano okurusha omukumo arebhe atamenyiri gayo akuhaya? ¹⁷ Ni maheene awe oramukumya kuzomu, nawe uwundi urya atakumenya atakombokwa. ¹⁸ Ndakumya Eriobha ndasabha ku ngambo yeekoro kubhakira emwe bhoosi. ¹⁹ Nawe kuukanisa nkisi ngambe amang'ana atano gano ghakumenyekana na bhoosi kumang'eni gane tee mbona kubheegya abhandi, kukira bhoosi ntagamba mang'ana bekwa ikumi kughamba engambo yeekoro. ²⁰ Bhahiri bhane, mtabha kya abhaana okwiseega. Nawe kumang'ana amabhihu mubhe nkya abhana abhanyerere. Nawekwukiseega emwe mubhe bhaatua bhakuru. ²¹ Gakamiirwe kuuumigiro, "Kubhatu bhe ekegambo eyiindi na kumiinwa ghabhagini ndagamba na abhaatu bhano. Nawe nkyeego bhatakumiigwa" Arahaya Taatabhugya. ²² Ego orurimi ne amorekenio, tari bharya bhikiriri, nkobhano bhatakiriri. Nawe kurusha obhuroti niamerekanio etari kubharya bhatakiriri nko bhano bhkirirye. ²³ Nawe, kanisa ryoosi ryiikumenie hagiro hamwe na bhoosi bhakegamba engambo yeekoro, ne abhandi bhakyari kwikirirya bhakasikiramu bhatakunagya kuhaya mbaayanga muri? ²⁴ Nawe kubha bhoosi mrarusha obhurooti na wurya atikirirye no omugini hano akusikira, aratongeribhwa na goosi yigwiri. Arasirizirwa na goosi gano gagambirwe. ²⁵ Ekizima kyumoyo zirya humbukeni. Amakyorogaku, yangagwiri kibhumari no okumsasama Eryoobha yangikirirya kubha Eryobha rerigati wenyu. ²⁶ Nikikukuunza, bhahiri bhaane hano mkutemerana kyoumwe abhe na sabhuri noundi anaeta mkore akigiro mryombake rikanisa. ²⁷ Kwookubha kyoumwe aragamba eringambo yekoro, bhabheho bhahiri bhatatu bhokutafasiri na kyoumwe yikara bhukiriego. No omutu yee atafasiri kino kigambirwe. ²⁸ Nawe aribha ataroho wokutafasiri abhandi bhayo bhikiri bhukiri mwokanisa. No wumwe wenyu agambe ne Eriobha. ²⁹ Na abharooti bhabhiri aua bhatatu ne abhanne abhandi bhitegerere kino kikutafasiriwa. ³⁰ Nawe yuno yekeri akuhumburwa eng'ana kwo mahokya, wurya yari aragamba akiranie. ³¹ Kwookubha kyo wumwe wetu aranagya kurusha obhurooti kyo owumwe no owuundi kwookubha kyo owumwe anagye ogwega na bhoosi bhanagye kusigiriribhwa. ³² Kwookubha ezikoro zya abharooti zirihasin ya abharooti. ³³ Kwookubha Eriobha retariwe eriyoga nawe ni wo obhunyohu nkyeego gari mumakanisa goosi na abhikirirya. ³⁴ Murenderwa abhakari mwikaree kiri kwikanisa. Kwookubha mutakwenderwa kugamba kwikanisa. Kwumwaya gwabhu, murenderwa kubha bhanyoohu, kyego emigiro gikuhaya. ³⁵ Kirabhaho kigiro kyokyosi kikwenderwa kukyeega nabha bhabhiirye abhasubhi bhabhu yike. Kwookubha nzisoni omukari kugamba kwikanisa. ³⁶ Eririgano rye Eriobha riksreka kwenyu? Nebhu tengerere imwe abhenego? ³⁷ Arabha omutu arikora niwo mukoro au omurooti, arenderwa amenye gano goosi mbekanuri kwookubha nie,igiro gye Taatabhugya. ³⁸ Nawe, yanga okumenya gano, momtige atamenya. ³⁹ Egoego, bhahiri bhane, mwenderi kurusha obhurooti, mtige kumrekya mutu wowosi atagamba engambo ya ekoro. ⁴⁰ Nawe amang'ana goosi gakorwe kwo obhuzomu na kwo obhunyohu.